ምዕራፍ 14

አምላክ የሚቀበለው አምልኮ

በወረቀት የሚታተመው

ከዚህ በፊት ባለው ምዕራፍ ላይ እንደተመለከትነው አምላክን የሚያስደስቱት ሁሉም ሃይማኖቶች አይደሉም። ሆኖም ፈጣሪያችንን እሱ በሚፈልገው መንገድ ማምለክ እንችላለን። እሱን የሚያስደስተው “አምልኮ [ወይም፣ ሃይማኖት]” የትኛው ነው? (ያዕቆብ 1:27 የግርጌ ማስታወሻ) መጽሐፍ ቅዱስ ምን እንደሚያስተምር ተመልከት።

1. አምልኳችን በምን ላይ የተመሠረተ ሊሆን ይገባል?

አምልኳችን በመጽሐፍ ቅዱስ ላይ የተመሠረተ ሊሆን ይገባል። ኢየሱስ ወደ አምላክ ሲጸልይ “ቃልህ እውነት ነው” በማለት ተናግሯል። (ዮሐንስ 17:17) አንዳንድ ሃይማኖቶች በአምላክ መንፈስ መሪነት በተጻፈው ቃሉ ማለትም በመጽሐፍ ቅዱስ ውስጥ ያለውን እውነት ችላ ይላሉ። ይህን እውነት በሰዎች ትምህርትና ወግ ተክተውታል። ይሖዋ ግን ‘ትእዛዙን ገሸሽ በሚያደርጉ’ ሰዎች ደስ አይሰኝም። (ማርቆስ 7:9⁠ን አንብብ።) በሌላ በኩል ደግሞ በመጽሐፍ ቅዱስ ስንመራና በውስጡ የሚገኘውን ምክር ተግባራዊ ስናደርግ ልቡን ደስ እናሰኛለን።

2. ይሖዋን ልናመልክ የሚገባው እንዴት ነው?

ይሖዋ ፈጣሪያችን እንደመሆኑ መጠን ሊመለክ የሚገባው እሱ ብቻ ነው። (ራእይ 4:11) እሱን ብቻ መውደድ ይኖርብናል፤ እንዲሁም ምንም ዓይነት ቅርጻ ቅርጽ ወይም ምስል ሳንጠቀም ልናመልከው ይገባል።—ኢሳይያስ 42:8⁠ን አንብብ።

አምልኳችን “ቅዱስና በአምላክ ዘንድ ተቀባይነት ያለው” መሆን ይኖርበታል። (ሮም 12:1) ይህም ሲባል እሱ ባወጣቸው የሥነ ምግባር መሥፈርቶች መመራት አለብን ማለት ነው። ለምሳሌ ያህል፣ ይሖዋን የሚወዱ ሰዎች እሱ ከጋብቻ ጋር በተያያዘ ያወጣውን መመሪያ ሊቀበሉና ሊታዘዙ ይገባል። በተጨማሪም ሲጋራ እንደማጨስ፣ ጫት እንደመቃም እንዲሁም ዕፆችን ወይም አልኮልን አላግባብ እንደመጠቀም ካሉ ጎጂ ልማዶች ይርቃሉ።a

3. ከሌሎች ጋር አብረን ይሖዋን ማምለክ ያለብን ለምንድን ነው?

በየሳምንቱ የምናደርጋቸው ስብሰባዎች “በጉባኤ ይሖዋን [የምናወድስበት]” አጋጣሚ ይሰጡናል። (መዝሙር 111:1, 2) አምላክን የምናወድስበት አንዱ መንገድ የውዳሴ መዝሙር መዘመር ነው። (መዝሙር 104:33⁠ን አንብብ።) ይሖዋ በስብሰባዎች ላይ እንድንገኝ ያዘዘን ስለሚወደንና እንዲህ ማድረጋችን ለዘላለም በደስታ የምንኖርበት አጋጣሚ እንደሚከፍትልን ስለሚያውቅ ነው። በስብሰባዎች ላይ ስንገኝ እርስ በርስ መበረታታት እንችላለን።

ጠለቅ ያለ ጥናት

ይሖዋ ምስሎችን ተጠቅመን የምናቀርበውን አምልኮ የማይቀበለው ለምን እንደሆነ እንመረምራለን። በተጨማሪም ይሖዋን ማወደስ የምንችልባቸውን ዋና ዋና መንገዶች እንመለከታለን።

4. ምስሎችን ለአምልኮ መጠቀም የለብንም

ምስሎችን ለአምልኮ መጠቀማችን አምላክን እንደሚያሳዝነው እንዴት እናውቃለን? ቪዲዮውን ተመልከቱ፤ ከዚያም በሚከተለው ጥያቄ ላይ ተወያዩ፦

ቪዲዮ፦ አምላክ ምስሎችን ተጠቅመን የምናቀርበውን አምልኮ ይቀበላል? (3:26)

እስራኤላውያን በሲና ተራራ ግርጌ ለወርቅ ጥጃ አምልኮ ሲያቀርቡ 2. መቁጠሪያ የያዘ አንድ ሰው በድንግል ማርያም ምስል ፊት ሲጸልይ

በጥንት ዘመን ከአምላክ ሕዝቦች መካከል አንዳንዶቹ ጣዖት ተጠቅመው አምላክን ለማምለክ መሞከራቸው ምን ውጤት አስከትሏል?

አንዳንድ ሰዎች በአምልኳቸው ላይ ምስሎችን መጠቀማቸው ይበልጥ ወደ አምላክ እንዲቀርቡ እንደሚረዳቸው ይሰማቸዋል። እንደ እውነቱ ከሆነ ግን፣ እንዲህ ማድረጋቸው ወደ አምላክ እንዲቀርቡ ይረዳቸዋል ወይስ ከአምላክ ያርቃቸዋል? ዘፀአት 20:4-6⁠ን እና መዝሙር 106:35, 36⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦