Nukplɔnkplɔn 1

Lee Mí Na Wà Gbɛn bo Tuùn Nǔ e Mawu Byɔ ɖo Mí Si Lɛ

Nǔɖɔnúmɛ titewungbe tɛwɛ ka ɖò Biblu mɛ? (1)

Mɛ ka nyí nǔdowatɔ Biblu tɔn? (2)

Etɛwu wɛ a ka ɖo na kplɔ́n Biblu ɔ? (3)

1. Biblu ɔ nyí nunamɛ e xɔ akwɛ ɖe sín Mawu gɔ̌n ɔ. É ci wema e tɔ́ wanyiyi tɔn ɖe wlan sɛ́dó vi tɔn lɛ ɖɔhun. É ɖɔ̀ nugbo nú mí do Mawu wu—gbɛtɔ alɔkpa e É nyí é lobɔ lee é nɔ kpɔn nǔ lɛ sɛ́dó gbɛn é. É tinmɛ lee mí sixu kpan nukɔn tagba lɛ lobɔ lee mí ná mɔ̀ fɛɛmɛninɔ nugbo ɔ gbɛn é. Biblu ɖokpo ɔ ɖɔ nú mí nǔ e mí na wà bo na nyɔ Mawu nukún mɛ é.—Psaumes 1:1-3; Isaïe 48:17, 18.

2. Gbɛtɔ vǒvǒ kanɖe mɔ̌ wɛ wlan Biblu ɔ hugan xwè 1 600, bɛ sín 1513 J.H.M. É nyí mima ɖò wema kpɛvi kpɛvi donu 66. Mɛ e wlan Biblu ɔ lɛ, Mawu ɖesu wɛ sɔ xó ɔ ɖò xò yetɔn mɛ bɔ yé wlan. Yé wlan linlɛn Mawu tɔn, e nyí yeɖesunɔ tɔn ǎ. Hǔn Mawu e ɖó sɛ́xwé ɔ wɛ nyí Nǔdowatɔ Biblu tɔn, e nyí gbɛtɔ ɖebu ɖ’ayikúngban jí fí ǎ.—2 Timɔtée 3:16, 17; 2 Piyɛɛ 1:20, 21.

3. Mawu cɔ bɔ Biblu ɔ nyí vivɔ wlan bo lɛ nyí sisɛxwe ganji. Biblu ɔ nyí biblo hugan wema ɖebu. Mɛ lɛ bǐ wɛ ná hun xomɛ do Biblu kplɔ́n wɛ a ɖe wu ǎ, amɔ̌, ma lɔn bo jó Biblu kpinkplɔn dó ó. Sɔgudo mavɔmavɔ towe jij’ayi dò lee a tuùn Mawu gbɛn é lobɔ lee a ɖò jlǒ tɔn wà wɛ gbɛn é maxokpɔn nú nukunvandomɛ gbɛtɔ tɔn.—Matie 5:10-12; Jaan 17:3.