Nukplɔnkplɔn 9

Mawusɛ̀ntɔ lɛ Ðo Na Mɛ́

Etɛwu wɛ mí ka ɖo na mɛ́ ɖo ali lɛ bǐ xo? (1)

Etɛ wɛ nyí tinme mimɛ-nyinyi ɖò gbigbɔ lixo? (2) ɖò walɔ lixo? (3) ɖò akpɔn mɛ lixo? (4) ɖò agbaza lixo? (5)

Xo kwiji tɛ lɛ wɛ mí ka ɖo na hɔn na? (6)

1. Jehovah Mawu nyí mímɛ́ kpó wiwe kpó. E ɖò nukún ɖó ɖò sinsɛntɔ lɛ sí wɛ ɖɔ ye ni nɔ mɛ́ tɛgbɛ—ɖò gbigbɔ lixo, ɖò walɔ lixo, ɖò akpɔn mɛ lixo, kpó ɖò agbaza lixo kpó. (1 Piyɛɛ 1:16) É byɔ gándìdò syɛnsyɛn bo na do nyí mímɛ́ tɛgbɛ ɖo nukun Mawu tɔn mɛ. Mí ɖò gbɛnɔ ɖò gbɛ̀ kwiji ɖe mɛ wɛ. Mí ɖo na xò hùn syɛnsyɛn xa nusisɛ mɛ mítɔn lɛ bɔ na do wà nyla. Loɔ mí ɖo na jogbe ǎ.

2. Mimɛ-Nyinyi ɖo Gbigbɔ Lixo: Enyí mí jlo na sɛ̀n Jehovah ɔ, mí ɖo na hɛn nukplɔnmɛ abǐ aca sinsɛ̀n-nuvu tɔn ɖebu wu ǎ. Mí ɖo na tɔ́n sín sinsɛ̀n-nuvu mɛ bo ɖo na nɔ gudo n’i ɖò ali ɖebu xo ǎ. (2 Kolɛntinu lɛ 6:14-18; Nǔɖexlɛmɛ 18:4) Hwenu e mí kplɔ́n nugbo do Mawu wu ɔ, mí ɖo na cɔ miɖee ɖò mɛblɛtɔ lɛ wu ee nɔ kplɔnmɛ nu ma sɔgbe lɛ é.—2 Jaan 10, 11.

3. Mimɛ-Nyinyi ɖo Walɔ Lixo: Jehovah jlo ɖɔ sinsɛntɔ émitɔn lɛ ni nɔ wà nǔ ɖi Klisanwun nugbo ɖo hwelɛbinu. (1 Piyɛɛ 2:12) É nɔ mɔ nǔ e mí nɔ wà lɛ bǐ, e na bo nyí ɖo nuglɔ. (Eble lɛ 4:13) Mí ɖo na hɔn nú mawe sunnu kpó nyɔnu kpó tɔn kpó nukwiji wiwà ɖevo gbɛ̀ elɔ tɔn kpó.—1 Kolɛntinu lɛ 6:9-11.

4. Mimɛ-Nyinyi ɖo Apkɔn mɛ Lixo: Enyí mí wún linlin mímɛ́ kpó wiwe kpó gɔ ta mítɔn ɔ, enɛ ɔ nuwiwa mítɔn lɔ bi ɖo na mɛ́. (Filipunu lɛ 4:8) Amɔ, enyí mí nɔ ze ayixa ɖò nukwiji lɛ ji ɔ, e na zɔ́n bɔ mí na wà nǔ nyanya. (Matie 15: 18-20) Mí ɖo na hɔn nú ayihunɖiɖa alɔkpa e na hɛn tamɛ mítɔn gble lɛ é. Mí sixu wún linlin wíwé gɔ ta mítɔn gbɔn Xo Mawu tɔn kpinkplɔn gbla mɛ.

5. Mimɛ-Nyinyi ɖo Agbaza Lixo: Ðó yé nyí afɔ-sɔ-ɖo-te-tɔ Mawu tɔn wutu ɔ, Klisanwun lɛ ɖo na hɛn agbaza yetɔn kpó avɔ yetɔn kpó ɖò mímɛ́ ji. Mí ɖo na klɔ alɔ mítɔn lɛ hwenu e mí yì nugudo fo ɔ, mɔɖokpo ɔ, mí ɖo na klɔ yé hwenu e mí ja nuɖu gbé abǐ d’alɔ núɖùɖù wu. Enyí mí ma do adado ɖagbe ɖe ǎ ɔ, mí ɖo na nɔ ɖi afɔdayi lɛ. (Deutéronome 23:12, 13) Hinhɛn agbaza ɖò mímɛ́ ji ɔ, nɔ zɔ́n bɔ lanmɛ nɔ ɖó ganji. Klisanwun ɖe sin xwegbe ɖo na mɛ́ ɖò xɔmɛ kpodo hɛnkɛn kpo. É ná zɔ́n bɔ é na nyí kpɔndewu ɖagbe nú mɛ ee mɛ eɖe lɛ é.

6. Xo Mimɛ: Mawusɛ̀ntɔ lɛ ɖo na nɔ ɖɔ xo nugbo hwelɛbinu. Núvúɖótɔ́ lɛ na byɔ Axɔsuɖuta Mawu tɔn mɛ ǎ. (Efɛzinu lɛ 4:25; Nǔɖexlɛ́mɛ 21:8) Klisanwun lɛ ɖo na nɔ zan xo gblegble ǎ. Yé ɖo na ɖó tó abǐ ɖɔ xo kwíjíkwíjí abǐ hwenuxo masɔgbe ǎ. Ðó xó mímɛ́ yetɔn wutu ɔ yé nɔ nyí mɛ e gbɔnvo ɖò azɔ yetɔn lɛ ji, ɖò wemaxɔmɛ abǐ ɖò sla yetɔn lɛ mɛ tɛntin.—Efɛzinu lɛ 4:29, 31; 5:3.

[Tinmɛ E Nɔ Nɔ Ðiɖe Glɔ É, Wexwɛ 19]

Mawusɛ̀ntɔ lɛ ɖo na mɛ́ ɖò ali lɛ bǐ xo