Vakamacalataka Noda Vakabauta me Baleta na 1914
E uqeti keda na iVolatabu meda ‘vakarau tu ena gauna kece meda vakamacalataka’ noda vakabauta ena “yalomalua kei na veidokai dina.” (1 Pita 3:15) Eso na gauna ena rairai dredre meda vakamacalataka e dua na vakasama titobu mai na iVolatabu. Kena ivakaraitaki, na kena tekivu veiliutaki na Matanitu ni Kalou ena 1914. Ena yaga vei keda na kena vakarautaki e rua na wase ni ulutaga ni “Veivosaki Kei iTaukeinivale—Gauna Cava e Tekivu Veiliutaki Kina na Matanitu ni Kalou?” Ena basika tiko na ulutaga qori ena ilavelave ni Vale ni Vakatawa eda na veisoliyaka tiko ena noda cakacaka vakaitalatala ena Okotova kei na Noveba. Ni o dikeva tiko na ulutaga, qo eso na taro mo vakasamataka tiko me baleta na iwalewale e vakayagataka na dautukutuku o Kelepi.
E vakayagataka vakacava . . .
na veivakacaucautaki me rau duavata kina kei itaukeinivale?—Caka. 17:22.
na yalomalumalumu ni vakamacalataka nona vakabauta?—Caka. 14:15.
Na cava e vinaka kina . . .
nona dau railesuva eso na ka rau sa veivosakitaka mai ni bera ni rau dewa ena kena tarava?
me dau tarogi itaukeinivale ke sa matata tiko vua na ka e vakamacalataki ni bera ni toso nodrau veivosaki?
ni sega ni vakamacalataka e levu na ka ena dua ga na gauna?—Joni 16:12.
Eda kalougata dina ni vakavulici keda o Jiova, na noda ‘Qasenivuli Levu Duadua’ meda vakamacalataka na ka dina titobu mai na iVolatabu vei ira na via kania tu!—Aisea 30:20.