KLISÁNWUN GBƐ ZÍNZÁN
Jexóva wɛ nyí “tɔ́ nú tɔ́cyɔvǐ lɛ́”
Xwewú xwewú ɔ, mɛ wínnyáwínnyá gěgé nɔ jló bo nɔ húzú xɔ́ntɔn Jexóva tɔn. (Ðɛ 110:3) Nǔ mi mɛ ɖokpó ɖokpó tɔn nɔ ɖu ayi mɛ nú Jexóva tawun. É nɔ mɔ nǔ jɛ wǔvɛ́ e a nɔ mɔ lɛ́ é wú bo d’akpá ɖɔ émí ná d’alɔ we. Ényí xwédo goɖokpónɔ ɖé mɛ wɛ a ɖe ɔ, flín ɖɔ Jexóva nɔ húzú “tɔ́ nú tɔ́cyɔvǐ lɛ́.” (Ðɛ 68:6) Nú Jexóva kplɔ́n azɔ̌ we ɔ, a na bo ɖo ninɔmɛ ɖěbǔ mɛ ɖo xwédo mɛ ɔ, é sixú kpa we.—1Pi 5:10.
KPƆ́N VIDEO MƐ E FUN AHWAN NÚ NǓÐIÐI BƆ É KPA YĚ LƐ́ É: MƐ ÐĚÐĚE MƐJITƆ́ GOÐOKPÓNƆ LƐ́ WƐ KPLƆ́N YĚ É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:
Étɛ́ kpɔ́ndéwú Tammy, Charles, kpó Jimmy kpó tɔn ka kplɔ́n we?
Gǎnjɛwú tɛ́ Ðɛhan 27:10 ka ná mɛ ɖěɖěe ɖó mɛjitɔ́ goɖokpónɔ lɛ́ é?