Diọn̄ọ Nte Ọnọde Mme Owo N̄wed Nnyịn

Jesus ọkọdọhọ ete: “Mbufo ẹkebọ ke mfọn, ẹnọ ke mfọn.” (Mt 10:⁠8) Ntem, nnyịn isinyamke-nyam Bible ye mme n̄wed oro isidade ikpep mme owo Bible. (2Co 2:17) Akpanikọ oro ekemede ndinọ owo nsinsi uwem ke ẹsiwet ke mme n̄wed emi. N̄ko, ẹsinen̄ede ẹbiat okụk ẹnyụn̄ ẹsịn ukeme ẹmịn̄ mmọ ẹnọ ẹsọk mme esop ke ofụri ererimbot. Ntre, nnyịn ikpesibọ se iyomde kpọt.

Kûnọ owo n̄wed nnyịn ntịme ntịme, idem ọkpọkọm ada ke itie emi mme owo ẹwakde ọnọ n̄wed. (Mt 7:⁠6) Domo ndineme ikọ Abasi ye owo mbemiso ọnọde enye n̄wed, utu ke ndinọ owo ekededi emi asan̄ade ebe. Mme mbụme oro ẹdude ke ekebe emi ẹkeme ndin̄wam fi ọdiọn̄ọ utọ owo emi ọkpọnọde n̄wed nnyịn. Edieke mûdiọn̄ọke m̀mê owo ama ikọ Abasi nnyịn, emekeme ndinọ enye tract. Edi edieke owo ọdọhọde ọnọ imọ magazine m̀mê n̄wed nnyịn, nọ enye.​—⁠N̄ke 3:​27, 28.