GUMATUA ENA CAKACAKA VAKAITALATALA

Veisureti ena Soqo ni Veiwasewase

Dua na iVakadinadina i Jiova e duri volekata na qiqi qai vunau tiko vua e dua na turaga

Eda dau nanamaki e veiyabaki ena kana magiti vakayalo ena soqo ni veiwasewase. Me rawa nira tovolea tale ga e levu na vinaka i Jiova, eda na veisureti ena kena levu eda rawata. (Sm 34:8) Era na qai vakatulewataka na ilawalawa qase yadua na sala me veisoliyaki kina na ivola ni veisureti.

ESO NA KA ME NANUMI

Gauna cava ena vakayacori kina na soqo ni veiwasewase?
Gauna cava ena tekivu kina na veisureti?
Gauna cava ena vakayacori kina na sota ni cakacaka vakavunau?
Na cava e noqu isausau ena gauna ni veisureti?
O cei meu sureta?

KA O NA TUKUNA

iVola ni Veisureti ni Soqo ni Veiwasewase 2016

Oti na veikidavaki, o rawa ni tukuna:

“Keimami veisureti tiko ena dua na soqo bibi ena vakayacori e veiyasa i vuravura. E toka ena ivola ni veisureti qo na tikinisiga, gauna, kei na vanua ena vakayacori kina. Keimami marau moni tiko tale ga kina.”

VAKABULABULATAKA NA TATALEITAKI

Yadra! Nb. 2 2016 | E Dua ga na iVola Vinaka na iVolatabu?

Eda vinakata meda veisureti vakalevu ena soqo, ia ke ra tataleitaki meda lai vakabulabulataka.

O rawa ni solia na mekesini kei na ivola ni veisureti ena muanimacawa.