Kato ni Taro

◼ Me na vakacava na noda isulusulu kei na sasauni nida sikovi Peceli se na valenivolavola ni tabana?

Nida lako i Peceli, se da lai sarasara se da sikova ga e dua e tiko kina, e dodonu ‘me salavata na noda isulusulu, na noda sasauni, na noda ivakarau kei na ka e namaki nida lako ina soqoni ena Kingdom Hall.’ (om 131) Ia, e laurai ni so na mataveitacini era sega ni dau qarauna na isulu era tokara nira lai sikovi Peceli se na valenivolavola ni tabana. Oqo e sega ni kilikili nida lai sikova na itikotiko vaka oqo. Na keda irairai e dodonu me ivakaraitaki, me matau na noda isulusulu, me rakorako, me vakaraitaka nida kilikili na tamata ni Kalou o Jiova.​—1 Tim. 2:9, 10, VV.

Sa qai bibi sara na keda irairai ke da lai sikovi Peceli se na valenitabana, ni rawa nira saravi keda toka mai na tamata e taudaku. Na keda irairai e rawa ni boroya e dua na iyaloyalo me baleti keda na tamata ni Kalou kei na nona isoqosoqo vei ira na vakararai tu. O koya gona, ke ra lai sarasara se ra veisiko e Peceli na vuli iVolatabu se so tale, de vinaka meda vakadreta vei ira ni bibi mera qarauna na nodra isulusulu kei na sasauni. Era na marautaka tale ga oqo na tiko e Peceli.

Nida italatala lotu Vakarisito, sa dodonu meda qarauna me kua ni veivakatarabetaki na keda irairai. (2 Kor. 6:3, 4) O koya gona, me dau rakorako mada ga na noda isulusulu kei na sasauni meda “vakarogovinakataka [kina] nai vakavuvuli ni Kalou.”​—Taito 2:10.