iVukevuke e Dau Tabaki me Baleta na Cakacaka Vakavunau
1. Na cava na inaki ni ulutaga “Veivosaki kei Taukeinivale”?
1 Eso na gauna, e dau tabaki ena Vale ni Vakatawa e baleti ira na lewenivanua na ulutaga “Veivosaki kei Taukeinivale.” E rua na inaki ni ulutaga qo. Kena imatai, me vakamacalataka na ivakavuvuli vakaivolatabu ena sala ena ciqomi kina. Kena ikarua, me vukei keda meda maqosataka na kena vakamacalataki eso na ulutaga. (1 Pita 3:15) Eda na vakayagataka vinaka vakacava na ulutaga qo?
2 Eda na vakayagataka vakacava na ulutaga qo ena cakacaka vakaitalatala?
2 Vakayagataka ena Cakacaka Vakaitalatala: De dua o maroroya tiko eso na itabataba ni Vale ni Vakatawa e tiko kina na ulutaga qori. Ni taroga se saqata o itaukeinivale, dua e tataleitaki, se vuli iVolatabu e dua na ka e vakamacalataki ena Vale ni Vakatawa e tiko kina na ulutaga qori, solia vua e dua na itabataba qai kerea mo drau veivosakitaka. Ke sega ni tiko e dua nomu itabataba ni mekesini e tiko kina na ulutaga qori, o rawa ni download mai na jw.org.
3. Eda na veivosakitaka vakacava kei itaukeinivale e dua na ulutaga qori?
3 Eda na veivosakitaka vakacava kei itaukeinivale na ulutaga qori? Eso era dau kerea e dua me wilika i cake na ka e tukuna o itaukeinivale, mera qai wilika na ka e kaya na iVakadinadina. E yaga na iwalewale qori baleta ni na dikeva kina o itaukeinivale na noda vakabauta ena sala marautaki.—Vkru. 32:2.
4. Eda na vakayagataka vakacava na ulutaga era dau tabaki qo meda vakavulici keda kina?
4 Vakavulici Iko kei na so Tale: Ni o vakawilika tiko na ulutaga qo, dikeva vinaka na tikinivolatabu e vakayagataki, na vosa vakatautauvata, kei na kena ibalebale. Dikeva tale ga na ivakarau ni yalo e uqeta. Qai tovolea mo vakatotomuria ena cakacaka vakaitalatala. (Vkai. 1:5; 9:9) E tukuna e dua na tacida yalewa: “Noqu vakawilika na ulutaga qo e vaka ga au vuli tiko vua e dua na itokani painia ‘uasivi’—dua e kila vinaka na ka me tukuna!”
5. O na vakarautaki nomu vuli iVolatabu vakacava ena cakacaka vakaitalatala?
5 O rawa ni vakayagataka tale ga na ulutaga qo mo vakarautaki nomu vuli iVolatabu ena cakacaka vakaitalatala. Drau wilika vata, qai laivi gonevuli me wilika na tikina e vosa kina o dautukutuku. Qori ena vukei gonevuli me maqosataka nona vakamacalataka nona vakabauta. (Kolo. 4:6) Io, na ulutaga va qo e dua na sala e vukei keda kina o Jiova meda “vakacavara sara” kina noda cakacaka vakaitalatala.—2 Tim. 4:5.