Nǔ Sinsɛnzɔ́ Towe Ni Bí Alɔ Nú We D’eji: Kúnnuɖiɖe Gbɔn Kameláa Alǒ Alokan Hɔntogbo Jí Tɔn ɖé Gblamɛ

NǓ E WU É ÐÒ TAJI É: Nukɔnyiyi e tíìn ɖò nǔnywɛ xwitixwiti linu é kpo adanuwiwa e fɔ́n bo ɖò jijɛji wɛ é kpo zɔ́n bɔ mɛ lɛ nɔ bló kameláa e nɔ cɔ́ mɛ é kpo alokan e nɔ nɔ hɔntogbo jí é kpo ɖó xwé yetɔn lɛ gbè. Kúnnuɖiɖe nú mɛ e mɔ wɛ mǐ ma ɖè ǎ, bɔ éyɛ ka ɖò mǐ mɔ wɛ é sixu dó xɛsi mǐ. Nǔflínmɛ e bɔ d’ewu lɛ é na d’alɔ mǐ bɔ mǐ na ɖekúnnu gbɔn kameláa alǒ alokan hɔntogbo jí tɔn jí kpo jiɖiɖe kpo.

LEE È SIXU BLÓ GBƆN É:

• Ðǒ linlin e sɔgbe é. Xwétɔ́ ɖěɖee ɖó kameláa e nɔ cɔ́ mɛ lɛ é kpo alokan e nɔ nɔ hɔntogbo jí lɛ é kpo gegě wɛ nɔ ɖò gbesisɔmɛ bo na ɖɔ xó xá mǐ

• Flín ɖɔ cobɔ mǐ na tlɛ xúxú xwétɔ́ ɖé sín hɔn ɔ, kameláa ɖé lɛ tíìn bo sixu ko jɛ yɛ mǐtɔn yí dó kan jí jí, bɔ mɔ̌ mɛ ɔ, xwétɔ́ ɔ sixu ko ɖò mǐ mɔ wɛ bo lɛ́ ɖò nǔ e ɖɔ wɛ mǐ ɖè é sè wɛ

• Enyi a ylɔ́ bonu xwétɔ́ ɔ sɔ hǔn, ɖɔ xó dó alokan hɔntogbo jí tɔn ɔ alǒ kameláa ɔ mɛ cí nǔ ɖɔ hwi kpo é kpo wɛ ɖò xó ɖɔ wɛ tlɔlɔ ɖɔhun. Ko nǔ bo zán wǔjɔnú agbaza tɔn towe lɛ ɖò jɔwamɔ lixo. Ðɔ nǔ e a jló na ɖɔ é cí nǔ ɖɔ hɔn ɔ linu wɛ mɛ ɔ ɖesunɔ ɖè ɖɔhun. Enyi kameláa ɖò finɛ hǔn, ma nú nukúnmɛ towe sɛkpɔ́ dín ó. Enyi xwétɔ́ ɔ ma sɔ ǎ hǔn, ma ɖɔ xó ɖ’ayǐ n’i ó

• Enyi xóɖɔɖókpɔ́ ɔ na bo tlɛ ko fó hǔn, flín ɖɔ xwétɔ́ ɔ sixu kpò ɖò kpinkpɔn we wɛ, bo lɛ́ ɖò nǔ e ɖɔ wɛ a ɖè ɔ sè wɛ