XÓÐƆÐÓKPƆ́ ÐÉ BÍBƐ́
NǓKPLƆ́NKPLƆ́N 4
Nɔ sɔ́ hwiɖée hwe
Nǔgbódodó: “Mi ní nɔ sɔ́ miɖée hwe bo nɔ mɔ ɖɔ mɛ ɖě lɛ́ hú gǎn émí.”—Filí. 2:3.
Nǔ e Pɔ́lu wa é
1. Kpɔ́n VIDEO ɔ, alǒ xa Mɛsɛ́dó 26:2, 3. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:
Nɛ̌ Pɔ́lu ka sɔ́ éɖée hwe ɖo lěe é ɖɔ xó nú axɔ́sú Aglípa gbɔn é mɛ gbɛn?
Nɛ̌ Pɔ́lu ka dɔn ayi mɛ lɛ́ tɔn wá Jexóva kpó Nǔwlánwlán mímɛ́ lɛ́ kpó jí, b’ɛ ma nyí dó éɖésúnɔ jí ǎ gbɔn?—Kpɔ́n Mɛ. 26:22.
Étɛ́ kpɔ́ndéwú Pɔ́lu tɔn ka sixú kplɔ́n mǐ?
2. Ényí mǐ xwlé wɛn mǐtɔn mɛ lɛ́ kpó mɛɖéesɔ́hwe kpó, kpódó sísí kpán ɔ, é nɔ dɔn yě hú gǎn.
Xwedó kpɔ́ndéwú Pɔ́lu tɔn
3. Ma nɔ xlɛ́ ɖɔ émí hú gǎn mɛ ɖěvo lɛ́ ó. Ma nɔ xlɛ́ ɖɔ émí tuun nǔ lɛ́ bǐ bɔ mɛ ɖě ɔ kún ka tuun nǔ ɖě ó ó. Ðɔ xó xá ɛ kpó sísí kpó.
4. Nǔ é ní nɔ za wě nú mɛ lɛ́ ɖɔ Biblu wɛ nyí jɔtɛn nǔgbó e má xá yě wɛ a ɖe lɛ́ é tɔn. Xó Mawu tɔn ɔ, nǔ e ɖ’é mɛ lɛ́ é nɔ byɔ́ ayi mɛ nú gbɛtɔ́ lɛ́. Ényí mǐ nɔ zán hǔn, nǔɖiɖi yětɔn dó do nyi dodónú ɖagbe ɔ jí wɛ mǐ ɖe nɛ́.
5. Nɔ fá xomɛ. Ma ɖɔ ɖɔ linlin émítɔn jɛ́n ná dín ó. Mǐ nɔ ba ná dɔn nǔ ǎ. Cí xwíí, bo lɛ́ tuun hwenu e a ná gosín mɛ ɔ gɔ́n dó é dó xlɛ́ ɖɔ émí nɔ sɔ́ émíɖée hwe. (Nǔx. 17:14; Ti. 3:2) Nú mǐ ɖɔ xó kpó gbe fífá kpó ɔ, vlafo mɛ ɔ ná ɖótó wɛn mǐtɔn ɖo hweɖévonu.