Bible Ọdọhọ Didie?
Nso idi Obio Ubọn̄ Abasi?
NDUSỤK OWO ẸDỌHỌ ke Obio Ubọn̄ Abasi esịne owo ke esịt; mbon en̄wen ẹdọhọ ke Obio Ubọn̄ Abasi edidi ke ini mme owo ke ofụri ererimbot ẹdianade kiet ẹnyụn̄ ẹdude ke emem. Afo ekere didie?
SE BIBLE ỌDỌHỌDE
“Abasi enyọn̄ oyowụk obio ubọn̄ eke owo mîdisoboke ifep tutu amama. . . . Enye ayanuak onyụn̄ osobo kpukpru mme obio ubọn̄ emi.” (Daniel 2:44) Obio Ubọn̄ Abasi edi ata ukara.
N̄KPỌ EN̄WEN ORO IKPEPDE KE BIBLE
Obio Ubọn̄ Abasi odu ke heaven.—Matthew 10:7; Luke 10:9.
Abasi ada Obio Ubọn̄ esie anam ẹnam uduak esie ke heaven ye ke isọn̄.—Matthew 6:10.
Ini ewe ke Obio Ubọn̄ Abasi edidi?
DIDIE KE ỌKPỌBỌRỌ?
Owo ndomokiet idiọn̄ọke
Idibịghike
Ididịghe-di
SE BIBLE ỌDỌHỌDE
“Ẹyenyụn̄ ẹkwọrọ eti mbụk obio ubọn̄ emi ke ofụri isọn̄ nte ntiense ẹnọ kpukpru mme idụt; ndien adan̄aoro ke utịt edidi.” (Matthew 24:14) Obio Ubọn̄ Abasi oyosobo idiọk ererimbot emi efep ke ini ẹkwọrọde eti mbụk ẹsịm udomo emi Abasi oyomde.
N̄KPỌ EN̄WEN ORO IKPEPDE KE BIBLE
Idụhe owo ndomokiet ke isọn̄ emi ọfiọkde ini emi Obio Ubọn̄ Abasi edidide.—Matthew 24:36.
Prọfesi Bible owụt ke Obio Ubọn̄ Abasi ọmọn̄ ededi.—Matthew 24:3, 7, 12.