Cava e Kaya na iVolatabu?
E vu ga vakatamata na lotu?
ERA VAKABAUTA ESO ni vu ga vakatamata na lotu. Eso tale era nanuma ni vakayagataka na Kalou na lotu meda toro voleka kina vua. Cava o nanuma?
KA E KAYA NA IVOLATABU
E tiko na “lotu e savasava qai sega ni dukadukali ena mata ni noda Kalou na Tamada.” (Jemesa 1:27) E sega ni vu vakatamata na lotu e savasava se dina.
CAVA TALE E KAYA NA IVOLATABU?
E marau na Kalou ni yavutaka e dua na lotu na kena ivakavuvuli ena ka dina ena iVolatabu.—Joni 4:23, 24.
E tawayaga na lotu e yavutaka na kena ivakavuvuli ena vakasama vakatamata.—Marika 7:7, 8.
Vakacava e bibi meda lewena e dua na lotu?
CAVA O NA KAYA?
Io
Sega
De dua
KA E KAYA NA IVOLATABU
“Meda dau veinanumi nida veivakauqeti ena loloma kei na caka vinaka, meda kua ni biuta na noda soqoni vata.” (Iperiu 10:24, 25) E vinakata na Kalou mera lewena na nona tamata e dua na isoqosoqo lotu.
CAVA TALE E KAYA NA IVOLATABU?
Mera duavata ena vakabauta na tamata ni Kalou.—1 Korinica 1:10, 11.
Era vaka ga na veitacini na lewe ni lotu e vakadonuya na Kalou.—1 Pita 2:17.