Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • ypq taro 10 t. 30-31
  • Ena Yaga Vakacava Vei Au na iVakasala ena iVolatabu?

Sega na kena vidio.

Vosota, sega ni laurai rawa na vidio.

  • Ena Yaga Vakacava Vei Au na iVakasala ena iVolatabu?
  • iSau ni 10 na Taro Era Taroga na iTabagone
  • iKuri ni Ulutaga
  • E Donu se Cala? Na Taro Eda Dau Taroga Kece
    Na Vale ni Vakatawa Kacivaka na Matanitu i Jiova (Veisoliyaki)—2024
  • Na Cava o Nanuma me Baleta na iVolatabu?
    Na Cava o Nanuma me Baleta na iVolatabu?
  • iVakasala ina Vuvale
    Yadra!—2018
  • iVakasala Vei Ira na iTubutubu
    Yadra!—2019
Raica Tale Eso
iSau ni 10 na Taro Era Taroga na iTabagone
ypq taro 10 t. 30-31
Wili iVolatabu toka e tuba e dua na cauravou

TARO 10

Ena Yaga Vakacava Vei Au na iVakasala ena iVolatabu?

VUNA MO VAQAQA KINA

E “vakavuna na Kalou na iVolatabu kece.” (2 Timoci 3:16) Kena ibalebale e nuitaki na ivakasala ena iVolatabu.

CAVA O NA CAKAVA?

Vakasamataka mada na ituvaki qo: E taubale tiko ena bogi o David ina dua na koro. E sese vua na irairai ni vanua, e sega ni bau raica e dua na ka me vakatakila vua na vanua sa yaco tu kina. Sa qai vakasamataka o David ni sa rairai muri cala.

Na cava o na cakava ke o sotava na ituvaki ya?

VAKASAMA QAI VAKATULEWA!

Qo e vica na ka o rawa ni cakava:

  1. Kere veivuke.

  2. Vakayagataka na cina livaliva.

  3. Taubale tiko ga, de dua o na qai yaco ga ena vanua o gole tiko kina.

E sega ni vakatutu vinaka sara na kena ikatolu.

E bau vinaka na ikarua ni vakatutu mai na kena imatai. Io, ena yaga na cina livaliva ena nomu ilakolako, ni o na raica toka kina na nomu gaunisala.

Ena yaga tale ga vei iko na iVolatabu!

Na ivola uasivi qo

  • ena veidusimaki ni o sotava na leqa

  • ena nomu iloilo mo dikevi iko kina, qai veisautaka nomu ivakarau ni bula

  • ena veidusimaki ena ivakarau ni bula vinaka duadua

ISAU NI TARO BIBI ME BALETA NA BULA

Nida se qai kila vosa ga, e dau levu noda taro.

  • Na cava e karakarawa kina na lomalagi?

  • E buli mai na cava na kalokalo?

Toso na gauna eda sa vakataroga na veika e yaco wavoliti keda.

  • Na cava e yaco kina na veika ca?

  • Na cava eda mate kina?

Vakacava ke sa tu makawa ena iVolatabu na isau ni taro qori?

Era kaya e levu ni ivola ga ni itukuni se italanoa makawa na iVolatabu, sa madra na kena itukutuku se dredre me kilai. Ia vakacava e veivakaleqai dina na ka e kaya na iVolatabu, se cala ga na ka era rogoca eso me baleta na iVolatabu?

Kena ivakaraitaki, era nanuma e levu ni tukuna na iVolatabu ni lewa tu na vuravura na Kalou. Ia ke dina qori, na cava sa qai torosobu ga kina na ituvaki kei vuravura? Na cava sa qai levu ga kina na mosi kei na rarawa, tauvimate kei na mate, dravudravua kei na leqa? E vakavuna dina na Kalou dauloloma na veika qori?

Vakacava o via kila na kena isau? O na kurabuitaka na ka e kaya na iVolatabu me baleti koya e lewa tu na vuravura!

De dua o sa raica ni yavutaki ena iVolatabu na ivakasala o wilika ena ivola qo. Era vakabauta na iVakadinadina i Jiova ni nuitaki na ivakasala ena iVolatabu. Era kila ni “vakavuna na Kalou . . . e yaga me veivakavulici, me veivunauci, me veivakadodonutaki.” (2 Timoci 3:16, 17) A se volai makawa sara na iVolatabu, ia e se yaga tiko ga nikua. E bibi gona mo dikeva na ka e tukuni kina.

KENA IKURI!

Vuna mo Vulica Kina na iVolatabu

Sarava ena www.pr418.com na vidio Vuna mo Vulica Kina na iVolatabu.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta