Anie Akara Ererimbot Emi?

SE BIBLE ETỊN̄DE

“Andidiọk akara ofụri ererimbot.”—1 John 5:19.

“Eyen Abasi ekedi . . . ndibiat utom devil.”—1 John 3:8, New Century Version.

UFỌN ORO AFO EKEMEDE NDIBỌ NTO EMI

Ọyọfiọk se idide ntak mfịna ererimbot emi.—Ediyarade 12:12.

Eyenyene eti ntak ndinịm ke ererimbot emi ọyọfọn akan emi.—1 John 2:17.

NDI IMEKEME NDINỊM SE BIBLE ETỊN̄DE?

Ih, imenyene ntak ita ke nsụhọde n̄kaha ndinịm:

• Ukara Satan eyebe efep. Jehovah ebiere nditre ukara emi Satan akarade ubonowo. Enye ọn̄wọn̄ọ ‘ndisobo Devil,’ nnyụn̄ ndiọn̄ kpukpru se Satan abiatde.—Mme Hebrew 2:14, Edikabade Eke Obufa Ererimbot.

• Abasi emek Jesus Christ ete akara ererimbot emi. Jesus ibietke abak-ibak ye obụk-ibụk andikara ererimbot emi ke baba usụn̄ kiet. Abasi ọn̄wọn̄ọ ntem aban̄a ukara Jesus: “Enye ayatua usụhọde owo ye ubuene mbọm . . . Enye ayafak ukpọn̄ mmọ osio ke ufịk ye afai.”—Psalm 72:13, 14.

• Abasi ikemeke ndisu nsu. Bible ọdọhọ ete: ‘Abasi ikemeke ndisu nsu.’ (Mme Hebrew 6:18) Ke ini Jehovah ọn̄wọn̄ọde ndinam n̄kpọ esitie nte ke se enye ọn̄wọn̄ọde akam ososu ama! (Isaiah 55:10, 11) “Ẹmọn̄ ẹsio andikara ererimbot emi ẹduọk.”—John 12:31.