Nukún ɖíɖó nǔ ɖo 2024: Étɛ́ Biblu ka ɖɔ?

Mɛ gěgé nɔ lin ɖɔ nǔ e ná ɖe ɖɛ tagba e gbɛ ɔ ná mɔ ɖo 2024 lɛ́ é ɖě kún tíin ó. É ɖo mɔ̌ có, mǐ sixú ɖó nukún ɖɔ sɔgúdo ná nyɔ́. Gbɔn nɛ̌ é?

Biblu ná mɛ nukúnɖíɖó

Biblu d’akpá ɖɔ Mawu ná ɖe ɖɛ tagba ɖěɖěe zɔ́n bɔ gbɛ mǐtɔn ma ɖó nu ɖě égbé ǎ lɛ́ é. Zaanɖé din ɔ, Mawu “ná súnsún ɖasin bǐ sín nukún [mǐtɔn] mɛ, kú sɔ́ ná tíin ǎ; mɔ̌ jɛ́n aluwɛ alǒ alěníná alǒ wǔvɛ́ ma sɔ́ ná tíin ǎ é nɛ́.”—Nǔɖexlɛ́mɛ 21:4, nwt.

• Nú a ná kplɔ́n nǔ ɖěvo lɛ́ dó akpá e Biblu dó dó sɔgúdo wú é wú hǔn, xa xóta “Todido Tin Dọ Osọ Na Yọ́n.”

Lěe Biblu sixú d’alɔ we din gbɔn é

Nukúnɖíɖó e Biblu ná mɛ dó sɔgúdo wú é sixú d’alɔ we bɔ a ná ɖí xwi xá linlin nyanya lɛ́, bo ná ɖó linlin ɖagbe hú gǎn. (Hlɔ̌manu lɛ́ 15:13) Wěɖexámɛ ɖaaɖagbe Biblu tɔn lɛ́ sixú lɛ́ d’alɔ we bɔ a ná ɖí xwi xá tagba e mɔ wɛ a sixú ko ɖe din lɛ́ é, ɖi yajiji, hwɛagɔɖiɖɔ kpó azɔn kpó.

• Nya ɖokpó tíin bo ji ya tawun hwenu e é ɖo susu wɛ é có, nukúnɖíɖó Biblu tɔn d’alɔ ɛ bɔ é mɔ fífá kpó awǎjijɛ kpó. Kpɔ́n video Juan Pablo Zermeño: Jexóva bló bɔ gbɛ ce ɖó nu ɔ bá mɔ lěe nǔ nyí mɔ̌ gbɔn é.

• Nú a nɔ dó hwɛ hwiɖée, wǔ nɔ kú we, ado nɔ hu we, alǒ vlafo mɛvívɛ́ towe ɖé kú wɛ ɔ, Biblu sixú d’alɔ we bɔ a ná ɖí xwi xá. Xa xóta “La Bible peut-​elle m’apporter du réconfort ?” bo kpɔ́n lěe nǔ sixú nyí mɔ̌ gbɔn é.

• Ahwangán kannɔ ɖokpó ɖɔ dó éɖée wú ɖɔ: “Gbɛzán ce d’ablu tawun bɔ un nɔ syɛ́n nukún.” Amɔ̌, nǔ e é kplɔ́n ɖo Biblu mɛ lɛ́ é zɔ́n bɔ é ɖó nukúnɖíɖó. Gbɔn nɛ̌ é? Kpɔ́n video Un sɔ́ tú ce ɖ’ayǐ ɔ.

Blǒ bónú 2024 ní nyí xwe ɖagbe nú hwi kpó xwédo towe kpó. Kplɔ́n nǔ dó alɔ e Biblu sixú dó we é wú d’é jí. Tɛ́n tuto Biblu kplɔ́nkplɔ́n vɔ̌nu tɔn mǐtɔn kpɔ́n. Kpɔ́n lěe Mawu sixú ná “fífá” we égbé din, bo lɛ́ bló bɔ “sɔ ná nyɔ́ nú [we]” gbɔn é.—Jelemíi 29:11.