‘Ayi Mitɔn Ni Nɔ Nǔ Enɛ lɛ Jí’

Nǔ tɛ lɛ ka wɛ? Filipunu lɛ 4:8 ɖɔ ɖɔ ayi mǐtɔn ni nɔ nǔ e nyɔ́, bɔ susu jɛxa lɛ é, nǔ e nyí nǔgbo ɔ bǐ, nǔ e è na ɖó sísí na é, nǔ e sɔgbe é, nǔ e mɛ́ é, nǔ e nɔ nyɔ́ mɛ nukúnmɛ é kpodo nǔ e wlí yɛ̌yi ɔ kpan jí. É ɖò wɛn ɖɔ é kún nyí ɖiɖɔ wɛ è ɖè ɖɔ Klisanwun ɖé ni kpó nú tamɛ linlin dó Biblu jí kɛɖɛ ó. É ɖò mɔ̌ có, nǔ e jí mǐ nɔ lin tamɛ dó lɛ é ɖó na nɔ nyɔ́ Jehovah nukúnmɛ. Mǐ ɖó na lin tamɛ dó nǔ ɖěɖee na vɔ́da nú kán e mǐ kánɖeji bá nɔ gbeji n’i lɛ é jí ǎ.—Ðɛ 19:15.

É sixu vɛwǔ ɖɔ mǐ ni nyi alɔ nú linlin masɔgbe lɛ. Mǐ ɖó na ɖí xwi xá hwɛhuhu gbaza mǐtɔn kpo “mawu gbɛ̀ elɔ tɔn” Satáan kpo. (2Kɔ 4:4) Ðó é wɛ ɖò acɛ kpa dó gbɛ̀ ɔ jí wɛ wutu ɔ, nǔ e telée, hladio, Ɛntɛnɛti kpo wema lɛ kpo nɔ xwlé mɛ lɛ é gegě nɔ nyí nǔbliblí. Enyi mǐ ma nɔ cyan nǔ ɖěɖee mǐ nɔ bɛ́ dó ayi mǐtɔn mɛ lɛ é ǎ ɔ, linlin mǐtɔn na blí, bɔ gudo mɛ ɔ, enɛ na wà nǔ dó nǔwalɔ mǐtɔn lɛ wu.—Ja 1:14, 15.

KPƆ́N VIDEO NYI ALƆ NÚ NǓ ÐĚÐEE NƆ VƆ́DA NÚ GBEJININƆ LƐ É: AYIÐEÐAYI MASƆGBE Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Etɛ kpɔ́n wɛ nɔví ɔ ka ɖè ɖò alokan tɔn jí? Nɛ̌ é ka wà nǔ dó wǔ tɔn gbɔn?

• 

  Nɛ̌ Galatinu lɛ 6:7, 8 kpo Ðɛhan 119:37 kpo ka d’alɔ ɛ gbɔn?