Era Vakabauti Jisu na iVakadinadina i Jiova?

Io. Keimami vakabauti Jisu ni kaya: “O yau na sala, na dina, kei na bula. Ena vukuqu ga ena qai torovi Tamaqu rawa kina e dua.” (Joni 14:6) Keimami vakabauta ni biuti lomalagi o Jisu me lako mai vuravura me solia nona bula uasivi me isoro ni veivoli. (Maciu 20:28) Nona mate kei na nona vakaturi e rawa kina vei ira na vakabauti koya mera na rawata na bula tawamudu. (Joni 3:16) Keimami vakabauta tale ga ni sa veiliutaki tiko mai lomalagi o Jisu ena Matanitu ni Kalou, sa voleka me kauta mai na veisaututaki e vuravura taucoko. (Vakatakila 11:15) Ia keimami vakadeitaka na ka e tukuna o Jisu: ‘Ni cecere vei au o Tamaqu.’ (Joni 14:28) Keimami sega gona ni sokaloutaki Jisu ni sega ni Kalou Kaukaua Duadua o koya.