Etɛ ka Ðò Taji Hugǎn nú Mì?

Jakɔbu dó alɔ xá wɛnsagun ɖé bá dó mɔ nǔ taji ɖé: Nyɔna Jehovah tɔn. (Bǐ 32:25-32; Oz 12:4, 5) Mǐdɛɛ lɛ ka lo? Mǐ ka ɖò gbesisɔmɛ bá nɔ zán hlɔnhlɔn mǐtɔn bǐ dó setónú nú Jehovah bá dó mɔ nyɔna tɔn à? Ði kpɔ́ndéwú ɔ, enyi è sɔ́ kplé agun tɔn ɖé yiyi kpo gangudozɔ́ wiwa nú táan klewun ɖé bá dó mɔ akwɛ d’eji kpo ɖó te, bo ɖɔ mǐ ni sɔ́ ɖokpo ɖ’emɛ ɔ, ɖětɛ mǐ ka na sɔ́? Alǒ enyi axi jɛ dó kplé sín azǎn ɖé jí ɔ, etɛ mǐ ka na wà? Enyi mǐ nɔ na hwenu, hlɔnhlɔn kpo nǔɖokan kpo mǐtɔn ɖagbe hugǎn lɛ Jehovah ɔ, é na “kɔn nyɔna dó [mǐ] jí bɔ é na túnflá.” (Mal 3:10) É na xlɛ́ ali mǐ, nya xɛ ɖò mǐ jí, bo lɛ́ sú hudo mǐtɔn lɛ sín dò nú mǐ.—Mt 6:33; Eb 13:5.

KPƆ́N NǓKPINKPƆN-DÓ-KPLƆ́N-NǓ KPÒ ÐÒ NǓ GBIGBƆ TƆN LƐ GBÉ NYA WƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ nǔ e nɔví nyɔnu ɔ yí wǎn na é ka huzu afɔklɛ́nnú n’i gbɔn?

• 

  Nɛ̌ agbazazɔ́ mǐtɔn ka sixu huzu afɔklɛ́nnú nú mǐ gbɔn?

• 

  Timɔtée ko zin ɖò gbigbɔ lixo có, etɛwu é ka byɔ ɖɔ é ni kpó ɖò nǔ gbigbɔ tɔn lɛ gbé nya wɛ?—1Ti 4:16

• 

  Nɛ̌ nǔwiwa mǐtɔn lɛ ka nɔ xlɛ́ nǔ e ɖò taji hugǎn ɖò gbɛzán mǐtɔn mɛ é gbɔn?