Nǔ Sinsɛnzɔ́ Towe Ni Bí Alɔ nú We D’eji: JW.ORG Jí Yiyi

NǓ E WU É ÐÒ TAJI É: Wema e ɖò Azɔ̌wanúgbá Mɛkplɔnkplɔn Tɔn mǐtɔn mɛ lɛ é bǐ wɛ nɔ sɛ́ mɛ dó jw.org jí. Nugbǒ ɔ, azɔ̌ taji e kati adlɛsi tɔn kpo tlati Fitɛ Mǐ ka Sixu Mɔ Nùkanbyɔ Taji Gbɛmɛ Tɔn lɛ Sín Xósin Ðè? kpo nɔ wà é wɛ nyí ɖɔ ye nɔ sɛ́ mɛ lɛ dó tɛn ɛntɛnɛti tɔn mǐtɔn jí. A sixu zán jw.org dó sɛ́ wema e ɖò Azɔ̌wanúgbá Mɛkplɔnkplɔn Tɔn mǐtɔn mɛ é ɖé, alǒ fí e è na gbɔn bo mɔ wema ɔ é dó mɛɖé gbɔn ɛntɛnɛti jí. Enɛ sixu d’alɔ we tawun hwenu e a na ɖò Mawuxó ɖɔ nú mɛ e nɔ dó gbè ɖevo é ɖé wɛ é. Gɔ́ na ɔ, mɛ lɛ sixu kàn nùɖé lɛ byɔ bɔ xósin yetɔn na ɖò wema ɖěɖee ma ɖò Azɔ̌wanúgbá Mɛkplɔnkplɔn Tɔn mǐtɔn mɛ ǎ lɛ é mɛ. Enyi mǐ sixu nɔ yì ɛntɛnɛti jí ɔ, alɔ sixu lɛ́ bí nú mǐ d’eji ɖò sinsɛnzɔ́ mǐtɔn mɛ.

LEE È SIXU BLÓ GBƆN É:

• 

  Zǎn akpáxwé “NÙKPLƆNMƐ BIBLU TƆN LƐ.” Mǐ ni ɖɔ ɖɔ a ɖò Mawuxó ɖɔ nú mɛjitɔ́ e jló na mɔ nukúnnú jɛ nǔ gègě mɛ dó lee è na kpé nukún dó vǐ wu gbɔn é jí wɛ. Zǐn NÙKPLƆNMƐ BIBLU TƆN LƐ > ALƆWLIWLI & XWÉDO.

• Zǎn akpáxwé “WEMA LƐ.” Mǐ ni ɖɔ ɖɔ a ɖò kúnnu ɖè wɛ ɖò ali e ma nyí aca tɔn ǎ é nu ɖò wemaxɔmɛ, bo jló na má alɔnuwema Nǔ E Mɛ Winnyawinnya lɛ Nɔ Kanbyɔ É 10 Sín Xósin xá azɔ̌mɛvigbɛ́ ɖé. Zǐn WEMA LƐ > WEMA KPO ALƆNUWEMA LƐ KPO.

• Zǎn akpáxwé “NǓ E KÀN MǏ LƐ É.” Mǐ ni ɖɔ ɖɔ a ɖò Mawuxó ɖɔ nú azɔ̌watɔ́gbɛ́ e jló na xà nǔ klewun ɖé dó nǔ e mǐ ɖi nǔ na lɛ é jí é wɛ. Zǐn NǓ E KÀN MǏ LƐ É > NǓ E MƐ LƐ NƆ YAWU KANBYƆ LƐ É.

KPƆ́N VIDEO JW.ORG JÍ YIYI Ɔ, ENƐ GUDO HǓN, BA FÍ E A NA YÌ ÐÒ TƐN ƐNTƐNƐTI TƆN Ɔ JÍ BO NA D’ALƆ:

• mɛ e ma ɖi nǔ ɖɔ Mawu tíìn ǎ é ɖé é

• mɛ e awě xò ɖò agaɖanu é ɖé é

• nɔví sunnu alǒ nɔví nyɔnu e awakanmɛ gbɔjɔ na é ɖé é

• mɛ e mǐ yì ba kpɔ́n b’ɛ kàn lee mǐ nɔ mɔ akwɛ dó wà azɔ̌ mǐtɔn lɛ gbɔn é byɔ é ɖé é

• mɛ e gosin tò ɖevo mɛ bo jló na yì kplé ɖò tò éɖesunɔ tɔn mɛ é ɖé é