Sɔ́ Afɔ Dó Afɔdo Klisu Tɔn lɛ Mɛ Télélé

Jezu sɔ́ kpɔ́ndéwú ee mǐ na xwedó é ɖé ɖ’ayǐ, ɖò taji ɔ, hwenu e mǐ kpannukɔn mɛtɛnkpɔn lɛ alǒ yadonumɛ lɛ é. (1Pi 2:21-23) È zun Jezu có, é sú zun xɔ́ ǎ, é tlɛ nyí hwenu e é ɖò wuvɛ̌ mɛ é ɔ nɛ. (Mk 15:29-32) Etɛ ka d’alɔ ɛ bɔ é dɛ? É kanɖeji bá wà jlǒ Jehovah tɔn. (Jn 6:38) É lɛ́vɔ “ɖò awǎjijɛ e è sɔ́ ɖó te n’i ɔ flín wɛ.”​—Eb 12:2.

Enyi è xò daka mǐ wu ɖó nùɖiɖi mǐtɔn wu ɔ, nɛ̌ mǐ ka nɔ wà nǔ gbɔn? Klisanwun nugbǒ lɛ nɔ sɔ́ “nǔ nyanya dó sú nǔ nyanya xɔ́” na ǎ. (Hlɔ 12:14, 17) Enyi mǐ xwedó lee Klisu dɛ ɖò wuvɛ̌ lɛ nu gbɔn é sín kpɔ́ndéwú ɔ, mǐ sixu ɖó awǎjijɛ ɖó nǔ mǐtɔn na nyɔ́ Mawu nukúnmɛ.​—Mt 5:10-12; 1Pi 4:12-14.

KPƆ́N VIDEO NYIKƆ JEHOVAH TƆN ÐÒ TAJI HÚ NǓ BǏ Ɔ, ENƐ GUDO HǓN, NǍ XÓSIN NÚ NÙKANBYƆ ELƆ LƐ:

• Nɛ̌ Nɔví nyɔnu Pötzingera ka zán hwenu tɔn kpo nùnywɛ kpo hwenu e é ɖò gankpa mɛ éɖokponɔ é gbɔn?

• Wuvɛ̌ tɛ lɛ nu Nɔví sunnu Pötzinger kpo Nɔví nyɔnu Pötzinger kpo ka dɛ ɖè hwenu e ye ɖò yadonumɛkpá vovo lɛ mɛ é?

• Etɛ ka d’alɔ ye bɔ ye dɛ?