Afo Emekeme Ndikwọrọ Ikọ Nnyụn̄ N̄kpep Owo N̄kpọ!

Ke ini Jehovah ọkọdọn̄de Moses utom, enye ekekere ke imọ idikemeke ndinam utom oro. (Ex 4:10, 13) Ndi akanam utọ n̄kpọ oro etịbe ọnọ fi? Ndi ke ekpep Bible ye Mme Ntiense Jehovah? Ndi emesikere m̀mê imọ iyakam ikeme ndikwọrọ ikọ ke ufọk ke ufọk? Mîdịghe ekeme ndidi idem esinyek fi ke ini oyomde ndikwọrọ ikọ nnọ nditọwọn̄ eken ke ufọkn̄wed mbufo. Onyụn̄ ekeme ndidi idem esinyek fi ndida fon n̄kwọrọ ikọ m̀mê ndikwọrọ ikọ ke ebiet emi mme owo ẹwakde. Edieke edide ntre, bọn̄ akam dọhọ Jehovah ọnọ fi edisana spirit. (1Pe 4:11) Nịm ke enye ayan̄wam fi ekeme ndinam utom ekededi emi enye ọdọn̄de fi.—Ex 4:11, 12.

ẸSE VIDIO ORO DI ASUANETOP EMI ENYENEDE UKO, EKEM ẸBỌRỌ MME MBỤME EMI:

• Nso ikọsọn̄ Sista Aoyama ndinam?

• Nso ke enye akanam man enyene uko?—Jer 20:7-9

• Nso ufọn ke enye akadia ke ntak emi enye ekesịnde idem anam n̄kpọ Jehovah?

• Nso utọ mfịna ke Jehovah ekeme ndin̄wam fi akan ke ini ọkwọrọde ikọ?