Kpo ɖo Biblu xixa gbe bǐ gbe tɔn sín tuto towe xwedó wɛ

É nɔ vɛ́ wǔ nú we bónú a ná kpo ɖo Biblu xixa gbe bǐ gbe tɔn sín tuto towe xwedó wɛ ɖó a ɖó nǔ gěgé bo ná wa wútu wɛ a? (Joz. 1:8) Ényí mɔ̌ hǔn, tɛ́n wěɖexámɛ élɔ́ lɛ́ ɖě kpɔ́n:

• Blǒ bónú nǔɖé ní nɔ flín nǔ we gbe bǐ gbe. Sɔ́ alǒkan alǒ tablɛ́ti towe ɖó alɔ ɖé jí bónú é ní nɔ flín we ɖɔ a ɖó ná nɔ xa Biblu.

• Sɔ́ Biblu towe ɖó fí e ɖo nukún jí é ɖé. Ényí Biblu e è zín é wɛ a nɔ xa hǔn, sɔ́ ɛ ɖó fí e é ná nɔ bɔ a ná nɔ yá wǔ mɔ gbe bǐ gbe é.—Sɛ́n. 11:18.

• Nɔ ɖótó xóyídókanjí lɛ́. Nɔ ɖótó yě hwenu e a ɖo azɔ̌ gbe bǐ gbe tɔn towe lɛ́ wa wɛ é. Tara e nyí gběxosín-alijítɔ́, bo lɛ́ nyí vǐnɔ, lobo nɔ w’azɔ̌ zǎnmɛ é ɖɔ: “Xóyídókanjí Biblu tɔn ɖíɖó tó hwenu e un ɖo xwégbezɔ́ lɛ́ wa wɛ é nɔ d’alɔ mì bɔ Biblu xixa ce nɔ sún aɖǔ ǎ.”

• Ma jó gbe ó. Ényí nǔmaɖónukún lɛ́ wá jɛ tuto towe mɛ hǔn, é hwe bǐ hǔn, xa wěmafɔ Biblu tɔn kléwún ɖé cóbó yi mlɔ́ ayǐ. A tlɛ nɔ xa kpɛɖé kpɛɖé gbe bǐ gbe ɔ, é ná wa ɖagbe nú we tawun.—1 Pi. 2:2.