Mɛ̌ wú a ka sixú ɖeji dó?: Étɛ́ Biblu ka ɖɔ?

Ényí mɛ e ɖó ná nyí mɛ ɖeji d’é wú é ɖé zán mɛ ɔ, awakanmɛ nɔ kú mɛ. Mɛ gěgé sɔ́ nɔ ɖeji dó mɛ élɔ́ lɛ́ wú ǎ:

• toxóɖɔtɔ́gán ɖěɖěe nɔ ba ɖagbe yěɖésúnɔ tɔn bo nɔ xo toví lɛ́ tɔn nyi kɛ́n lɛ́ é;

• ɖɔnúesezɔ́watɔ́ ɖěɖěe nɔ gbɔn akpá nú nǔgbó, bɔ xó yětɔn lɛ́ ma ka nɔ lɛ́ sɔgbe ǎ lɛ́ é;

• nǔnywɛ́ xwítíxwítízɔ́watɔ́ ɖěɖěe má nɔ bló nǔ e nyí nǔ ɖagbe hú gǎn é nú mɛ lɛ́ ǎ lɛ́ é;

• sinsɛngán ɖěɖěe nɔ dó kɔ toxóɖiɖɔ mɛ bǐ mlɛ́mlɛ́, bo nɔ gbɔ afɔ Mawu tɔn sɔ́ ɖó te lɛ́ é.

Hwɛ mɛ lɛ́ tɔn jɔ ɖɔ yě ní nɔ acéjí dó mɛ e wú yě nɔ ɖeji dó lɛ́ é wú. Biblu gb’akpá nú mɛ ɖɔ:

• “Mi ma gán jɛ gǎnhúnǔtɔ́ gbɛ mɛ fí tɔn lɛ́ wú ó. Gbɛtɔ́ wɛ yě nyí, yě kpé wú bó ná hwlɛ́n mɛ gán ǎ.”—Ðɛhan 146:3, Mawuxówéma.

Mɛ e wú a sixú ɖeji dó é ɖé

Biblu xlɛ́ mɛ e wú a sixú ɖeji dó é we: Jezu Klísu wɛ. Nya ɖagbe e nɔ gbɛ kpɔ́n nú xwe mɔ̌kpán é ɖé kpowun wɛ é nyí ǎ. Mawu sɔ́ Jezu bɔ é “ná nyí Axɔ́sú . . . bɔ Axɔ́súɖuto tɔn ná wá vivɔnu gbeɖé ǎ.” (Luki 1:32, 33) Jezu wɛ nyí Axɔ́sú nú Axɔ́súɖuto Mawu tɔn, acɛkpikpa e ɖo acɛ kpa wɛ sín jǐxwé din é wɛ.—Matíe 6:10.

• Bónú a ná kplɔ́n nǔ dó nǔ e wú a sixú ɖeji dó Jezu wú é wú hǔn, xa xóta “Mɛ̌ ka nyí Axɔ́sú nú Axɔ́súɖuto Mawu tɔn?” kpó “Étɛ́ lɛ́ Axɔ́súɖuto Mawu tɔn ka ná wa?” kpó.