13-19 OCTOBRE
NǓNYWƐ́TƆ́XÓ 7-8
Han 39 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. “Yi xwé e gbe mɛ ku bɔ è ɖo avǐ ya ɖe wɛ ɔ gbe”
(Cɛ́jú 10)
Nɔ ba hwenu dó dó gbɔ nú mɛ e ɖo aluwɛ mɛ lɛ́ é (Nǔt 7:2; w22.01 16 akpá. 9)
Dǒ gbɔ nú mɛ e ɖo aluwɛ mɛ lɛ́ é gbɔn xó ɖiɖɔ dó jijɔ ɖagbe mɛ e kú é tɔn lɛ́ wú gblamɛ (Nǔt 7:1; w19.06 23 akpá. 15)
Xo ɖɛ xá mɛ e ɖo aluwɛ mɛ lɛ́ é (w17.07 16 akpá. 16)
FLÍN: Hwɛhwɛ ɔ, mɛ e ɖo aluwɛ mɛ lɛ́ é nɔ ɖó hudó ɖɔ klisánwun hǎtɔ́ yětɔn lɛ́ ní nɔ gǔdo nú yě nú hwenu ɖé ɖo kú mɛvívɛ́ yětɔn ɖé tɔn gúdo.—w17.07 16 akpá. 17-19.
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔt 7:20-22: Nɛ̌ wěmafɔ énɛ́ lɛ́ ka sixú d’alɔ mǐ bɔ mǐ ná tuun nú mǐ ná sɛkpɔ́ mɛ e jɛ do nú mǐ é ɖé alǒ gbɔ gbɔn? (w23.03 31 akpá. 18)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔt 8:1-13 (th nǔkpɔ́nnúmɛ 10)
4. Xóɖɔɖókpɔ́ ɖé bíbɛ́
(Cɛ́jú 2) KÚNNUÐIÐE AGBAWUNGBA TƆN. Tɛ́n kpɔ́n bo tuun xóta e dɔn mɛ ɔ é, bo bló tuto bo ná d’afɔ nú jlǒ tɔn. (lmd nǔkplɔ́nkplɔ́n 2 kɛ́n 4)
5. Xóɖɔɖókpɔ́ ɖé bíbɛ́
(Cɛ́jú 2) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. (lmd nǔkplɔ́nkplɔ́n 2 kɛ́n 3)
6. D’afɔ nú jlǒ e mɛ ɔ ɖó é
(Cɛ́jú 2) SÍN XWÉ ÐÉ GBE JƐ XWÉ ÐÉ GBE. Xlɛ́ nǔɖé yě ɖo tɛn Ɛntɛnɛ́ti tɔn mǐtɔn jw.org jí. (lmd nǔkplɔ́nkplɔ́n 9 kɛ́n 4)
7. Tínmɛ nǔ e a ɖi nǔ ná lɛ́ é
(Cɛ́jú 5) Wǎzéxlɛ́. ijwfq xóta 50. Xóta: Étɛ́ Kúnnuɖetɔ́ Jexóva tɔn lɛ́ ka nɔ lin dó cyɔɖiɖi wú? (th nǔkpɔ́nnúmɛ 17)
Han 151
8. Nǎ hlɔ̌nhlɔ́n nǔ e a ɖi nú fínfɔ́n sín kú é
(Cɛ́jú 15) Xóɖɔɖókpɔ́.
Akpá e Jexóva dó dó fínfɔ́n sín kú wú é ɖo nǔgbó e ɖo tají hú gǎn bɔ mǐ tuun lɛ́ é mɛ. É kplɔ́n nǔ mǐ dó jijɔ Jexóva tɔn élɔ́ lɛ́ wú: hlɔ̌nhlɔ́n tɔn, nǔnywɛ́ tɔn, nǔbláwǔkúnúmɛ tɔn, bɔ tají ɔ, wǎnyíyí e é ɖó nú mǐ mɛ ɖokpó ɖokpó é.—Jn 3:16.
Ényí mǐ ɖi nǔ syɛ́nsyɛ́n ɖɔ è ná fɔ́n mɛ sín kú ɔ, mǐ sixú mɔ nǔ zɛ tagba mǐtɔn lɛ́ wú. (2Kɔ 4:16-18) Hwenu e è ná ɖo ya dó nú mǐ wɛ é, hwenu e mǐ ná ɖo azɔn jɛ wɛ é, alǒ hwenu e mɛvívɛ́ mǐtɔn ɖé ná kú é ɔ, mǐ ná sixú ɖó fífá, bo ná lɛ́ mɔ gbɔdónúmɛ ɖó bǎ ɖé mɛ. (1Tɛ 4:13) Ényí mǐ ma ɖi nǔ ɖɔ è ná fɔ́n mɛ sín kú ǎ ɔ, mǐ sixú ɖó awǎjijɛ jɔ awǎjijɛ ǎ. (1Kɔ 15:19) Sɔ́ hlɔ̌nhlɔ́n níná nǔ e a ɖi nú fínfɔ́n sín kú é dó ɖó nǔ e gbé a ná nya é.
Byɔ̌ mɛ ɖokpó ɖɔ é ní xa Jaan 11:21-24. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Nɛ̌ Mata ka ɖe xlɛ́ ɖɔ émí ɖi nǔ syɛ́nsyɛ́n nú fínfɔ́n sín kú gbɔn?
Nɛ̌ è ka d’ajɔ ɛ ɖó nǔɖiɖi tɔn wú gbɔn?—Jn 11:38-44
Xo VIDEO Wa nǔ nyɔ̌nu e ɖó nǔɖiɖi ɖaxó lɛ́ é ɖɔhun!: Mata ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́wú nukúnɖíɖó fínfɔ́n sín kú tɔn ka nɔ xɔ akwɛ́ nú we?
Étɛ́ a ka sixú wa dó bló bɔ nǔɖiɖi e a ɖó ɖɔ è ná fɔ́n mɛ sín kú é ná kpo ɖo syɛ́nsyɛ́n wɛ?
9. Biblu kplɔ́nkplɔ́n agun tɔn
(Cɛ́jú 30) lfb nǔkplɔ́nkplɔ́n 26-27