Kato ni Taro

◼ Me dua beka na mape ni yalava taucoko ni ivavakoso me dau lili tiko ena Kingdom Hall?

Io, me vakawaqataki vinaka e dua na mape ni yalava taucoko me lili tiko ena lalaga ni Kingdom Hall. Me kua ni lili ena papa ni itukutuku. Me laurai vakamatata kina na iyala kece ni vanua e lesi ina ivavakoso, vaka kina na vidavidai ni yalava yadua, qai toqai tiko kina na kedra dui naba. Me laurai tale ga kina na iyala ni vanua e lesi ina ivavakoso kece era vakayagataka vata tiko na Kingdom Hall. Oqo ena vukei ira na dautukutuku kei ira na tataleitaki vou mera kila se yalava ni ivavakoso cava era vakaitikotiko kina. Ni vakatakilakilataki tale ga ena mape na vanua era dui caka kina na Vulivola ni iVavakoso ena dusia vei keda na vanua ni vulivola meda lako kina. Ena vinaka me dau vakavoui na mape.

Nira raica tale ga na dautukutuku na mape vaka oqo, e rawa ni soli vakasama vei ira de vinaka me dua na nodra yalava mera cakacakataka vakataki ira. E veivuke tale ga na mape vei ira era via digia e dua na yalava e voleka ga ena nodra itikotiko. Ena so na gauna ena rawa ni vakabula gauna ke da sota ena Kingdom Hall meda lai cakacaka vakavunau, ke dusia ena mape na tacida e liutaka tiko na cakacaka na vanua e lesi mera lai cakacaka kina na ilawalawa dautukutuku yadua.

Na kena tiko tale ga na mape vaka oqo e vakaraitaka ni tuvanaki vakamatau tu na ivavakoso me vunautaka vakavinaka na itukutuku ni Matanitu ni Kalou ena yalava e lesi kina.​—Luke 9:6.