Veisureti Bibi
1. Ena tekivu ena gauna cava na veisureti ni soqo ni veiwasewase ena 2014?
1 Ke o nanuma mo vakarautaka e dua na kanavata kei ira nomu itokani se vuvale, e vinakati kina na vakavakarau kei na ilavo, o na gumatua sara mo veisureti. E levu tale ga na ka e qaravi ena kena vakarautaki na magiti vakayalo ena soqo ni veiwasewase kei na soqo ni veimatanitu ena 2014. Eda na veisureti tiko ni vo e tolu na macawa me tekivu na soqo. Na cava ena uqeti keda meda gumatua na veisureti?
2. Na cava ena uqeti keda meda veisureti vakalevu?
2 Ena uqeti keda meda veisureti vakalevu nida vakasamataka na yaga ni noda tiko ena kana magiti vakayalo e dau vakarautaka o Jiova ena soqo ni veiwasewase. (Aisea 65:13, 14) Meda kua ni guilecava ni dau vuavuaivinaka noda veisureti e veiyabaki. Eso eda sureta era na tiko ena soqo. Ke levu se lailai era gole yani, noda gumatua ena veisureti ena vakacaucautaki kina o Jiova qai vakaraitaka nona yalovinaka.—Same 145:3, 7; Vkta. 22:17.
3. Ena veisoliyaki vakacava na ivola ni veisureti?
3 Me lewa na ilawalawa qase yadua na levu ni vanua me veisoliyaki kina na ivola ni veisureti, wili kina na kena biu ena vale e lala, se veisoliyaki e matanalevu ena yalava ni ivavakoso. Ena muanimacawa me veisoliyaki vata kei na mekesini ke veiganiti. Ke donuya na imatai ni Vakarauwai, me vakabibitaki na soli ivola ni veisureti, sega ni kena tauyavu na vuli iVolatabu. Ni cava na veisureti, eda na marau meda kila nida gumatua ni sureta e levu mera tomani keda ena kana magiti vakayalo e vakarautaka o Jiova!