Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • g01 Okotova t. 30-31
  • E Cala Beka na Lolosi?

Sega na kena vidio.

Vosota, sega ni laurai rawa na vidio.

  • E Cala Beka na Lolosi?
  • Yadra!—2001
  • Ulutaga Lailai
  • iKuri ni Ulutaga
  • Vakaraitaki ni Lolosi Ena iVolatabu
  • Na Vuna Eda Lolosi Kina
  • Na Cava e Nodra iNuinui na Wekada Lomani Era sa Mate?
    Na Cava e Nodra iNuinui na Mate?
  • Na Cava e Yaco Vei Ira na Wekada Lomani Era Mate?
    Na Ka mo Kila mo Bula Tawamudu Kina
  • “Ena Tucake Tale na Ganemu”!
    Na Vale ni Vakatawa Kacivaka na Matanitu i Jiova (Vulici)—2023
  • I Nuinui Dei me Baleti Ira na Mate
    Ni Mate e Dua na Wekamu Voleka
Raica Tale Eso
Yadra!—2001
g01 Okotova t. 30-31

Na Rai ni iVolatabu

E Cala Beka na Lolosi?

“IA KA’U SA VINAKATA, OI KEMUDOU NA VEIWEKANI, MO DOU KAKUA NI LECAVA E NA VUKUDRA ERA SA MOCE TU, MO DOU KAKUA KINA NI YASOVAKA, ME VAKATAKI IRA NA TANI SA SEGA NA NODRAI NUINUI.”​—1 CESALONAIKA 4:13.

NA IVOLATABU e dulaka tu na nodra inuinui na mate. Na veivakaturi a cakava o Jisu, vakatale ga kina na nona ivakavuvuli, e dusia tiko na gauna ena vakaturi ira kina na mate. (Maciu 22:23-33; Marika 5:35, 36, 41, 42; Luke 7:12-16) Ena vakayacoka vakacava vei keda na inuinui oqo? Na malanivosa i yapositolo o Paula e volai koto e cake, e vakaraitaka ni inuinui oqo ena veivakacegui ena gauna e mate kina e dua eda daulomana.

Ni mate e dua o daulomana, sega ni vakabekataki ni na vusolo na yalomu ena levu ni rarawa. A tukuna o Tirisa, a mate na watina ni oti e 42 na yabaki ni nodrau bula vakawati, ni oti ga vakalailai na sele ni utona: “Au kidacala! Au vakila e liu na rere. Oti oya a tarai au na mosi levu, ia ni toso na gauna sa qai ca ga. Dua na ka na levu ni noqu tagi.” E vakaraitaka beka oqo ni lailai na kena vakabauti na vosa ni yalayala i Jiova mera na vakaturi na mate? E vakacala beka na lolosi na vosa i Paula?

Vakaraitaki ni Lolosi Ena iVolatabu

Ena saumi na veitaro oqori ke da dikeva na ivakaraitaki ni lolosi ena iVolatabu. Ena vuqa na itukutuku e laurai ni dau tiko tale ga na gauna ni lolosi ena gauna e mate kina e dua na lewenivuvale voleka. (Vakatekivu 27:41; 50:7-10; Same 35:14) Levu na gauna na yaluma e sotavi ena lolosi oqo e dau tarasui dina.

Dikeva mada e so na turaga vakabauta era a lolositaka na mate ni nodra daulomani. Me kena ivakaraitaki, e vakabauta matua o Eparama ni rawa vua na Kalou me vakaturi ira na mate. (Iperiu 11:19) A dei kina na lomana, ia ena gauna e mate kina o watina, a “lako mai . . . me yasovaki Sera, ka tagicaki koya.” (Vakatekivu 23:1, 2) Na gauna eratou a lasutaki Jekope kina na luvena tagane ni sa mate o Josefa na nona gonenitoko, a “dresulaka nonai sulu ko Jekope . . . ka . . . tagi tiko e na vukuna.” (Vakatekivu 37:34, 35) Io, ni lai oti e vica na yabaki e se tarai Jekope tiko ga na yaluma ni nona mate na luvena tagane daulomani! (Vakatekivu 42:36-38) A laurai tale ga e matanalevu na nona tagi kei na nona rarawataka o Tui Tevita na nodrau mate na luvena tagane o Aminoni kei Apisalomi. Dina ga ni rau vakavuleqa vei Tevita kei na nona vuvale, ia erau luvena, qai rarawataka o koya na nodrau mate.​—2 Samuela 13:28-39; 18:33.

Ena so na gauna, era lolosi na matanitu taucoko o Isireli, me vaka ga era cakava ena gauna e mate kina o Mosese. E tukuna vei keda na Vakarua 34:8 nira a tagicaki koya na Isireli me 30 na siga.

Kena ilutua, na ivakaraitaki i Jisu Karisito. A mate na nona itokani voleka o Lasarusa. Gauna e raica kina o Jisu na nodrau tagi na ganena, o Marica kei Meri, kei ira na nodrau itokani, sa “vutugu na yalona, ka rarawa na lomana.” E kila ni na sega ni dede ena vakaturi nona itokani, ia e se “tagi” ga. O Jisu a lomani rau na nona itokani voleka o Marica kei Meri. Oya na vuna a luvuci koya tale ga kina na rarawa ni raica na nodrau tagicaki ganedrau.​—Joni 11:33-36, VV.

A qaqaco vinaka tu na nodratou vakabauti Jiova kei na nona vosa ni yalayala o Eparama, Jekope, Tevita, kei Jisu, ia eratou a tagi ga. Nodratou lolosi e ivakatakilakila beka ni ratou malumalumu vakayalo? Nodratou tagi e ivakaraitaki beka ni luluqa na nodratou vakabauta na veivakaturi? Dravusakulukulu! E dau kena ivakarau ga ni mate e dua o daulomana o na lolositaka.

Na Vuna Eda Lolosi Kina

A sega ni nona inaki na Kalou me mate na kawatamata. Taumada a nona inaki o Jiova, me yaco na vuravura me dua na parataisi totoka mera lewena na vuvale dauveilomani qai mamarau, me vaka a tukuni vei Atama kei Ivi. Erau na mate na imatai ni veiwatini ke rau sega ni talairawarawa vei Jiova. (Vakatekivu 1:28; 2:17) E ka ni rarawa ni rau a talaidredre, mani yaco kina na “mate ki na tamata kecega.” (Roma 5:12; 6:23) O mate e dua na meca dau veivakararawataki a sega ni nakiti.​—1 Korinica 15:26.

O koya gona, ni sega ni dodonu me mate e dua, eratou na vakila na yaluma na wekana. Eratou na galili vakalevu. O Tirisa, na yada sa cavuti oti, e tukuna me baleta na watina: “Au vakadeitaka niu na sotavi watiqu tale ena veivakaturi, ia edaidai au se dau nanumi koya tiko ga vakalevu. Oya na ka e dau mositi au vakalevu.” Ni mate e dua na itubutubu eda lai nanuma sara na gauna eda na mate kina. Eda dau rarawataka na nona mate e dua na itabagone ni sa mai tinidole na nona bula.​—Aisea 38:10.

Io, na mate e dua na ka e sega ni dodonu me yaco. Ena namaki na rarawa ena sotavi, ia e sega ni raica na lolosi o Jiova me vakaraitaka ni lailai na noda vakabauta na veivakaturi. Me vaka ga e kunei ena nodratou ivakaraitaki o Eparama, Jekope, Tevita, na matanitu o Isireli, kei Jisu sara mada ga, na noda vakaraitaka e matanalevu na rarawa ni lomada e sega ni kena ibalebale nida malumalumu vakayalo.a

Eda dau lolosi tale ga na lotu Vakarisito, ia eda na sega ga ni yasovaka na mate “me vakataki ira na tani sa sega na nodrai nuinui.” (1 Cesalonaika 4:13) Eda na sega ni lolosi ena kena ivalavala e duatani sara baleta nida kila na kedra ituvaki na mate. Eda kila tale ga nira sega ni vakila na mosi se rarawa ni vaka ga era moce lutu tu. (Dauvunau 9:5; Marika 5:39; Joni 11:11-14) Eda na vakanuinui dei ga vei Jisu, “na vu ni tu-cake-tale, kei na vu-ni-bula,” ni na vakayacora na nona vosa ni yalayala ena nona vakaturi “ira kecega e nai bulubulu.”​—Joni 5:28, 29; 11:24, 25.

O koya gona, ke o lolosi tiko ena gauna oqo, ena vakacegui iko ni o kila ni kila vinaka tu o Jiova na nomu rarawa. Me vakaseavutaka mada ga na nomu lolosi na kila oqo kei na inuinui ni veivakaturi qai vukei iko tale ga mo vosota na kena rarawa.

[iVakamacala e ra]

a Me vukei ira na lolosi, raica na taqana e 14-19 ni brochure Ni Mate e Dua na Wekamu Voleka, e tabaka na iVakadinadina i Jiova.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta