Biyalan bia daghe kalare akal ésulan Éning moan kristen ye ésèñ minkanghle

2-8 YE NGOAN AWÔM-A-MBO

AKUM YA KALARE NZAME | AKÔRE 39-40

« Moises a nga tugha yem béé melepgha mese »

(Akôre 39:32) Ane ésèñ ése da larane tabernacle nge ki tabernáculo ye tente de réunion nge ki tienda de reunión é nga man, éde Bisraélites nge ki be Israelitas be nga mane bo é mam mese Jehôva a nga dzô Moises. Be nga bo aval a nga dzô.

w11 9/15 27 étun 13

Ye Jehôva a yem mina ?

¹³ Ve, Moises ny’a mbe « é môr a nga dang asili ñuu a lôr bôr be ya si ése ngura. » (Nla. 12:3) A nga lere naa a ne asili ñuu ye avuèñ éyong a nga dzeng naa a bèè metsing Jehôva. (Akô. 7:6 ; 40:16) Dzam ézing é mbe ki dé lere naa Moises a mbe a bele fulu ya kè aval Jehôva a mbe éé bo mam, nge ki naa a mbe éé wokh ôlun akal a nga yiène dzale mimboan mam be nga lep nye. Jehôva a nga dzô nye aval a yiène bo tabernacle nge ki tabernáculo yakekuiñ boan be-mam. Éfônan, naa be bo be toile nge ki be telas, Jehôva a nga lere be nsin nkoo wa yiène bele, y’abim be boucle nge ki be harás ba yiène ve. (Akô. 26:1-6) Nge ndeghe bikoan y’Ékôan Nzame a ve wa melepgha yakekuiñ boan be-mam, ngeng ézing é ne wô ndaghlé. Ve, Jehôva a ne ndeghe Bikoan a ne kaa bikop, a bira kap ésèñ, ye naa a tobe be-bo bisèñ béñ mebun. Éyong a lep môr yakekuiñ boan be-mam, a bo de amu a bele mbemba mekalgha. Bi ne baghlé naa, Moises éé dzi ki vaghle kee Jehôva bidzô akal a nga tugha nye mane lere é dzam a yiène bo, fave ane, é Nzame wéñ a mbe éé sili nye ôsi nge ki naa éé mbe ki éé likh naa a té mam, nge ki naa a tobe fili. Ve, Moises a nga daghe naa bebo-bisèñ « be nga bo aval » Nzame a nga dzô be. (Akô. 39:32) Za mbemba asili ñuu ! Moises a mbe éé yem naa a ne ésèñ Jehôva, ye naa ny’a mbe fave mbo-ésèñ a yiène bo ésèñ ése ba kee nye.

(Akôre 39:43) Éyong Moises a nga ke a daghe ésèñ deba, a nga yen naa be nga bo aval Jehôva a nga dzô be ; éde Moises a nga borane be.

(Akôre 40:1, 2) Ane Jehôva a nga dzô Moises naa : ² « É môs ôsua ye é ngoan ôsua, wa ye tele tabernacle nge ki tabernáculo a tente de réunion nge ki tienda de reunión.

(Akôre 40:16) Moises a nga bo é dzam ése Jehôva a nga dzô nye. A nga bo aval a nga dzô nye.

w05 7/15 27 étun 3

Ye mi ne sôsôe nfa mam mese ?

³ « Moises a mbe mbo-ésèñ ane sôsôe, » aval nten Behébreu 3:5 wa dzô. Nkule medzô Moises a nga bo dzé naa a lere naa a ne sôsôe ? Éyong be nga long ye tele tabernacle nge ki tabernáculo, « Moises a nga bo é dzam ése Jehôva a nga dzô nye. A nga bo aval a nga dzô nye. » (Akôre 40:16) Biè, é bôr bia kang Jehôva, bia lere naa bi ne sôsôe éyong bia séhane nye ye mewokh. Da lerebane éyong bia tubane minzukh nge ki bitsible. Ve, mben bia dang bitsible, se ki éde étam da lere naa bi ne sôsôe. Yésu a nga dzô naa : « É môr a ne sôsôe a boan be-mam été, a ne fe sôsôe a bura be-mam été, » ye fe naa « é môr éé se ki sôsôe a boan be-mam été, éé se ki sôsôe a bura be-mam été. » (Luc 16:10) Bia yiène tobe sôsôe mben é mam bia yen avitsang.

Ndzenghane mimbeng mi-mam mi ya nsisim

(Akôre 39:34) Nfingha ékôp n’nôm ntôma wèñ be va du ye nsin évele, nfingha ékôp phoque nge ki foca wèñ, étô da kane ;

it-2 884 étun 3

Ékôp phoque nge ki foca

Aval Bisraélite nge ki be Israelitas be nga bo naa bele de. Nge tahash ya Bible a tugha lere ngura aval phoque, bi ne sili aval Bisraélite be nga bo naa bele bikôp be phoque. Afang bo naa betsit beté ba bira tobe Arctique nge ki Ártico ye Antartique nge ki Antartico, bia yiène yem naa abim be phoque nge ki foca ba tobe mevôm avep é se ki abuiñ. Ému fe, abim be phoque moine nge ki be foca monje ba tobe mengura mevôm me ya Méditerranée nge ki Mediterráneo ye fe mevôm mang me ne ayông. Abuiñ mintet mimbu mi nga lôr mi, moan môr a nga bira wiñ be phoque, éde, a ne bo naa, metam me ya Bible, betist beté be mbe édedaa abuiñ a Méditerranée ye fe éfè mer Rouge nge mar Rojo. Ye fe naa mbu 1832, nkulane a nges Calmet, Dictionary of the Holy Bible (afep 139), a dzô naa : « Ba bira yen abuiñ be phoque nge ki foca bikôt-bimang bi ya mer Rouge, minfeng é vôm nkôô Sinaï a ne. »​—Mi ne fe daghe The Tabernacle’s Typical Teaching, A. J. Pollock, London, afep 47.

(Akôre 40:34) Ane nkut ô nga mane yabane a tente de réunion nge ki tienda de reunión, éde é duma Jehôva é nga mane dzale tabernacle nge ki tabernáculo.

w15 7/15 21 étun 1

Za a yiène yen ésèñ denan ?

Éyong nlonghan tabernacle nge ki tabernáculo ô nga man, nkut « ô nga mane yabane a tente de réunion nge ki tienda de reunión, éde é duma Jehôva é nga mane dzale tabernacle nge ki tabernáculo. » (Akô. 40:34) Jehôva a mbe faa éé yebe ésèñ té ! Ébe mina, dzé Bezalel ye Oholiab be nga wôrane tam té ? Afang bo naa béé dzi ki tsili biyôla bieba é biôm be nga mane lông, be nga wôrane abuiñ mevakh éyong be nga yen naa Jehôva a mbe éé borane nzukh ésèñ deba. (Mink. 10:22) É nga bira be ve mevakh éyong be nga yen naa, tang abuiñ mimbu, be nga tsini naa ba belane é biôm be nga bo, ékang Jehôva été. Éyong ba ye wôme nféféñ éning, Bezalel ye Oholiab ba ye tobe édedaa mevakh éyong ba ye yem naa tabernacle a nga tobe éban akal nya ékang tang mimbu 500 !

Nlanghan ya Bible

(Akôre 39:1-21) Ye, é ñong é ne bleu nge ki azul, laine pourpre nge ki lana púrpura ye évele ñong, be nga bo bitô akal ésèñ da bobane é vôm ô ne n’fufup. Be nga bo bitô bi ne n’fufup akal Aaron, aval Jehôva a nga dzô de Moises. ² Ane be nga bo efod nge ki efod ye kông, é ñong é ne bleu, laine pourpre, évele ñong, é lin nge ki lino a ne ôkekep. ³ Be nga bime mebong me kông naa me tobe mefep me ne ntoakh, ve sale me, akal a fen me ye é ñong é ne bleu nge nge ki azul, laine pourpre nge ki lana púrpura ye évele ñong, ye lin a ne ôkekep ; ane be nga tsing efod ye be ñong beté bese. ⁴ Be nga furu bisukh biwakh bituu bibèñ ye lare bie ye efod. ⁵ Ases é mbe é tsine efod ayô naa é sukh de, é mbe mboane ye biôm bivoo-bivoo : kông, é ñong é ne bleu, laine pourpre, évele ñong ye lin a ne ôkekep, aval Jehôva a nga dzô de Moises. ⁶ Be nga bem mekokh m’onyx nge ki ónice é dzôm da biñ me, mboan ye kông, ve tsile biyôla é boan Israël ayô, étoo ane ngura ndem. ⁷ Be nga bem mekokh biwakh bibèñ efod, naa me tobe ane ôsimane akal é boan Israël, aval Jehôva a nga dzô de Moises. ⁸ Ane be nga mane tsing pectoral a too ane mfekh aval fe be nga bo efod, kông, é ñong é ne bleu, laine pourpre, évele ñong ye lin a ne ôkekep. ⁹ Minfa mise mièñ mi mbe abim daa. Be nga bo pectoral aval é ne naa nge be nikh nye ô zang, naa a bele ntéñ ya ndam empan nge ki palmo mboo. ¹⁰ Naa a yene mbeng, be nga furu minlong mekokh menii. Nlong ôsua : rubí, topaze nge ki topacio ye émeraude nge ki esmeralda. ¹¹ Nlong mbèè : turquoise nge ki turquesa, saphir nge zafiro ye jaspe. ¹² Nlong lal : léshem, agate nge ki ágata ye améthyste nge amatista. ¹³ Nlong nii : chrysolithe nge ki crisólito, onyx ye jade. Be mbe be beme mefôô be nga bo akal té. ¹⁴ Mekokh me nga baghe biyôla 12 é boan Israël. Biyôla bité bi mbe bi beme ane ndem ; akokh ése é mbe é baghe éyôla dzaa ye meyong 12. ¹⁵ Akal pectoral, be nga tsing minkoo mi kông. ¹⁶ Be nga bo mefôô mebèñ me bele kông ye mekana mekông mebèñ be nga furu mesugha mebèñ pectoral. ¹⁷ A kôre ye vèè, be nga wua minkoo mibèñ mi kông mekana me kông été me ne mesugha pectoral. ¹⁸ Be nga bere minkoo mibèñ mité naa mi ke bembe biwakh bituu efod ôsu. ¹⁹ Ane be nga bera ñong mekana me kông mebéñ, ve furu me mesugha mebèñ me ne pectoral asi. ²⁰ Be nga sughlane bo mekana me kông mebèñ mevoo, ve beme me efod ayô é vôm ase da bôme. ²¹ Naa mfekh ya pectoral ô yem, be nga ñong nkoo ô ne bleu nge ki azul, ve wua wô mekana ya pectoral ya éma efod, aval Jehôva a nga dzô de Moises.

9-15 YE NGOAN AWÔM-A-MBO

AKUM YA KALARE NZAME | LÉVITIQUE 1-3

« Akalgha metunegha me mbe me bele »

(Lévitique 1:3) «“Nge évevee déñ é ne holocauste nge ki ofrenda quemada, a ye ve étong n’nôm ñat é ne kaa ékop. A ye wô ve Jéhôva ye n’nem ôse, anyî ya tente de réunion nge ki tienda de reunión.

(Lévitique 2:1) «“Nge môr a ve Jehôva évevee mefes, évevee déñ da ye bo harina nge ki farine a ne n’fuiñ ; a yiène chii mboan ayô ye chii olíbano nge ki oliban ayô.

(Lévitique 2:12) «“Mi ne ve Jehôva ane évevee é biôm mina tare sap, ve ba yiène ki soo me altar nge ki autel ane évevee é ne mbemba énum.

it-2 525

Metunegha, bivevee

Be holocaust nge ki ofrenda quemada. Be holocaust nge ki ofrenda quemada be mbe béé kee me Nzame ngura ; é môr a mbe éé ve me, éé mbe ki éé lighe dzôm ézing. (Ô ne vaghane ye Bekô. 11:30, 31, 39, 40.) Holocauste nge ki ofrenda quemada ô mbe a sili Jehôva dzam ézing, naa a yebe nge ki a lere naa a yebe, atunegha akal nsem be nga bo béé ve. Ane « holocauste nge ki ofrenda quemada » Yésu Christ a nga ve émièn ngura.

it-2 528 étun 4

Metunegha, bivevee

Bivevee mefes. Be mbe béé ve bivevee mefe éyong daa ye atunegha communion, be holocauste nge ki ofrenda quemada, ye atunegha akal nsem, ye fe ane é biôm ba tare sap, biyong bizing be mbe béé ve bie étam. (Akô. 29:40-42 ; Lév. 23:10-13, 15-18 ; Nla. 15:8, 9, 22-24 ; 28:9, 10, 20, 26-28 ; abong 29) É mbe déé lere naa ba yem mbeng Jehôva a mbe éé bo be éyong a mbe éé ve be biboran ye akum kaa yane dzam ayat. Be mbe béé ve de biyong bizing ye mboan ye oliban nge ki oliva. Be mbe ve bivevee mefes abuiñ meval : mesam me harina nge ki farine, n’yanghan mefes, nge ki mekala aa fônane couronne nge ki corona nge be galettes nge ki be galletas ba yam a horno nge ki four été, ba yam a saten nge ki a mvé ô bele mboan ba kang a wô. Be mbe béé fure abim bivevee mefes altar nge ki autel holocauste nge ki ofrenda quemada ayô, be sacerdotes nge ki be prêtre ébe be mbe béé dzi abim avoo, ye naa nga mbe atunegha communion, é môr a mbe éé ve de, a mbe bele ngap. (Lév. 6:14-23 ; 7:11-13 ; Nla. 18:8-11) Bivevee mefes me mbe béé bui altar ayô, méé nga yiène ki bele levadura nge ki levure ye « wiñ » (éfiè té éé mbe dé tsinane jugo nge ki jus).​—Lév. 2:1-16.

(Lévitique 3:1) «“Nge évevee déñ é ne atunegha communion nge ki comunión, ye naa nge a ñong de nsama bura biyem, a bo naa a ne n’nôm nge ki ngal, a yiène ve éyem é ne kaa ékop asu Jehôva.

it-2 526 étun 1

Metunegha, bivevee

Metunegha communion nge ki comunión (nge évevee mvoa). Metunegha communion Jehôva a yebe, me mbe méé yili naa mvoa ye Nzame. É môr aa mbe éé ve ékang ye é nda bôr dzéñ be mbe be bele ngap été (nseng tabernáculo nge ki tabernacle été ; aval mimboan mi-mam be Israelitas, be mbe béé long bibem étun moan cortina nge ki rideau a mbe éé dzip nseng té ; a templo nge ki temple été, be nga tele betebele ba dzi ayô). É sacerdote nge ki prêtre aa mbe éé bo ésesang a mbe a bele ngap, ye naa be sacerdotes akal bisèñ baa fe be mbe be bele ngap. Jehôva ny’a mbe fe éé ñong mbemba énum y’avong déé mbe déé dzik. Mekî, me mbe éfônan éning, be mbe béé ve me Nzame ane é dzôm déñ. Aval té, be sacerdotes, bekang ye Jehôva be mbe béé kabane n’nam té, é dzam éé mbe déé yili naa élat ye mvoa. É môr a mbe éé dzi de a too mvîn (aval ndzang mvîn ése Atsing da tu) nge ki a dzi n’nam té a lôr é tam atsing da ve (é vôm ayông é ne, a nga sum bwèñ) be nga yiène wiñ môr té. Môr té a mbe éé ve n’nam té mvîn, amu émién a mbe mvîn, nge ki faa naa é dzôm a mbe éé dzi éé mbe angônô é mis Jehôva Nzame, akal a mbe éé bian é biôm bi ne nfufup.​—Lév. 7:16-21 ; 19:5-8.

Ndzenghane mimbeng mi-mam mi ya nsisim

(Lévitique 2:13) «“Bivevee mefes mese wa ye ve, wa ye bi ve nku ; boghe nkee naa nku élat é Nzame wiè ô taa makh évévee mefes dwiè. Wa ye ve nku bivevee bwiè bise.

(Ézéchiel 43:24) Wa ye bi ve Jehôva, éde be sacerdotes nge ki be prêtre ba yiène bi ve nku ayô ye ve bie ane holocauste nge ki ofrenda quemada asu Jehôva.

w04 5/15 22 étun 1

É mam ma dang éban é kalare Lévitique été

2:13​—Amu dzé be nga yiène ve nku « bivevee bise » ? Déé mbe ki dé yili naa ba kômô koghle naa metunegha me bo zam anu. Si ése ngura, ba belane nku naa bidzi bi bem. Éde, a ve nku bivevee été éé mbe ndem da lere naa bivevee bité bii se ki mvîn nge ki éboo.

(Lévitique 3:17) «“Mina yiène ki dzi avong ézing nge ki mekî mezing ; a ne atsing é ne mbèmbèè memvong a memvong, mevôm mesese mina ye ke tobe.”»

it-1 813

Avong

Akalgha ya atsing té. Metam atsing, mekî ye avong me mbe é biôm bibèñ bi mbe fave akal Jehôva. Mekî me bele éning, a ne Jehôva étam énye a ve de ; é ne fe akal dèñ. (Lév. 17:11, 14) Be mbe béé ñong avong ane éfus da dang mvèñ a lôr nsôn tsit. Éde, éyong a mbe é kee avong tsit, nkang a mbe éé yebe naa Jehôva, é Nzame a ve abuiñ, énye a yiène bifus bia dang mvèñ, nkang a mbe éé lere naa a kee Jehôva é dzôm da dang nye mvèñ. Akal avong éé mbe dé lere naa Bisraélite be mbe béé kee Jehôva é dzôm da dang be mvèñ, éde be mbe béé dzô naa ba dzighe de altar nge ki autel ayô ane « bidzi » ye naa é ne « mbemba énum » akal dèñ. (Lév. 3:11, 16) Éde, é môr a dzi avong, a mbe éé ñong é dzôm be nga tele afeng akal Nzame, aval té a mbe éé bo é dzam étam éé mbe akal Jehôva. Éde be nga yiène wiñ môr té. Se ki aval dèè ane mekî, be mbe fe belane avong aval afe, nge avong té déé mbaa ki déé so ébe é tsit é va wu étam, nge ki faa naa tsit éfe éde é va wiñ nye.​—Lév. 7:23-25.

w04 5/15 22 étun 2

É mam ma dang éban é kalare Lévitique été

3:17. Akal be mbe béé ñong avong éfus tsit da dang mbeng nge ki mvèñ, éde éyong be nga kili be de, éé mbe dé yeghle Bisraélite nge ki be Israelitas naa é dzôm da dang mbeng éé mbe akal Jehôva. (Atarga 45:18) Dzam té da ve naa bi simane naa bia yiène kee Jehôva é dzôm da dang bia mbeng.​—Minkana 3:9, 10 ; Becolossien 3:23, 24.

Nlanghan ya Bible

(Lévitique 1:1-17) Jehôva a nga luè Moises ve kobe ye nye a tente de réunion nge ki tienda de reunión. A nga dzô nye naa : ² « kobeghe ye Bisraélite nge ki be Israélitas, dzôghe be naa : “Nge môr mboo y’ébe mina a kômô ve Jehôva bivevee betsit be y’adzèè, a ne ñong évevee ye nsama bura biyem nge ki ébi nsama boan biyem. ³ «“Nge évevee déñ é ne holocauste nge ki ofrenda quemada, a ye ve étong n’nôm ñat ô ne kaa ékop. A ye wô ve Jéhôva ye n’nem ôse, anyî a tente de réunion nge ki tienda de reunión. ⁴ A ye bwi éwo wèñ nlô holocauste nge ki ofrenda quemada ayô, aval té ba ye yebe naa mi buru minsem mièñ. ⁵ «“Akôre ye vèè, ba ye wiñ étong n’nôm ñat asu Jehôva ; éyong té é boan Aaron, be sacerdotes nge ki prêtre, ba ye ve Jehôva mekî ye mane me mièn mifa mise mi ye altar nge ki autel é ne anyî a tente de réunion nge ki tienda de reunión. ⁶ Ba yiane vèè ékôp holocauste nge ki ofrenda quemada, ya kîkh wô mefus. ⁷ É boan Aaron, be sacerdotes nge ki prêtre, ba ye ve nduan altar ye furu ndzaa. ⁸ É boan Aaron, be sacerdotes nge ki prêtre, ba ye bere mefus me holocauste nge ki ofrenda quemada, nlô ya avong ése é ne be riñones nge ki rognon ô ñuu,é nduan é ne autel ayô. ⁹ Miyè mièñ ye mimbiè mièñ ba ye mi sôp ya mendzim ; éyong té sacerdote a ye dzighe biôm bité bise a nduan. Amu a ne holocauste nge ki ofrenda quemada, atunegha da dzik a nduan é ne énum mbeng akal Jehôva. ¹⁰ «“Nge évevee dzèñ akal holocauste nge ki ofrenda quemada be va ñong de nsama bitong biyem, ébe bitong mintôma nge ki bekaban, a yiane kee n’nôm ô ne kaa ékop. ¹¹ Ba ye wô wiñ nfa ôkuiñ ye altar, asu Jehôva, é boan Aaron, be sacerdotes nge ki prêtre, ba ye miè mekî mèñ altar ôse ngura. ¹² Ba ye wô kikh mefus, éyong té sacerdote a ye bwi mefus, nlô ye avong ése é ne be riñones ô ñuu, a nduan é ne altar ayô. ¹³ Ba ye sôp minyè ye mimbiè ya mendzim ; éyong té sacerdote a ye dzighe biôm bité bise a nduan é ne altar ayô. Amu a ne holocauste nge ki ofrenda quemada, évevee da dzik a nduan é ne énum mbeng akal Jehôva. ¹⁴ «“Ve, nge a ve Jehôva anon ane holocauste nge ki ofrenda quemada, a yiane ve évevee bezum nge ki abeng. ¹⁵ Sacerdote a ye bwi ônon altar ayô, ye bamle wô nlô, ye dzighe wô altar ayô, ve ba yiène mane chii mekî mèñ altar nfeng. ¹⁶ A ye nye vèè éminegong ye bideng, ve wua bebéñ altar, éfa nlô dzô wa tare, é vôm ba kup asup. ¹⁷ Akôre ye vèè, a ye sale ônon étun mefap, kaa wô kikh bitun bibèñ. Éyong té sacerdote a ye wô dzighe a nduan é ne altar ayô. Amu a ne holocauste nge ki ofrenda quemada, évevee da dzik a nduan é ne énum mbeng akal Jehôva.

16-22 YE NGÔAN AWÔM-A-MBO

AKUM YA KALARE NZAME | LÉVITIQUE 4-5

« A ve Jehôva é dzam da dang wô mbeng »

(Lévitique 5:5, 6) «‘Nge aa ku’u dzam dèè ye mam meté, a yiène ke dzô nfa mbé a va bo nsem. ⁶ A yiène fe ke ve Jehôva atunegha bidzô akal nsem a va bo : ngal mbo, ntoane nsama boan betsit (moan ntôma nge ki moan kabane) ane atunegha akal nsem. Éyong té, prêtre nge ki sacerdote aa ye bo ésesang y’élat akal a buru nsem wèñ.

it-2 527 étun 9

Metunegha

Metunegha bidzô. Metunegha bidzô me mbe fe metunegha be mbe béé ve akal nsem ézing, amu naa bidzô bise bia yili naa nsem ô ne. Be mbe béé sili metunegha meté akal ngum aval minsem mii mbe mii ve naa môr a bele bidzô, mii tsen avitsang ya metunegha minsem mivoo, akal mii mbe mii dzeng naa mi kôm é dzôm e môr mboo nge ki a bulane nye é dzôm dzèñ. A birane é za dzôm, ane bo édi Jehôva, nge ki édi n’fufup ayong dèñ. Atunegha bidzô éé mbe déé dzeng naa é kôm é dzôm Jehôva é va tobe n’birane, nge ki naa é bulane nge ki a ve é môr a va bo nsem ye dzôban naa a bera bele é biôm élat éé mbe déé soo de, ye vèè akira nsem ôô mbe wéé soo wô.​—A vaghane ye Esaïe 53:10.

(Lévitique 5:7) «“Ve, ng’éé se ki bele ntôma, a ye ve Jehôva ane atunegha nkôman akal nsem wèñ, abeng ébèñ nge ki adu ébèñ, mboo akal atunegha akal nsem, éwi mbo akal holocauste nge ki ofrenda quemada.

w09 6/1 26 étun 3

A yem a bim bi ne bo

Akal da lere aval Jehôva a yen bia, atsing éé mbe déé dzô naa : « Ve, ng’éé se ki bele ntôma, a ye ve Jehôva ane atunegha nkôman akal nsem wèñ, abeng ébèñ nge ki adu ébèñ, mboo éto atunegha akal nsem, éwi mbo akal holocauste nge ki ofrenda quemada. » (Éfus 7) Bifiè « nge [. . .] Éé se ki bele » be mbe fe dzô naa « nge [. . .] Éé se ki nkukuma. » Nge moan Israélite aa mbe édedaa agèñ, naa a bele ntôma, Nzame aa mbe éé yebe ye n’nem ôse é dzôm môr té aa mbe nye kee​—abeng ébèñ nge ki adu ébèñ.

(Lévitique 5:11) «“Nge éé se ki bele abeng ébèñ nge ki adu ébèñ, aa ye ve ane atunegha akal nsem wèñ, efá mboo ébe awôm y’é farine nge ki harina a ne n’fuiñ ane atunegha akal nsem. A ye ki koghle mboane ayô ng’oliban, amu a ne atunegha akal nsem.

w09 6/1 26 étun 4

A yem a bim bi ne bo

Nge mbo-nsem éé mbe ki a bele anon ébèñ ? Atsing éé mbe déé dzô naa : « A yiène ve ane atunegha akal nsem a va bo, efá mboo ébe awôm y’é farine nge ki harina a ne n’fuiñ ane atunegha akal nsem. » (Éfus 11). Akal é bôr be mbe édedaa agèñ, Jehôva aa mbe éé yebe atunegha baa chii ki mekî. Abeng-si Israël, agèñ déé mbe ki é dzam é ne ve naa môr a sili ndzaman minsem mièñ ye kôm élat dèñ ye Nzame.

Ndzenghane mimbeng mi-mam mi ya nsisim

(Lévitique 5:1) «“Nge môr ézing a ne nganyè akal dzam ézing a va yen nge ki naa a va wokh naa é va boban, a wokh naa ba yi nganyè, ve kaa dzô dzam ézing aa yem, aa bo nsem, éde aa ye baghe ayem ye évus dèñ.

w16.02 30 étun 14

Yaghe éfônan besôsôe bebo-bisèñ Jehôva

¹⁴ Mbemba fulu é ne wô vole a tare tobe sôsôe ye Jehôva, wéé tobe ye é bôr bevoo. Éfônan, Ngeng ézing wa yem naa moanyong ézing a va bo nsem ô n’nen. Wa simane naa wa yiène tobe sôsôe ye nye wéé baghlé é dzam a va bo achèñ, dang-dang nge a ne é môr wa yem, ane mvuiñ dwiè, nge ki môr ye é nda bôr dwiè. Ve, nge ô dzeng naa wa chale nsem wèñ, wéé too ki Jehôva sôsôe. Wa yiène tele é sôsôe dwiè akal Jehôva ôsu. Éde, ane Nathan, boghe mbemba n’nem, ve tobe nget. Saghe môr té naa a dzeng avole bemvene. Nge éé dzi ki de bo avôô, é sôsôe wiè ye Jehôva da ye wô tsini naa ô kulane nsem wèñ asu bemvene be ye ékôan. Éyong wa bo de, wa lere vèè é sôsôe wiè akal Jehôva, ye mbemba n’nem akal é môr ye é nda bôr wiè. Aval avé ? Bemvene ba ye dzeng naa be vole nye ye mbemba n’nem naa a likh nsem wèñ.​—A lang Lévitique 5:1 ; Begalate 6:1.

(Lévitique 5:15, 16) « Nge môr a lere naa éé se ki sôsôe, éé té naa a bo nsem asu min’fufup mi-mam Jehôva, aa ye ve Jehôva ane atunegha n’kôman n’nôm ntôma wéé bele ki ékop, a va toa e moan nsama biyem ; é tang dèñ nfa besicle nge ki siclo be miang, ba ye be kikh aval sicle ye n’fufup vôm té wa sile de. ¹⁶ A ye fe ve n’kôman akal nsem a va bo asu n’fufup vôm, aa ye koghle mboo ébe tan, y’é tang dèñ. A yé de kee prêtre nge ki sacerdote, naa prêtre a bo ésesang élat akal dèñ ye n’nôm ntôma akal atunegha n’kôman, éde aa ye tobe n’dzaman.

it-1 1130 étun 2

N’fufup

Betsit ye é biôm ba tare sap. Beyôm mintôô biña , mintôma ye bekabane be mbe n’fufup akal Jehôva, béé nga yiène ki be kôre. Be nga yiène be wiñ, éde ngap ye atunegha éé mbe déé ke ébe beprêtre. (Nla. 18:17-19) Bibuma ba tare sap, ye dîme bii mbe fe n’fufup, aval fe metunegha ye bivevee bisese bi nga bobane n’fufup vôm, bii mbe. (Akô. 28:38) É biôm bisese be nga tele afeng, bii mbe n’fufup akal Jehôva, béé nga yiène ki bi ñong a zeze, nge ki a belane bie akal ésèñ éfe. Éfônan, atsing da daghe dîme da lere de. Nge môr a nga tele dzôm ézing afeng, naa a ye de ve ane dîme nge diezmo, éfônan mefes mèñ été, ye naa énye nge môr y’é nda bôr dzèñ a nga ñong moan ngap été naa aa belane de a nda, ngeng ézing naa a ye yam, môr té a nga bo nsem nfa ye atsing Nzame da daghe é biôm ba tele afeng. Atsing éé mbe déé sili naa, a bulane é ngap be va vèè, be bera koghle mengap 20 ébe ntet, ye ve fe n’nôm ntôma a ne kaa nsem be va ñong e moan nsama biyem. Dzam té éé mbe déé ve naa be bira seme min’fufup mi-biôm mii mbe akal Jehôva.​—Lév. 5:14-16.

Nlanghan ya Bible

(Lévitique 4:27–5:4) «“Nge môr mboo y’é bôr be ye si té a bo’o nsem kaa naa a va kômô de bo, éé bo dzam daa y’é mam Jehôva a nga kili naa ba yiène ki bo, nga simane naa a va bo de, ²⁸ nge ki naa, nge be dzôô nye naa a va bo nsem, aa ye kee ane atunegha, moan ékela kabam, akal nsem a va bo. ²⁹ A ye bere wo nlô atunegha nsem ayô, ye wiñ atunegha nsem é vôm fe ba bo be holocauste nge ki ofrenda quemada. ³⁰ Prêtre nge ki sacerdote a ye ñong ôyôm mekî ya ônu wèñ, ye furu me minla mi ne autel be holocauste nge ki altar de la ofrenda quemada ayô, éyong té a ye chii mekî ma lighi à tsîn ye autel nge ki altar. ³¹ A ye vèè avong ésese, aval ane ba vèè avong ye atunegha mvoa, ye bere de ô dzi altar ayô, ane énum mbeng akal Jehôva ; éyong té sacerdote a ye sili bidzama akal nsem wèñ, éyong té ba ye nye wô dzame. ³² «“Ve, nge a kômô kee moan ntôma ane atunegha nsem, a yiène kee ngal a ne kaa ékôp. ³³ A ye bere wo nlô atunegha nsem ayô, ye wiñ atunegha nsem é vôm fe ba bo holocauste nge ki ofrenda quemada. ³⁴ Sacerdote nge ki prêtre a ye ñong ôyôm mekî ya ônu wèñ, ye furu me minla mi ne autel be holocauste nge ki ofrenda quemada ayô, éyong té a ye chii mekî ma lighi a tsîn ye altar. ³⁵ A ye vèè avong ésese, aval ane ba vèè avong étong n’nôm ntôma y’atunegha mvoa, éyong té a ye de bere autel be holocauste nge ki ofrenda quemada ayô énum mbeng akal Jehôva ; éyong té prêtre a ye sili bidzama akal nsem a va bo, éyong té ba ye nye de dzame.

5 «“Nge môr ézing a ne nganyè dzam ézing nge ki naa a va yen nga wokh de, éyong té ba dzô naa a ke de bualé, ny’a kaa kanghle é dzam a yem, aa bo nsem, énye a ye bele ayem y’été. ² «“Nge ki, nge môr ézing a name é dzôm é ne mvîn, a ne bo mbim tsit y’afan é ne mvîn, a ne bo mbim tsit ya dzèè é ne mvîn, a ne bo mbim atsitsit é ne mvîn, aa ku, amben a ne kaa sighane de. ³ Nge ki naa, nge môr ézing, kaa de yem, a name é mvîn da so ébe moan môr​—a ne bo é dzôm ésese é ne nye ve mvîn​—ve ng’a siè de yem, aa ku. ⁴ «“Nge ki naa, nge môr ézing, kaa tare fas, a kane bindang naa a ye bo dzam ézing​—a bo mbeng, nge ki abé, a bo é dzam ése é ne bo​—vèè, éyong té a yem naa a va kane bindang kaa tare fas, môr té aa ku.

23-29 YE NGÔAN AWÔM-A-MBO

AKUM YA KALARE NZAME | LÉVITIQUE 6-7

« Nvaane akiba »

(Lévitique 7:11, 12) «“Atsing da daghe atunegha mvoa môr a ne ve Jehôva édi : ¹² Nge aa ve naa a lere naa ayem mbeng, a ye ve akal atunegha n’yemane mbeng, minfem mii bele ki levain nge ki levadura ye mboan été mia fônan couronne nge ki corona, be galette nge ki galletas béé bele ki levain nge ki levadura ba chii mboan ayô, ye minfem mia fônane couronne nge ki corona mi ne mboan ye é farine nge ki harina a ne mbemba nfulane be va koa ya mboan.

w19.11 22 étun 9

Meyeghle mi be ñong é kalare Lévitique

⁹ Ayeghle bèè : Bia sèane Jehôva akal bia yem mbeng a bo bia. Naa bi tugha wokh ôsimane té, nkôbeghan adzô metunegha me mvoa, dzam daa é mbe éban ékang Israël ye ôkua. É kalare Lévitique été, bia yeghe naa moan Israélite aa mbe ve atunegha mvoa « na’a lere naa a yem mbeng » Nzame aa bo nye. (Lév. 7:11-13, 16-18) A mbe éé ve atunegha té se ki akal ba yemle nye naa a bo de, ve akal émièn a mbe éé kômô de bo. A mbe atunegha môr émièn aa mbe éé kômô bo ye n’nem ôse akal a mbe éé nyeghe é Nzame wèñ, Jehôva. A mbe za metunegha ?

(Lévitique 7:13-15) A ye ve évevee dèñ ye minfem mi bele levain nge ki levadura mii fônane couronne nge ki corona ye atunegha mvoa aa ve naa a lere naa a yem mbeng Nzame a bo nye. ¹⁴ Évevee té été, a ye ñong kada nfem naa ave wô ane é ngap é ne nfufup akal Jehôva ; ngap té da ye bo akal é prêtre nge ki sacerdote a miè mekî me atunegha me mvoa. ¹⁵ É tsit atunegha akal nyeman mbeng ba ye de dzi é môs be va ve atunegha. Baa ye ki de baghle yakekuiñ é môs mboo.

w00 8/15 15 étun 15

Metunegha ma ve Nzame n’nem mbeng

¹⁵ Bia yen évevee éfe nten Lévitique abong 3. Atunegha communion nge ki comunión nge ki « atunegha évevee mvoa. » Nkobe hébreu nge ki hebreo, éfiè « mvoa » daa yili ki fave naa alumane nge ki ébirane dèè se ki. « A Bible été » ane é kalare Études des institutions mosaïques nge ki Estudio de las instituciones mosaicas (nkobe Nges) da tugha de lere, da lere éto mvoa nge ki élat mvoa ye Nzame, akum, mevakh ye mvom. Béé mbe ki béé bo metunegha communion nge ki comunión naa be tobe mvoa ye Nzame, ane ba sili nye n’nem ôsi, ve akal ba ve nye akiba, naa ba vakh a borane é bôr be ne mvoa ye Nzame akal a yebe be, be bele. Niène be vaa Jehôva mekî ye avong, be prêtre nge ki sacerdotes ye é môr a ve évevee be mbe béé dzi atunegha. (Lévitique 3:17 ; 7:16-21 ; 19:5-8) Ane ndem, é môr a mbe éé ve évevee be prêtre nge ki sacerdotes ye Jehôva be mbe béé kabane n’nam, éé mbe déé lere é mbemba élat mvoa éé mbe ézizang deba.

(Lévitique 7:20) «“Ve é môr sese a ye bo naa a ne mvîn éyong té aa dzi é tsit atunegha mvoa é ne akal Jehôva, ba yiène nye vèè ézizang ayong dèñ.

w00 8/15 19 étun 8

Metunegha me ôlughu ma ve Jehôva n’nem mbeng

⁸ Be ne dzô yè nfa é môr ave atunegha ? Atsing é mbe déé dzô naa môr te a yiène tobe mfuban, kaa évaghle mvîn éyong a zu tebe asu Jehôva. Naa holocauste nge ki ofrenda quemada wèñ nge ki atunegha communion nge ki comunión dèñ be yebe de, é môr a nga bo mvîn aval ézing a nga ye sum ye tare bera bo mfubane é mis Jehôva éé ve nye atunegha akal nsem nge ki atunegha akal bidzô. (Lévitique 5:1-6, 15, 17) Ye bi tèè éban é ne naa bi tobe nfuban mban asu Jehôva ? Nge bia kômô naa a yebe ékang dèè, n’dzighane kôm mbia dzam sese bi va bo asu metsing, bii belane e mam me ne mboan akal té naa ba vole biè​—« bemvene be ye ékôan » ye « atunegha nkôman akal minsem miè, » Yésu Christ.​—Jacques 5:14 ; 1 Jean 2:1, 2.

Ndzenghane mimbeng mi-mam mi ya nsisim

(Lévitique 6:13) Ba ye ve naa nduan éé yông tam ése autel nge ki altar ayô. Daa yiène ki dzim.

it-1 833 étun 1

Nduan

Ô tabernacle nge ki tabernáculo ya temple nge ki templo. Nduan é mbe dé bele môra afôô ékang be mbe béé ve a tabernacle nge ki tabernáculo été, ye a temple nge ki templo melu ô mvus. Kada kikiri ye ézizang ngogho ébèñ, é prêtre nge ki sacerdote n’nen a mbe éé dzighi encens nge ki incienso autel encens nge ki altar del incienso ayô. (Akô. 30:7, 8) Atsing Nzame é mbe déé sili naa be baghle nduan déé yông autel holocauste nge ki altar de la ofrenda quemada ayô. (Lév. 6:12, 13) Afang bo naa be mbe béé bira yebe dzam té, mboan mam be juif nge ki judios, atarga nduan autel ayô ô mbe akengha da so ébe Nzame, daa tugha ki lereban mintsilane été. Metsing Jehôva a nga tare kee Moises, be ndôma Aaron be nga yiène « ve nduan autel ayô ye bui ndzaa a nduan ayô » kaa naa be bui atunegha. (Lév. 1:7, 8) A ne éyong be nga sughlane tele prêtrise aaronique nge ki sacerdocio aarónico ye naa niène be nga sughlane ve sacrifices d’installation nge ki sacrificios de la instalación éde é nduan da so ébe Jehôva nkut ô mbe a tabernacle ayô, ô mbe wéé dzighi évevee é mbe autel ayô. A kôre ye vèè, nduan té éé mbe ki déé sughu fave a dzighi é ndzaa é mbe autel ayô, ve é mbe fave a « dzighi holocauste nge ki ofrenda quemada ye mefus ma dang mbeng altar ayô. » É ne été naa, é nduan déé mbe déé yông tam ése altar ayô é mbe mboan Nzame ye éwi be nga boa. (Lév. 8:14–9:24) Aval déé fe, nduan akengha Jehôva a nga lôm é nga zu dzighi atunegha éyong Salomon a nga man yeghlan akal amanegha ésèñ nlonghane templo.​—2 Mila. 7:1 ; ô ne fe lang Bekô. 6:21 ; 1 Bed. 18:21-39 ; 1 Mila. 21:26 naa ô bele minlang mife Jehôva a nga lôm nduan atunegha éyong a mbe é yebe bivevee be-bo bisèñ bèñ.

(Lévitique 6:25) « Dzôôghe Aaron ye bendôma bèñ naa, ‘Atsing da daghe atunegha akal nsem éédi : A ne é vôm ba wiñ holocauste nge ki ofrenda quemada vôm té mbo éde ba ye wiñ atunegha akal nsem asu Jehôva. A ne é dzôm é ne édedaa n’fufup.

si 27 étun 15

É kalare 3 ya Bible​—Lévitique

¹⁵ (3) Atunegha akal nsem é mbe éban éyong môt a nga té naa a bo nsem nge a va bo nsem té kaa yem. É tsit ba yiène ve be mbe béé top de béé simane aval é môr a nga bo nsem a mbe, ye é môr ba yiéne dzam​—a bo prêtre nge ki sacerdote, ayong, ndjié, nge ki faa kada môt. Be mbe béé ve holocauste nge ki ofrenda quemada ye atunegha comunión akal môr émièn a mbe é kôme de, a too naa atunegha akal nsem é mbe naa môr a sese a yiène wô ve.​—4:1-35 ; 6:24-30.

Nlanghan ya Bible

(Lévitique 6:1-18) Jehôva a nga bera kobe Moises naa : ² « Nge môr ézing a bo nsem ye lere naa é se ki sôsôe é mis Jehôva éyong a dukh é môr mboo akal é dzôm be nga kee nye naa a baghle nge ki naa é nga lighe ébane, nge ki naa a va wup nge dure de é môr mboo, ³ nge ki naa va yen dzôm é nga dzime ye kobe minal akal dzam té, nge aval minsem mité éde a nga bo, a kane bindang minal, é dzam a yiane bo édi : ⁴ Nge a nga bo nsem wa dure mekua, a yiane bulane é dzôm a va wup nge dure ye medukh, nge ki é dzôm be va kee nye naa a baghle, nge é dzôm a va yen, ⁵ nge dzam afe ézing a va kane bindang minal. A yiane ve éyiène ve bere akap tan ya tang dzôm té ayô. A ye bi kee é môr ane byo é môs ba ye nye kee bidzô. ⁶ A ye zu kee prêtre nge ki sacerdote, ane atunegha nkôman akal Jehôva, n’nôm ntôma kaban ô ne kaa ékôp aa va ñong nsama boan biyem, avale ane é tang ba sili, akal atunegha nkôman. ⁷ Prêtre nge ki sacerdote a ye bo ésesang élat akal dèñ é mis Jehôva, ya é mam mese ma ve nye bidzô ma ye dzambane. » ⁸ Jehôva a tsini naa a kobe Moises. A nga dzô nye naa : ⁹ « Vakh Aaron ye bendôma bèñ atsing di : « Atsing da daghe holocauste nge ki ofrenda quemada édi : holocauste wa ye bôme a dzi y’autel nge ki altar ayô ngura alu, yakekuiñ kikiri, ba ye baghle nduan y’autel nge ki altar. ¹⁰ Prêtre a ye boat ékôt ésesang é ne lin nge ki lino ye boat caleçon de lin nge ki calzoncillos de lino éé larane ñuu. A ye vaa asup holocauste nge ki ofrenda quemada ô nga mane dzikh a nduan ye bwi asup té altar nfeng. ¹¹ A kôre ye vèè, a ye vèè bitop a mbe a beghe ye boat bife, a ye wôle asup ye kee de ôyap ye autel, é vôm ô ne n’fuban. ¹² Ba ye baghle nduan y’autel. Daa yiane ki dzim. Prêtre nge ki sacerdote a yiane zu ve nduan mekiri mese ye bere holocauste nge ki ofrenda quemada a ndzaa ayô, a ye dzighe memvong metunegha me mvoa mese. ¹³ Ba ye baghle nduan autel nge ki altar éyong ése. Nduan daa yiane ki dzim. ¹⁴ «“Abong di, atsing da daghe atunegha mefes mese : Bendôma Aaron ba ye me lere émis Jehôva bebéñ autel nge ki altar. ¹⁵ Mboo y’été a ye biét évevee mefes té ya wo abôm, ye farine nge ki harina a ne nfuiñ, ya fe oliban be éveve mefes ayô, a ye dzighe biôm bité autel, bia ye kulu énum mbeng ndem ya metunegha mese be va ve Jehôva. ¹⁶ Aaron ya bendôma bèñ ba ye dzi abîm é va lighe. Da ye bo be ane ba dzi mfem ô ne kaa levain nge ki levadura é vôm ô ne n’fufup. Ba ye bi dzi nseng yaa a tente de réunion nge ki tienda de reunión. ¹⁷ Baa yiane ki mi yam ye levain. Akap Jehôva a ve be ébe metunegha menduan. A ne é dzôm é ne édedaa n’fufup, ane atunegha akal nsem ye ane atunegha nkôman. ¹⁸ Fam ése ya é mvong Aaron da ye de dzi. Ane akap deba ya mimyè mise, akap ya é biôm Jehôva be va dzighe ô nduan. É dzôm ése da ye be name da ye bo n’fufup.”»

30 YE NGOAN AWÔM-A-MBO–6 YE NGOAN AWÔM-A-ÉBÈÑ

AKUM YA KALARE NZAME | LÉVITIQUE 8-9

« Nden ye biborane Jehôva »

(Lévitique 8:6-9) Moises a nga luè Aaron ye bendôma bèñ éde a nga waa be ye mendzim. ⁷ Akôre ye vèè, a nga boar Aaron éwôman, atsine nye éya angerghe, aboare nye éwôman déé bele ki binam ye efod, a nga kaa de ye ntsighan ases efod naa é taa ku. ⁸ Éyong té a nga furu nye pectoral é da nga furu Urim ye Tumim a pectoral été. ⁹ A nga man ye boar nye turbante nge ki turban nlô ayô a ve ki nye éngông da fèñ é too kông a turbante nge ki turban ndem ye nfufup ntobane, aval Jehôva a nga de Moises.

(Lévitique 8:12) A sughlane ye été a nga chii ngap ye mboan ntoban nlô Aaron ayô ye waa nye mboan naa a likh nye naa a bo nfuban.

it-1 1207

Ntuène

Moises a nga waa Aaron ye bendôma bèñ, Nadab, Abihou, Éléazar ye Ithamar (nge ki naa a dzô be naa be wôbane), n’tseng cobre nge ki cuivre ô mbe a nseng été, a ne a nga boar Aaron mbeng étô sacerdote nge ki prêtre n’nen. (Nla. 3:2, 3) Kaa vuèn mimbeng bitô bité, be nga boar fe Aaron meboat ma lere mefulu ye meyem ye étô dèñ. A kôre ye vèè. Moises a nga waa tabernáculo nge ki tabernacle mboan é biôm bise bi ne été, altar de la ofrenda quemada nge ki autel holocauste, n’tseng ye bivol akal ésèñ, é dzôm é nga ve be nfuban nge ki a tele afeng naa ba ye belane bio fave akal ésèñ Nzame. Asughlane ye vèè, Moises a nga top Aaron é chii nye mbôan nlô ayô.​—Lév. 8:6-12 ; Akô. 30:22-33 ; Bya 133:2.

(Lévitique 9:1-5) É môs muôm, Moises a nga luè Aaron, bendôma bèñ ye bemvene be ya Israël. ² A nga dzô Aaron naa : « Toaghe étong ntôma étoo atunegha akal nsem ye n’nôm ntôma akal ofrenda quemada nge ki holocauste, bebèñ kaa nsem ye ve wô Jehôva. ³ Ve wa ye dzô be Israelitas nge ki Bisraélite naa “ñonghane n’nôm ékela étoo atunegha akal nsem ya kee étong ntôma ya étong ékela bese be bele mbu mboo kaa ékop akal ofrenda quemada nge ki holocauste, ⁴ ye fe ñat ye n’nôm kaban akal atunegha mvoa, metunegha ba bo asu Jehôva, ye fe évevee mefes é ne nfulane ye mboan, akal naa ému, Jehôva a ye mina zu lereban asu denan.”» ⁵ Ane be nga zuu é biôm Moises a nga sili be a tente de réunion nge ki tienda de reunión ôsu. Éde nsama ôse ô nga yir ye tebe Jehôva ôsu.

it-1 1208 étun 8

Ntuène

É môs muôm, a kuane naa be tugha be tuè éto deba, be sacerdotes nge ki be prêtre be mbe béé bo ésèñ deba (kaa avol Moises) éyong ôsua, béé bo ésèñ da daghe nkôman élat akal be Israelitas nge ki Bisraélite, dang-dang naa be Israelitas be nga yi naa be fube be, se ki fave akal be mbe be bo minsem, ve ye fe akal naa abong té be ndaghe bo nsem adzô da daghe moan ñat kông, é nga ve naa Jehôva a wokh be ôlun. (Lév. 9:1-7 ; Akô. 32:1-10) Éyong ésesang ôsua be nga tuè be sacerdotes é nga man, Jehôva a nga lere naa a yebe ye naa a tugha ban ntuène wôba éé lôm nduan akengha, éé mbe déé so nkut ô mbe a tabernacúlo nge ki tabernacle ayô, é nduan é nga mane dzighe é dzôm é nga lighe atunegha é mbe altar nge ki autel ayô.​—Lév. 9:23, 24.

(Lévitique 9:23, 24) Asughlane ye été, Moises ye Aaron be nga nyî a tienda de reunión ge ki tente de la rencontre a ne be nga kuiñ ye borane ayong. Éde é duma Jehôva é nga lereban ébe ayong ése, ²⁴ éyong té é nduan da so ébe Jehôva é nga tobe naa da dzighi ofrenda quemada nge ki holocauste ye mefus ma dang mbeng. Éyong ayong sese é nga yen do, be nga sum naa ba yônane ya kuru mebong ya fe a lui asu ôsi.

w19.11 23 étun 13

Meyeghle bi ne ñong abakh Lévitique

¹³ Ayeghle nii : Jehôva a borane nfa Ékôan dèñ é ne a si. Simghane é dzam é nga bobane mbu 1512 kaa naa Yésu a byale, éyong be nga tele tabernáculo nge ki tabernacle nkôô Sinaï asi. (Akô. 40:17) Moises é nye a nga wulu ye ésesang é nga yen ba tuè Aaron ye é boan bèñ be sacerdotes nge ki be prêtre. Ayong Israël ngura é nga kôane naa be yen ane be sacerdotes nge ki be prêtre ba ve metunegha ôsua meba. (Lév. 9:1-5) Aval avé Jehôva a nga lere naa a yebe nféfèñ sacerdocio nge ki prêtrise té ? Nté Aaron ye Moises be mbe béé borane ayong, nté ayop été, Jehôva a nga lôm nduan a si naa é zu mane dzighi metunegha me mbe altar nge autel ayô.​—A lang Lévitique 9:23, 24.

Ndzenghane mimbeng mi-mam mi ya nsisim

(Lévitique 8:6) A ne Moises a nga ve naa Aaron ye bendoma bèñ be yir nye bebèñ, éyong té a nga sum naa wua be ya mendzim.

w14 11/15 9 étun 6

Amu dzé bia yiène tobe nfuban

⁶ Be nga bo béé sili be sacerdotes nge ki prêtre be ya Israël naa be tobe nfuban ô ñuu, é bele môra ayilgha akal bebo-bisèñ Jehôva be ye émuu. É bôr ba yeghe Bible ya bia, be wôla bili nfuban menda bikôan biè, ya fe bitôp biè bi ne nfuban ya mbemba nkuane. Ve, nfuban be sacerdocio nge prêtrise wa yeghle fe biè naa é môr ase a bere nkôô akal ékang Jehôva a yiène bele « n’nem ô ne nfuban. » (A lang Bya 24:3, 4 ; Esaïe 2:2, 3.) Bia yiène ve Nzame nya ékang ya nsisim ye n’nem ô ne nfuban, ya fe a tobe nfuban ô ñuu. Dzam té da yeghle bia naa bi ñong éyong naa bia fas aval bôr bi ne, éyong té abim bôt yʼébe bia ba yen mevôm mézing ba yiène dzeng naa be tsen a bo naa be tugha tobe nfuban. (2 Becor. 13:5) Éfônan, é kristen a daghe éngengeng da lere nsem medzian, a yiène sili émièn naa : « Ye ma lere faa naa me ne n’fufup ? » Éyong té a yiène dzeng avôle naa a dzam mbimbia nsem té.​—Jacq. 5:14.

(Lévitique 8:14-17) A ne a yir n’nôm ñat ébe nye akal atunegha nsem, éyong té Aaron ye bendôma bèñ be nga bui mô nlô n’nôm ñat akal atunegha nsem. ¹⁵ A ne Moises a nga wiñ de, ye ñong mekî ya ônu wèñ ye waa me minla mi ne altar nge autel ayô, a ne a nga fubu nsem ye altar, a ne a nga chii mekî me nga lighi a tsin ye altar nge ki autel, akal a fube de nfa ye naa a bo wô ayô ésesang ye élat. ¹⁶ Niène dzam té é nga lôt, a ne Moises a nga toa avong ése é mbe miyè ayô, ékôp é ne ésakh nfeng ya be riñones nge ki rognons bebèñ ya avong deba ye mane bi bum altar ayô. ¹⁷ É biôm bi nga lighi ébe n’nôm ñat, ékôp, minsôn ye mebi mèñ, ane a nga mane me dzighi a campamento nge ki ô camp atan aval Jehôva a nga dzô de Moises.

it-2 437 étun 3

Moises

Nzame a nga twiè Moises ntebe ézang atsing ya élat ye Israël, éto té da lere é mbemba angom ye Jehôva, éto môr mfe é dzi ki bera bere, fave Yésu Christ ntebe ézang nféfèñ élat. Ye Mekî betsit be nga ve ane atunegha, Moises a nga man me wôa abakh ye élat, édi é mbe éfônan Jehôva, ngura « nfa ye élat », ye man fe me wôa ayong (kaa de soo bemvene be mbe be tele ayong ôsu), « nfa ye élat mboo ». A nga lang ayong abakh ye élat, a ne ayong é nga yalane naa : « É dzam ése Jehôva a va dzô, bi ne nkôghane naa bia bo de. » (Akô. 24:3-8 ; Behéb. 9:19) Amu a mbaa ntebe ye élar té, Moises aa mbe bele môra ayem naa é nye a wulu nlonghane tabernáculo nge ki tabernacle ye fe nlonghane ya é biôm bi ne été, aval ane Nzame a nga dzô de, ye twiè fe sacerdocio nge ki prêtrise, é wua tabernaculo ye Aaron é sacerdote nge ki prêtre n’nen mboan ô mbe n’yamane akal té. A ne fe a nga wulu ésesang ôsua be sacerdote nge ki prêtrise be nga ve metunegha ôsua.​—Akô. abong 25-29 ; Lév. abong 8, 9.

Nlanghan ya Bible

(Lévitique 8:31–9:7) Ane Moises a nga kobe Aaron ya é boan bèñ : « yamghane tsit anyî ya tente de rencontre nge ki tienda de reunión ; énye mina ye dzi de vèè, ye mfema ô ne adzat ya atwèban, ane atsing me nga ñong da sili de : “Aaron ya é boan bèñ ba ye de dzi. ³² É tsit da ye bukh ya mimfema, mina ye bi mane dzighe. ³³ Ébe melu zangbwa mina taa kôre ébem atubane, yaa kekuiñ melu m’atwèban menan ma ye mane, amu da sili melu zangbwa naa be twiè mina éto be prêtre. ³⁴ Jehôva énye a nga dzô naa bi bo é dzam bi va bo ému, naa bi sili élat akal denan. ³⁵ Mina ye tobe a nyî ya tente de réunion alu ya môs tang melu zangbwa é bo naa mine dzale ayem denan é mis Jehôva, mbene mi za wu ; amu é dzam be nga sili ma éé dalé. » ³⁶ Aaron ya é boan bèñ be nga bo é mam mese Jehôva a nga sili be ngalane Moises.

9 Alu muôm, Moises a nga luè Aaron y’é boan bèñ, ye bemvene be ya Israël. ² Ve dzô Aaron naa : « Ñonghe étong n’nôm ñat akal atunegha minsem ye n’nôm ntôma kaban akal holocauste, dzôm ése y’été kaa ékôp, keghe byo é mis Jehôva. ³ Ve, wa ye dzô boan b’Israël naa : “Ñonghane n’nôm ékéla akal atunegha minsem, étong n’nôm ñat ye étong ntôma kaban, dzôm ése y’été da yiane bele mbu mboo ya kaa ékôp, akal holocauste, ⁴ n’nôm ñat ya fe n’nôm ntôma kaban akal metunegha me mvoa, naa ô kee be é mis Jehôva, ye atunegha mefes me ne nfulan yaa mboan, akal ému wi Jehôva a ye siane ébe mina.”» ⁵ Ane be nga kee biôm bité bise anyî ya tente de réunion aval ane Moises a nga dzô. Ane ayong ése é nga yir ye tebe asu Jehôva. ⁶ Ane Moises a nga dzô naa : « Ta é dzam Jehôva a dzô naa mine bo, ndamben éwuma Jehôva da ye siane ébe mina. » ⁷ Éde Moises a nga dzô Aaron naa : « Yirighe autel bebéñ, vakh atunegha dwiè akal minsem ye holocauste wiè, boghe ésesang élat akal dwiè ye akal é nda bôr dwiè ; éyong té vakh atunegha akal ayong, boghe ésesang élat akal deba, aval Jehôva a nga dzô de. »