‘Qarauna Vinaka na Lomamu!’
Soqo ni Tikina ni iVakadinadina i Jiova
USUTU ENA VAKARAUBUKA
‘E Raica na Yalo o Jiova’—1 SAMUELA 16:7.
USUTU ENA VAKARAUWAI
‘Ena Cavuta ga na Gusumudou na ka e Sinai tu e Lomamudou’—MACIU 12:34.
USUTU ENA SIGATABU
‘Qaravi Jiova ena Lomamu Taucoko’—1 VEIGAUNA 28:9.
E voleka ni cavuti vakadua na udolu ena iVolatabu na lomada. Ni vakayagataki ena iVolatabu na vosa qori, e vakaibalebaletaki ena levu na gauna ina ka e sega ni laurai, qori na noda vakasama, na ivakarau ni lomada, kei na noda gagadre.
Na cava meda qarauna vinaka kina na lomada? E uqeti vakalou o Tui Solomoni me vola: “Qarauna vinaka sara na lomamu ni ivurevure ni bula.” (Vosa Vakaibalebale 4:23, NW) Na vinaka ni noda bula ena gauna qo kei na noda inuinui ni bula ena gauna se bera mai, e vakatau ena ivakarau ni lomada. Na vuna? Ni raica o Jiova na ka e tu e lomada. (1 Samuela 16:7) Na nona rai na Kalou me baleti keda e vakatau ena “tamata e loma,” na ivakarau ni lomada.—1 Pita 3:4.
Eda na qarauna vinaka vakacava na lomada? Ena saumi sara qori vakavinaka ena nodra soqo ni tikina na iVakadinadina i Jiova e veiyasa i vuravura ena tekivu tiko ena vula qo. O sureti mo tiko ena tolu na siga ni soqo qori.a Na ka o na vulica kina ena vukei iko mo cakava na ka e vakamarautaka na Kalou o Jiova.—Vosa Vakaibalebale 27:11.
[iVakamacala e ra]
a Mo kila na vanua ni soqo ena nomu yasayasa, raica na web site www.pr418.com. O rawa ni tarogi ira tale ga na iVakadinadina i Jiova ena nomu itikotiko se volavola vei ira era vakarautaka na mekesini qo.
[iTaba ni Credit Line ena tabana e 32]
iTaba ena imatau: Aus dem Fundus der MÜNCHNER OLYMPIAPARK GMBH, München