E Daramaka Lesu Tale na Mama i Ligadrau

“RAICA mada na ligaqu. O kunea kina e dua na veisau?” Ni dodoka yani na ligana e dua na tagane vua e dua na yalewa, e raica rawa sara na yalewa iVakadinadina i Jiova oqo ni sa yali na nona mama ni vakamau. E vakamacalataka na tagane ni rau sa sega tu ni veiyaloni kei watina, erau sa vakadeitaka me rau sere. “Sega!” e kaya na iVakadinadina. “Wilika mada na ivola oqo. Ena vukei kemudrau ena nomudrau vakawati.” Solia sara vua na ivola yavutaki vakaivolatabu Na Ka Mo Kila Mo Bula Tawamudu Kina.a

Oti e vica na siga sa qai lesu ena mamarau o tagane vua na iVakadinadina. Mani vakaraitaka sara vua na ligana. Oqo e sa daramaka tiko na nona mama ni vakamau. E kaya ni rau sa lai wilika kei watina na ivola na Kila, e sa vakamarautaki rau sara ga. E vaka ga e daramaka lesu tale na mama i ligadrau na ivola oqo.

Ena yaga na ivakasala vakaivolatabu vei ira na tagane kei na yalewa vakawati mera veilomani tiko ga kina. E rawa oqo baleta ni o koya ga na Dauveibuli e vakavuna na volai ni iVolatabu, ni kaya: “Koi au ko Jiova na nomu Kalou, ka’u sa vakavulici iko mo vinaka kina, ka’u sa tuberi iko e na sala mo lakova.”​—Aisea 48:17.

[iVakamacala e ra]