5-11 AOÛT
ÐƐHAN 70-72
Han 59 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Ðɔ xó dó hlɔ̌nhlɔ́n Mawu tɔn wú nú “mɛ e ná wá jɔ sɔ́ lɛ́” é
(Cɛ́jú 10)
Davídi mɔ alɔcyɔ́nmɛjí Jexóva tɔn hwenu e é ɖo dɔ̌nkpɛ mɛ é (Ðɛ 71:5; w99 1/9 18 akpá. 17)
Davídi mɔ lěe Jexóva kpé nukún dó wǔ tɔn ɖo kpikpoxɔmɛ gbɔn é (Ðɛ 71:9; g04 8/10 23 akpá. 3)
Davídi kpi tan tɔn dó dó wǔsyɛ́n lanmɛ nú mɛ wínnyáwínnyá lɛ́ (Ðɛ 71:17, 18; w14 15/1 23 akpá. 4-5)
KANBYƆ́ HWIÐÉE ÐƆ: ‘Mɛ e ɖo Jexóva sɛn wɛ sín hwenu línlín ɖíe ɖo agun ɔ mɛ é ɖětɛ́ un ka jló ná kan nǔ byɔ́ ɖo mawusinsɛn ɖo xwédo mɛ mǐtɔn hwenu?’
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Ðɛ 72:8: Nɛ̌ akpá e Jexóva dó nú Ablaxámu ɖo Bǐbɛ́mɛ 15:18 mɛ é ka jɛnu ɖo acɛkpikpa axɔ́sú Salomɔ́ɔ tɔn hwenu gbɛn? (it-1 825)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Ðɛ 71:1-24 (th nǔkpɔ́nnúmɛ 5)
4. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. Ényí a mɔ ɖɔ mɛ ɔ jɛ gbe vɛ́sin dó jí hǔn, ɖǒ xóɖɔɖókpɔ́ ɔ te dó ɖagbe jí. (lmd nǔkplɔ́nkplɔ́n 4 kɛ́n 5)
5. D’afɔ nú jlǒ e mɛ ɔ ɖó é
(Cɛ́jú 4) MAWUXÓÐIÐƆ HWENU E È MA ÐO KÚNNUÐEGBÉ Ǎ É. Gbɛ kan dó xóɖɔɖókpɔ́ xá hɛ̌nnumɔ e a ɖɔ xó xá ɖ’ayǐ b’ɛ xo nǔ kpɔ́n dó Biblu kplɔ́nkplɔ́n wú alǒ ma yí gbe nú nǔkplɔ́nmɛ tɔn ɖé ǎ é nu. (lmd nǔkplɔ́nkplɔ́n 8 kɛ́n 4)
6. Tínmɛ nǔ e a ɖi nǔ ná lɛ́ é
(Cɛ́jú 5) Xóɖiɖɔ. ijwfq 49. Xóta: Étɛ́wú Kúnnuɖetɔ́ Jexóva tɔn lɛ́ ka ɖyɔ́ nǔ e yě ɖi nǔ ná é ɖé lɛ́? (th nǔkpɔ́nnúmɛ 17)
Han 76
7. Linlin ɖé lɛ́ nú mawusinsɛn ɖo xwédo mɛ
(Cɛ́jú 15) Xóɖɔɖókpɔ́.
Mawusinsɛn ɖo xwédo mɛ sín hwenu nyí hwenu tají ɖé nú vǐ lɛ́ bɔ yě ná kplɔ́n “nǔgbódodó Jexóva tɔn lɛ́ kpó wěɖexámɛ tɔn lɛ́ kpó.” (Efɛ́ 6:4) Nǔkplɔ́nkplɔ́n nɔ byɔ́ azɔ̌, amɔ̌, é sixú nyí hwenu awǎjijɛ tɔn ɖé, tají ɔ, ényí nǔgbó Biblu tɔn lɛ́ sín kɔ nɔ xú vǐ lɛ́ ɔ nɛ́. (Jn 6:27; 1Pi 2:2) Sɛ sin xwe nú gbǎví “Linlin ɖé lɛ́ nú mawusinsɛn ɖo xwédo mɛ” éé sixú d’alɔ mɛjitɔ́ lɛ́ bɔ yě ná bló bɔ mawusinsɛn ɖo xwédo mɛ ɔ ná kplɔ́n nǔ mɛ bo lɛ́ nyí hwenu awǎjijɛ tɔn é. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Wěɖexámɛ énɛ́ lɛ́ ɖětɛ́ hwɛ ka ba ná tɛ́n kpɔ́n?
A ka mɔ nǔ ɖěvo bɔ é sixú wa ɖagbe a?
Xo VIDEO Nɔ bló bónú mawusinsɛn ɖo xwédo mɛ towe ní ɖo te kpɔ́n d’é jí wɛ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Ényí vǐ ɖě ma ɖo xwédo ɔ mɛ ǎ ɔ, nɛ̌ asú ɖé ka sixú bló gbɔn bɔ asi tɔn ná nɔ ɖu mawusinsɛn ɖo xwédo mɛ sín vǐví?
8. Biblu kplɔ́nkplɔ́n agun tɔn
(Cɛ́jú 30) bt wět. 13 akpá. 17-24