Aval bi ne sum minlang ye minso mefep

A té y’é ngoan ôsua ye mbu 2018, afep atarga ye nso afep Éning moan kristen kalare akal ésulan, é bele bifônan minlang. Da saghe bia naa bi lèè minlang ye bôr ndaane a likh be fave bekalare. Da vole bekare fuèñ naa be bira belane Bible éyong ba sum minlang. Ye da yili naa bi se ki fe belane bekalare éyong bia kanghle menda menda ? Kaa dzôm ! Éfônan é ne naa, minso mefep mi ne bia vole naa bi yem sum minlang. Bi ne belane nféféñ mboane wi éyong bia belane minso mefep :

1. Silighe nsili ô bele abuiñ biyalan.

2. Lereghe éyalan Bible, bia yen éfus é ne afep bèè ayôp. Nge tam é ne, langhane ye lèè minlang mia deghe mam mefe me ne nso afep été.

3. Keghe miè-nda nso afep, ye saghe nye naa a lang abim mam me va lighi éyong a ye bele tam.

4. Kaa naa ô ke, lereghe étun « Ô ne fe fas adzô di » ye dzô éyong mia ye bera tubane naa mi yen éyalan Bible a ve nsili té.

Éyong wa ye dughane, mi ne kobe adzô nsili ô nga likh, ô lighi fe nsili ôfe naa wa ye zu yalane wô éyong éfe. Ô ne top nsili a nden wè, nge ki abakh akal ayeghle éfe afep da sughlane. Tam éfe, ô ne nye lere nso kalare Nzame a bele bia mbemba mefuèñ ! nge ki abakh éfe bi ne yen éwala bivol akal minkanghle.