O Rawa ni Cakacaka Tale Vakalailai?
Ena gauna ni cakacaka vakavunau, sa dau tu ga na gauna mera cegu kina ena cakacaka eso na dautukutuku, de dua ena sigalevu. Ena vuku ni kedra ituvaki, sa na rairai tiko ga na gauna mera cegu kina ena vunau eso na dautukutuku. Ia o dau cegu ena vunau baleta ga nira sa cegu eso tale, se sa kena ivakarau ga ena nomu vanua me tiko na gauna mo cegu kina? Vakacava o rawa ni cakacaka tale vakalailai, se mo vakaitavi ena vunau e matanalevu me vaka na vunau ena salatu? E rawa ni dua se rua na nomu veisikovi lesu ni o gole tiko e vale? Vakasamataka mada na veika vinaka ena rawati ni o sotava e dua na tataleitaki ke o cakacaka tale vakalailai, se ni o solia e vica tale na mekesini vei ira o sotava! Ke da sega ni cegu da qai cakacaka tale vakalailai, eda sa vakalevutaka tiko na noda “isoro ni veivakacaucautaki.”—Iper. 13:15.