Ðu alɔdlɛ́ndónǔ tɛ́ntinmɛ tɔn lɛ́ sín le

Alɔdlɛ́ndónǔ tɛ́ntinmɛ tɔn Biblu gbɛ yɔ̌yɔ́ ɔ tɔn tɔn lɛ́ nɔ xlɛ́ ɖɔ akpáxwé vovo Biblu ɔ tɔn lɛ́ sɔgbe xá yěɖée lɛ́, gbɔn wěmafɔ ɖěvo e ɖɔ xó dó xóta ɖokpó ɔ jí, bo ná mɔjɛmɛ ɖěvo lɛ́ é slɛ́slɛ́ gblamɛ. Bo ná dó mɔ alɔdlɛ́ndónǔ tɛ́ntinmɛ tɔn lɛ́ hǔn, kpɔ́n wěkwín kpɛví e ɖo xókwín ɖé jí é. Ényí Biblu e è zín é ɖé zán wɛ a ɖe hǔn, ba wěkwín ɖokpó ɔ ɖo tɛ́ntin Biblu ɔ tɔn bá dó mɔ wěmafɔ ɖěvo e cá kan xá lɛ́ é. Ðo jw.org jí, alǒ ɖo JW Library® mɛ ɔ, zǐn wěkwín ɔ bá dó mɔ wěmafɔ ɖěvo e cá kan xá lɛ́ é.

Alɔdlɛ́ndónǔ tɛ́ntinmɛ tɔn lɛ́ sixú kplá we yi nǔ élɔ́ lɛ́ e bɔ d’é wú é jí, bo tlɛ sixú wa nǔ hú mɔ̌:

Tan ɖokpó ɔ e ɖo wěma Biblu tɔn ɖěvo mɛ é: Alɔdlɛ́ndónǔ ɔ ná kplá we yi tan ɖokpó ɔ e ɖo wěma Biblu tɔn ɖěvo mɛ é jí. Ði kpɔ́ndéwú ɔ, kpɔ́n 2 Samuwɛ́li 24:1 kpó 1 Tan 21:1 kpó.

Xó e è ɖe sín fí ɖé é: Alɔdlɛ́ndónǔ ɔ nɔ xlɛ́ fí e è ɖe nukɛgbe, alǒ xógbe ɖé sín é. Ði kpɔ́ndéwú ɔ, kpɔ́n Matíe 4:4 kpó Sɛ́nflínmɛ 8:3 kpó.

Jijɛnu nǔɖɔɖayǐ ɖé tɔn: Alɔdlɛ́ndónǔ ɔ sixú kplá we yi nǔɖɔɖayǐ ɔ kpó jijɛnu tɔn kpó jí. Ði kpɔ́ndéwú ɔ, kpɔ́n Matíe 21:5 kpó Zakalíi 9:9 kpó.