Nukplɔnkplɔn 16

Ðiɖe Towe bo Na Sɛ̀n Mawu

Etɛwɛ a ka na wà bo na huzu xɔntɔn Mawu tɔn? (1, 2)

Nɛ wɛ a na klɔ hwiɖee wé nú Mawu gbɛn? (1)

Hwetɛnu wɛ a ka na nyí yɛhwesin lɛ ná? (2)

Nɛ a ka na mɔ hlɔnhlɔn bo nɔte ɖo nuɖiɖi towe nú Mawu mɛ gbɛn? (3)

1. Cobonu a na nyí xɔntɔn Mawu tɔn a ɖo na ɖo nunywɛ sɔgbe ɖò Biblu ji (1 Timɔtée 2:3, 4), ɖi nǔ ɖò nǔ e a kplɔ́n lɛ e mɛ (Eble lɛ 11:6), lɛkɔ sin hwɛ towe mɛ (Mɛsɛ́dó 17:30, 31), huzu jijɔ gbɛzan towe tɔn. (Mɛsɛ́dó 3:19) Hwe e nɛ nu ɔ wanyiyi nú Mawu towe na sisɛ we bɔ a na klɔ hwiɖee wé n’i. Enɛ ɔ tinmɛ ɖɔ ɖò yɛhwexixa hwiɖesunɔ tɔn, nuglɔ tɔn ɖe mɛ, a ni ɖɔ́ n’i ɖɔ̀ émi jó emiɖe n’i bo ná wà jlo tɔn.—Matie 16:24; 22:37.

2. Ee a na ko klɔ hwiɖee wé nú Mawu gudo ɔ, a ɖo na nyí yɛhwesin lɛ ná. (Matie 28:19, 20) Yɛhwesinlilɛ nɔ zɔ́n bɔ mɛ lɛ bǐ na tuùn ɖɔ hwɛ ko klɔ hwiɖee wé nú Jehovah. Enɛwutu, mɛ ɔ ko nyí mɛxo kpɛde bo na ɖe ɖiɖe bo na sɛn Mawu ɔ, mɛ enɛ lɛ kɛɖe sixu nyí yɛhwesin lɛ na. Hwenu e mɛɖe ɖò yɛhwesinlɛ wɛ ɔ, agbaza tɔn bǐ ɖo na nyí nyinylɔn ɖò sin mɛ nú hwenu kpɛɖe.a—Maki 1:9, 10; Mɛsɛ́dó 8:36.

3. Hwenu e a klɔ hwiɖee wé gudo ɔ, Jehovah ɖò nukunɖó wɛ ɖɔ hwɛ na nɔgbɛ̀ sɔgbe kpódo akpaɖiɖo towe kpó. (Psaumes 50:14; Ecclésiaste 5:4, 5) Awovi ɔ na tɛnkpɔn bo na do alɔ towe te ɖò Jehovah sinsɛ̀n mɛ. (1 Piyɛɛ 5:8) Amɔ̌ sɛkpɔ Mawu ɖò yɛhwexixa mɛ. (Filipunu lɛ 4:6, 7) Nɔ kplɔ́n Xó tɔn gbe bǐ gbe. (Psaumes 1:1-3) Tɛdo agun wu. (Eble lɛ 13:17) Enyí a ɖò enɛ lɛ bǐ wà wɛ ɔ, a ná mɔ hlɔnhlɔn bo na nɔte ɖo nuɖiɖi mɛ nú Mawu. Kaka yì mavɔmavɔ a na kpenuwu bo na blo nu e Mawu byɔ ɖo asi we lɛ bǐ!

[Nǔ E È Ðɔ Ðò Dò É]