Alɔdlɛndonǔ Kplé Gbɛzán kpo Sinsɛnzɔ́ kpo Tɔn Sín Azɔ̌wema Tɔn Lɛ
2-8 OCTOBRE
DƆKUN MAWUXÓ Ɔ TƆN ÐÉ LƐ | DANIYƐLI 7-9
“Nǔɖɔɖ’ayǐ Daniyɛli Tɔn Ðɔ Hwenu E Mɛsiya ɔ Na Wá Dó É”
it-2-F 998 akpá. 1
Xwè 490
Tónúmase kpo nùwanyido kpo nɔte. Kú e Jezu kú, bo fɔ́n lobo yì jixwé é zɔ́n bɔ ‘tónúmase bǐ fó, bɔ nùwanyido bǐ nɔte, bɔ è zé hwɛ bǐ kɛ mɛ.’ (Da 9:24) Akɔjijɛ Sɛ́n ɔ tɔn ɖexlɛ́ ɖɔ Jwifu lɛ nyí hwɛhutɔ́ lɛ, bo ɖó hwɛ nú ye, lobo hɛn awě e nɔ xò mɛ e nɔ gbà sɛ́n lɛ é wá ta yetɔn. Amɔ̌, fí e hwɛhuhu “sukpɔ́” ɖè alǒ Sɛ́n Mɔyizi tɔn ɖè ye gbà ɖè é ɔ, nùblawukúnúmɛ Mawu tɔn kpo fɛ́nú tɔn kpo nɔ túnflá ɖò finɛ gbɔn Mɛsiya ɔ jí. (Hlɔ 5:20) Gbɔn vɔsisa Mɛsiya ɔ tɔn gblamɛ ɔ, è sixu sɔ́ hwɛ kɛ mɛ ɖěɖee lɛkɔ sín hwɛ kpo nùwanyido yetɔn lɛ kpo gudo lɛ é, bo ɖè awě e ɖó na xò ye é síìn.
it-2-F 996 akpá. 6
Xwè 490
Mɛsiya ɔ Wá Ðò Xwè 483 Gudo. Nú nǔ e kàn “xwè tɛnwe tɛnwe donu kanɖé ko-nukún-we (62)” e bɔ d’ewu lɛ é ɔ (Da 9:25), ye lɔ ɖò xwè 490 lɛ mɛ, bo nyí hwenu akpáxwé wegɔ e xó è ɖɔ é tɔn, lobo bɛ́ ɖò vivɔnu “xwè tɛnwe tɛnwe donu tɛnwe” nukɔntɔn lɛ tɔn. Enɛ wu ɔ, “hwenu e è dó wɛn e ɖɔ xó dó” Jeluzalɛmu toxo ɔ vivɔgbá wu é kaka jɛ “gǎn e jí è ylɔ Mawu nyikɔ dó” é alǒ Mɛsiya ɔ hwenu na bló “xwè tɛnwe tɛnwe donu tɛnwe” (alǒ xwè 49) gɔ́ nú “xwè tɛnwe tɛnwe donu kanɖé ko-nukún-wè” (alǒ xwè 434), bɔ bǐ sésé bló xwè 483: bɛ́sín 455 J.H.M. tɔn wá 29 H.M. tɔn. Lee è ɖexlɛ́ gbɔn ɖò aga é ɔ, ɖò 29 H.M. tɔn sín vivɔnu ɔ, Jezu bló baptɛm ɖò tɔ̀ mɛ, bɔ gbigbɔ mímɛ́ ɖè è, b’ɛ huzu “gǎn e jí è ylɔ Mawu nyikɔ dó” é alǒ Mɛsiya ɔ, lobo bɛ́ sinsɛnzɔ́ tɔn.—Lk 3:1, 2, 21, 22.
it-2-F 997 akpá. 1
Xwè 490
È “hu” i ɖò xwè tɛnwe lɛ tɛntin. Gabliyɛli lɛ́ ɖɔ nú Daniyɛli ɖɔ: “Ee xwè tɛnwe tɛnwe donu kanɖé ko-nukún-we lɛ na fó ɔ, è na hu mɛ e jí è ylɔ Mawu nyikɔ dó é, bɔ mɛɖebǔ na jɛhun jǐ tɔn ǎ.” (Da 9:26) Hweɖenu ɖò ‘xwè tɛnwe tɛnwe donu tɛnwe’ (alǒ xwè 49) gɔ́ nú ‘xwè tɛnwe tɛnwe donu kanɖé ko-nukún-wè’ (alǒ xwè 434) lɛ gudo wɛ nǔ enɛ jɛ, nugbǒ ɔ, ɖò xwè atɔn adaɖé mɔ̌ gudo wɛ è hu Klisu ɖò yatín jí, bɔ é sɔ́ nǔ e ɖò así tɔn é bǐ jó dó xɔ gbɛ̀ nú gbɛtɔ́ lɛ. (Eza 53:8) Kúnnuɖenú lɛ xlɛ́ ɖɔ Jezu zán akpáxwé nukɔntɔn “xwè tɛnwe” lɛ tɔn ɖò sinsɛnzɔ́ ɔ mɛ. Ðò hweɖenu ɖò vivɔnu xwè 32 H.M. tɔn ɔ, é cí ɖɔ é jlɛ́ akɔta Jwifu lɛ tɔn dó fígitín (Sɔ́ jlɛ́ dó Mt 17:15-20; 21:18, 19, 43 wu) e ma ɖè sínsɛ́n tɔn ǎ nú “xwè atɔn” é wu ɖɔhun. Vǐwunzɔ́watɔ́ ɔ ɖɔ nú vǐwungbonɔ ɔ ɖɔ: “Gǎn ce! Lɛ̌ jó è dó xwè elɔ mɛ hwɛ̌ nú mǐ na kpɔ́n. Un na kun dò lɛlɛ̌ dó, bo na bɛ́ zunkɔ́ d’emɛ; nú é sixu sɛ́n xwè ɖě ɔ mɛ ɔ, é na nyɔ́; é ma nyí mɔ̌ ǎ ɔ, a na gbò síìn.” (Lk 13:6-9) É sixu ko ɖò xó ɖɔ dó hwenu e éɖesunɔ wà sinsɛnzɔ́ nú akɔta nùmaɖitɔ́ enɛ é wu wɛ, sinsɛnzɔ́ enɛ ko bɛ́sín xwè atɔn ɖíe mɔ̌ bo na kpò ɖò nukɔn yì wɛ kaka jɛ xwè ɛnɛgɔ ɔ mɛ.
it-2-F 997 akpá. 4
Xwè 490
“Xwè atɔn adaɖé” ɔ wɛ nyí “xwè tɛnwe” gudo tɔn ɔ tɛntin. Ðó xwè tɛnwe donu 70gɔ́ ɔ bɛ́ ɖò vivɔnu xwè 29 H.M. tɔn mɔ̌ ɖò hwenu e Jezu bló baptɛm, bɔ è kɔn ami dó ta n’i b’ɛ huzu Klisu é wutu ɔ, xwè atɔn adaɖé lɛ na wá jɛ bǐbɛ̌mɛ xwè 33 H.M. tɔn, alǒ Dindinwayixwe (14 Nisáan) xwè enɛ tɔn. Sɔgbe kpo sunzanwema Grégoire tɔn kpo ɔ, azǎn enɛ wɛ nyí 1er avril 33 H.M tɔn. (Kpɔ́n NÙÐUÐU AKLUNƆ TƆN [Hwenu E È Ðó Ayǐ É].) Mɛsɛ́dó Pɔlu ɖɔ nú mǐ ɖɔ Jezu wá ‘bo na wà jlǒ Mawu tɔn,’ é wɛ nyí ɖɔ é na “ɖè vɔsisa xóxó lɛ [vɔsisa tɛnmɛ tɛnmɛ e Sɛ́n ɔ zɔ́n lɛ é] bǐ síìn bo ɖó yɔyɔ̌ ɔ ayǐ.” Enɛ wɛ é bló gbɔn agbaza éɖesunɔ tɔn sísɔ́ dó savɔ̌ na gblamɛ.—Eb 10:1-10.
16-22 OCTOBRE
DƆKUN MAWUXÓ Ɔ TƆN ÐÉ LƐ | OZÉE 1-7
“Jehovah Nɔ Yí Wǎn nú Xomɛnyínyɔ́, Hwɛ ka Lo?”
Nǔ Xɔ Akwɛ Biblu Tɔn lɛ Biba
g05-F 8/9 12 akpá. 2
Hwenu E Fífá Na Gɔ́ Ayikúngban ɔ Bǐ Jí É
Nugbǒ ɔ, nǔ e ɖò gbɛ̀ ɖò ayikúngban jí lɛ é bǐ na ɖu fífá bunɔ ɖé sín vivǐ, ɖó Mawu na kplɔ́n gbejinɔtɔ́ tɔn lɛ lee ye na kpé nukún dó xwé yetɔn ayikúngban jí tɔn wu gbɔn é. É na tlɛ bló bɔ ye na “jɛ akɔ” xá gběkanlin lɛ bǐ, bo na bló bɔ kanlin enɛ lɛ na hwíhwɛ́ yeɖée dó gbɛtɔ́ lɛ glɔ ɖò fífá mɛ.—Oz. 2:20; Bǐbɛ̌mɛ 1:26-28; Ezayíi 11:6-8.
23-29 OCTOBRE
DƆKUN MAWUXÓ Ɔ TƆN ÐÉ LƐ | OZÉE 8-14
“Nǎ Nǔ Towe Ðagbe Hugǎn Bǐ ɔ Jehovah”
jd-F 87 akpá. 11
Sɛ̀n Jehovah Sɔgbe kpo Nugbodòdó Tɔn E Yì Jǐ lɛ É Kpo
11 Ozée. 14:10 lɔmɔ̌ dɔn ayi mǐtɔn yì ɖagbe e ɖò nǔjlɔjlɔwiwa mɛ é jí. Nyɔna gègě kpo lè gègě kpo wɛ è nɔ mɔ, nú è wà nǔ sɔgbe xá nǔ e Mawu byɔ ɖò mɛ sí lɛ é ɔ nɛ. Ðó é nyí Gbɛɖotɔ́ mǐtɔn wutu ɔ, é tuùn mɛ alɔkpa e mǐ nyí é. Nǔ e ɖó nukún wɛ é ɖè ɖò mǐ sí lɛ é nɔ wà ɖagbe nú mǐ. Bo na dó ɖè kancica e ɖò mǐ kpo Mawu kpo tɛntin é xlɛ́ ɔ, mǐ sixu lin tamɛ dó mɔ̌to ɖé kpo mɛ e bló é kpo jí. Mɛ e bló mɔ̌to ɔ é tuùn lee è ján ɛ gbɔn é. É tuùn ɖɔ è ɖó na nɔ ɖyɔ ami nú mɔ̌to ɔ hwɛhwɛ. Enyi a dovɛ̌ nú nugbodòdó enɛ, vlafo bo lin ɖɔ mɔ̌to ɔ ɖò azɔ̌ wà wɛ ganji ɔ, etɛ ka na jɛ? Mɔtɛ́ɛ ɔ na kú fyán xwè. Nǔ ɖokpo ɔ wɛ é nyí nú gbɛtɔ́ lɛ lɔmɔ̌. Gbɛɖotɔ́ mǐtɔn na mǐ sɛ́n lɛ. Enyi mǐ nyì ye ɔ, ye nɔ hɛn lè wá nú mǐ. (Ezayíi 48:17, 18) Enyi mǐ mɔ nǔ jɛ wu ɖɔ é nɔ hɛn lè wá nú mǐ ɔ, enɛ nɔ lɛ́ na mǐ hwɛjijɔ ɖevo bɔ mǐ nɔ wà nǔ sɔgbe xá nugbodòdó tɔn lɛ, lobo nɔ nyì sɛ́n tɔn lɛ.—Ðɛhan 112:1.
30 OCTOBRE–5 NOVEMBRE
DƆKUN MAWUXÓ Ɔ TƆN ÐÉ LƐ | JOWƐLI 1-4
“Vǐ Mitɔn lɛ, Sunnu kpo Nyɔnu kpo Na Nyí Gbeyiɖɔ”
jd-F 167 akpá. 4
“Mi Súxó Bo Ðɔ nú Akɔta Ðě Lɛ”
4 Lin tamɛ dó nùkanbyɔ ɔ jí ɖò ali ɖevo nu. Jehovah Mawu ɖɔ táan ɖé xó nú gbeyiɖɔ Jowɛli, bɔ nú è na ɖɔ ɔ, gbɛtɔ́ alɔkpa lɛ bǐ na nyí gbeyiɖɔ ɖò táan enɛ mɛ: “Enɛ ɔ gudo ɔ, un na gbà [gbigbɔ] ce kɔn nyì mɛ bǐ jí; vǐ mitɔn lɛ, sunnu kpo nyɔnu kpo na nyí gbeyiɖɔ; Mawu na nɔ xò dlɔ̌ degenɔ mitɔn lɛ, bɔ dɔnkpɛvu mitɔn lɛ na nɔ mɔ nǔ.” (Jowɛli 3:1-5) Ðò Pantekotu 33 H.M. tɔn ɔ, mɛsɛ́dó Piyɛ́ɛ ɖɔ ɖɔ gbigbɔ mímɛ́ e jɛte dó mɛ ɖěɖee kplé ɖò xɔ ɖé mɛ ɖò aga ɖò Jeluzalɛmu lɛ é jí é, kpo “azɔ̌ ɖagbeɖagbe e Mawu wà lɛ” é jijla e bɔ d’ewu é kpo nyí jijɛ nǔɖɔɖ’ayǐ enɛ tɔn. (Mɛsɛ́dó 1:12-14; 2:1-4, 11, 14-21) Mǐ ni wá hwe mǐtɔn nu lo. Nǔɖɔɖ’ayǐ Jowɛli tɔn ɔ ɖò jijɛnu wɛ tawun sín bǐbɛ̌mɛ xwè kanweko 20gɔ́ ɔ tɔn. Klisanwun e gbigbɔ ɖè lɛ é, sunnu kpo nyɔnu kpo, mɛ winnyawinnya kpo mɛxo kpo, jɛ ‘gbeyiɖɔzɔ́’ wà jí, é wɛ nyí ɖɔ ye jɛ “azɔ̌ ɖagbeɖagbe e Mawu wà lɛ” é jla jí, ɖò taji ɔ, wɛnɖagbe Axɔsuɖuto e è ko sɔ́ ɖ’ayǐ ɖò jixwé dìn é tɔn.