22-28 SEPTEMBRE

DƆKUN MAWUXÓ Ɔ TƆN ÐÉ LƐ́

1. Kpo ɖo azɔ̌ kplɔ́n jijimɛ e ja é wɛ

(Cɛ́jú 10)

[Xo VIDEO Xónusɔ́ɖóte Nǔnywɛ́tɔ́xó tɔn ɔ.]

Mǐ ɖó ná nɔ kplɔ́n azɔ̌ mɛ wínnyáwínnyá lɛ́ (Nǔt 1:4; w17.01 27-28 akpá. 3-4)

Ényí mǐ nɔ kplɔ́n azɔ̌ mɛ ɖěvo lɛ́ bo nɔ lɛ́ ɖe azɔ̌ nú yě ɔ, alɔ dó yě wɛ mǐ ɖe mɔ̌, bɔ yě ná mɔ awǎjijɛ e nɔ tɔ́n sín azɔ̌ syɛ́nsyɛ́n wiwa nú Jexóva mɛ é (Nǔt 2:24)

Mɛxó agun tɔn wínnyáwínnyá ɖé ɖo nukún kpé dó “Atɔxwɛ” kplɔ́nkplɔ́n wú wɛ, bɔ nɔví súnnu e ɖo xixa wɛ bo nyí mɛxó n’i é ɖo nǔ ko dó è wɛ. — Ma lɔn nú vǐví e a nɔ mɔ ɖo wǔjɔmɛzɔ́ towe lɛ́ mɛ é ní zɔ́n bónú a gɔn azɔ̌ kplɔ́n nɔví súnnu wínnyáwínnyá lɛ́, bónú yě ná dó kɔ wǔjɔmɛzɔ́ ɖěvo lɛ́ mɛ ó

2. Nǔ xɔ akwɛ́ Biblu tɔn lɛ́ biba

(Cɛ́jú 10)

Nǔt 2:11: Étɛ́ Salomɔ́ɔ ka kplɔ́n dó azɔ̌ syɛ́nsyɛ́n wiwa bá dó ɖó nǔɖókan gěgé wú? (w18.12 wěx. 22 akpá. 14)

Xósin towe
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?

Xósin towe

3. Biblu xixa

(Cɛ́jú 4) Nǔt 1:1-18 (th nǔkpɔ́nnúmɛ 11)

ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ

4. Xóɖɔɖókpɔ́ ɖé bíbɛ́

(Cɛ́jú 2) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. Tɛ́n kpɔ́n bo tuun nǔ e ná dɔn mɛ ɔ é. Blǒ tuto bá d’afɔ nú jlǒ tɔn. (lmd nǔkplɔ́nkplɔ́n 3 kɛ́n 5)

5. Xóɖɔɖókpɔ́ ɖé bíbɛ́

(Cɛ́jú 2) KÚNNUÐIÐE AGBAWUNGBA TƆN. Ðɔ xó dó “nǔgbó ɖěɖěe mǐ yí wǎn ná bo nɔ kplɔ́n mɛ lɛ́ é” ɖokpó wú sín mɔjɛmɛ ɖěvo lɛ́ A alɔnuwéma Yǐ wǎn nú gbɛtɔ́ lɛ́ tɔn mɛ. (lmd nǔkplɔ́nkplɔ́n 2 kɛ́n 3)

6. D’afɔ nú jlǒ e mɛ ɔ ɖó é

(Cɛ́jú 2) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. Nǎ xósin nú nǔ e mɛ ɔ kanbyɔ́ ɖo xóɖɔɖókpɔ́ e wá yi é hwenu é. (lmd nǔkplɔ́nkplɔ́n 9 kɛ́n 5)

7. D’alɔ mɛ lɛ́ bónú yě ní húzú ahwanvú

(Cɛ́jú 5) KÚNNUÐIÐE AGBAWUNGBA TƆN. Xlɛ́ lěe Biblu kplɔ́nkplɔ́n ɖé nɔ yi gbɔn é mɛ, bo bló tito bá gbɛ kan d’é nu. (lmd nǔkplɔ́nkplɔ́n 10 kɛ́n 3)

KLISÁNWUN GBƐ ZÍNZÁN

8. Nǔkplɔ́nmɛ tají atɔn dó azɔ̌ kplɔ́nkplɔ́n mɛ wú

(Cɛ́jú 15) Xóɖɔɖókpɔ́.

Ðiɖe lɛ́: Nɔví súnnu ɖé ɖo azɔ̌ kplɔ́n nɔví ɖěvo lɛ́ wɛ ɖo ninɔmɛ vovo lɛ́ mɛ. 1. Nɔví súnnu ɖé ɖo lěe è nɔ zán macínu kuláannɔ e nɔ zɛ atín é gbɔn ɖo xɔ tutoblónúnǔ ɔ tɔn lɛ́ gbígbá hwenu é kplɔ́n nɔví nyɔ̌nu ɖé wɛ. 2. Nɔví súnnu wínnyáwínnyá ɖé ɖo xóɖiɖɔ e ná xwlé mɛ wɛ é ɖe é ɖé jí gbɔn wɛ ɖo kpléxɔ Axɔ́súɖuto ɔ tɔn e ɖo vɔ̌ é ɖé mɛ, ɖo nɔví e mɔ nǔ kpɔ́n hú i é ɖé nukɔn. Nɔví e mɔ nǔ kpɔ́n hú i é hɛn alɔnuwéma “Ðǒ kan dó nǔxixa kpó nǔkplɔ́nkplɔ́n kpó wú” alɔ mɛ. 3. Nɔví súnnu ɖé ɖo lěe è nɔ ɖHS.1yɔ́ pílu dó miklo mɛ gbɔn é kplɔ́n nɔví wínnyáwínnyá ɖé wɛ. 4. V ǐtɔ́ ɖé kpó vǐ súnnu tɔn we lɛ́ kpó ɖo alɔ ɖó wɛ ɖo kpléxɔ Axɔ́súɖuto ɔ tɔn hinhɛn ɖó mǐmɛ́ jí mɛ. V ǐtɔ́ ɔ kpó vǐ súnnu tɔn mɛxó ɔ kpó ɖo macínu e nɔ gbɔ́n nǔ kwíji lɛ́ é zán wɛ, bɔ vǐ súnnu kpɛví ɔ ɖo avɔví zán dó súnsún xóɖɔtɔ́ sín távo ná wɛ. — Wǎnyíyí nɔ sísɛ́ mǐ bɔ mǐ nɔ kplɔ́n azɔ̌ mɛ ɖěvo lɛ́, bónú yě ná wa azɔ̌ e Jexóva sɔ́ d’así nú mǐ é

Kpɔ́ndéwú ɖagbe gěgé ɖo Biblu mɛ bo kplɔ́n mǐ lěe mǐ sixú kplɔ́n azɔ̌ mɛ ɖěvo lɛ́ gbɔn é. Mǐ sixú kplɔ́n nǔ gěgé dó lěe Samuwɛ́li kplɔ́n azɔ̌ Sawúlu gbɔn é, lěe Elíi kplɔ́n azɔ̌ Elizée gbɔn é, lěe Jezu kplɔ́n azɔ̌ ahwanvú tɔn lɛ́ gbɔn é, kpó lěe Pɔ́lu kplɔ́n azɔ̌ Timɔtée gbɔn é kpó wú. É ɖo wɛn ɖɔ Jexóva wɛ nyí azɔ̌kplɔ́nmɛtɔ́ ɖagbe hú gǎn ɔ. Étɛ́ kpɔ́ndéwú tɔn ka sixú kplɔ́n mǐ?

Xo VIDEO Mi nɔ xwedó kpɔ́ndéwú Jexóva tɔn hwenu e mi ɖo azɔ̌ kplɔ́n mɛ ɖěvo lɛ́ wɛ é (Jaan 5:20): Kpɛví ɔ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:

Nǔ atɔn tɛ́ lɛ́ lěe Jexóva nɔ kplɔ́n azɔ̌ mɛ ɖěvo lɛ́ gbɔn é ka sixú kplɔ́n mǐ dó azɔ̌ kplɔ́nkplɔ́n mɛ ɖěvo lɛ́ wú?

Xósin towe

9. Biblu kplɔ́nkplɔ́n agun tɔn

(Cɛ́jú 30) lfb nǔkplɔ́nkplɔ́n 20-21