Ma Nɔ Xwedó Ahwan Dó Wà Nǔ Ó

23:1-3

Akpá e Jehovah gbà nú kúnnuɖetɔ́ lɛ kpo hwɛɖɔtɔ́ lɛ kpo dó hwɛɖiɖɔxó lɛ wu, bo ɖɔ ye ma lɔn nú ahwan dɔn ye bonu ye ni ɖè kúnnu agɔ alǒ gɔn hwɛ jlɔjlɔ ɖɔ ó é lɛ́ kúnkplá akpáxwé gbɛzán tɔn ɖevo lɛ. Gbɛ̀ ɔ nɔ gbidí kɔ nú Klisanwun lɛ hwebǐnu bonu ye ni nɔ lin nǔ, bo nɔ lɛ́ wà nǔ lee mɛ e ma nɔ ɖó sísí nú Jehovah ǎ lɛ é nɔ lin nǔ, bo nɔ lɛ́ wà nǔ gbɔn é.—Hlɔ 12:2.

Etɛwu é ma ka nyí nǔnywɛnú ɖɔ mǐ ni xwedó ahwan dó wà nǔ hwenu e:

• Mǐ sè yeɖɔyeɖɔ alǒ xó nyanya e ma ɖó kúnnuɖenú ɖé ǎ é é?

• Mǐ ɖò awu e mǐ na dó, ɖa e mǐ na kpa alǒ blá, alǒ ayiɖeɖayǐ lɛ cyan wɛ é é?

• Mǐ ɖò tamɛ lin wɛ dó lee mǐ na wà nǔ xá mɛ ɖěɖee ɖó sinmɛ agbaza tɔn ɖevo lɛ gbɔn é, gosin aca ɖevo mɛ lɛ é, alǒ ɖó ninɔmɛ akwɛzinzan tɔn e gbɔn vo dó mǐtɔn lɛ é?