Ndi Abasi Edi Ita-ke-Kiet?

Se Bible ọdọhọde

Ediwak ufọkabasi ẹdọhọ ke Abasi edi ita-ke-kiet. Edi Encyclopædia Britannica ọdọhọ ete: “Ikọ oro Abasi-Ita-ke-Kiet m̀mê in̄wan̄-in̄wan̄ ukpepn̄kpọ ntre idụhe ke Obufa Testament . . . Ukpepn̄kpọ emi ọkọtọn̄ọ sụn̄sụn̄ ata ediwak isua emi ẹkebede, mme owo ẹma ẹnyụn̄ ẹfan̄a ukpepn̄kpọ emi etieti.”

Bible idọhọke ke ebiet ndomokiet ke Abasi edi ita-ke-kiet. Se se mme itie Bible emi ọdọhọde:

“Jehovah Abasi nnyịn edi Jehovah kiet.”—Deuteronomy 6:4.

“Afo, emi enyịn̄ fo edide Jehovah, afo ikpọn̄ edi Ata Edikon̄ ke ofụri isọn̄.”—Psalm 83:18.

“Nsinsi uwem ọwọrọ mmọ ndikọ ifiọk emi aban̄ade fi, ata Abasi kierakiet, ye enye emi afo okosiode ọdọn̄, kpa Jesus Christ.”—John 17:3.

“Abasi edi kiet kpọt.”—Galatia 3:20.

Ntak emi ediwak ufọkabasi ẹdọhọde ke Abasi edi ita-ke-kiet?