XÓÐƆÐÓKPƆ́ ÐÉ BÍBƐ́
NǓKPLƆ́NKPLƆ́N 5
Nɔ wlí yɛ̌yi nú mɛ
Nǔgbódodó: “Mi nú xó mitɔn lɛ́ ní nɔ nyɔ́ se hwebǐnu.”—Koló. 4:6.
Nǔ e Pɔ́lu wa é
1. Kpɔ́n VIDEO ɔ, alǒ xa Mɛsɛ́dó 17:22, 23. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:
Nɛ̌ nǔ ka cí nú Pɔ́lu dó vodúnsinsɛn núwiwa e é mɔ ɖo Atɛ́ni lɛ́ é wú?—Kpɔ́n Mɛ. 17:16.
Pɔ́lu ɖó hwɛ nú Atɛ́ninu lɛ́ ǎ, é nyɔ́ wa ɔ, nɛ̌ é ka zán nǔ e yě ɖi nǔ ná lɛ́ é kpó yɛ̌yi kpó dó jlá wɛn ɔ yě gbɔn?
Étɛ́ kpɔ́ndéwú Pɔ́lu tɔn ka sixú kplɔ́n mǐ?
2. Ényí mǐ nɔ xwe sɔ bo nɔ cyán nǔ e mǐ nɔ ɖɔ lɛ́ é, lěe mǐ nɔ ɖɔ gbɔn é kpó hwenu e mǐ nɔ ɖɔ é kpó ɔ, é ná ɖibla zɔ́n hú gǎn bɔ mɛ lɛ́ ná ɖótó mǐ.
Xwedó kpɔ́ndéwú Pɔ́lu tɔn
3. Nɔ cyán xókwín e ná dɔn mɛ lɛ́ é. Ði kpɔ́ndéwú ɔ, ényí a ɖo xó ɖɔ xá mɛ e ma nyí klisánwun ǎ é ɖé wɛ ɔ, é sixú byɔ́ ɖɔ a ní húzú alɔ ɖo lěe a ná dɔn ayi tɔn yi Biblu jí gbɔn é, alǒ lěe a ná dó Jezu gesí gbɔn é.
4. Ma zɔn kplakpla jí bo jlá linlin mɛɖé tɔn ɖó ó. Jǒ mɛ ɔ dó nú é ní vo bo ɖɔ linlin tɔn. Nú é ɖɔ xó ɖé bónú xó ɔ sɔ́ ta nǔkplɔ́nmɛ Biblu tɔn lɛ́ hǔn, tɛ́n kpɔ́n bo ma dɔn nǔ xá ɛ ó. (Ja. 1:19) Nú a ɖótó è ɔ, a ná mɔ nǔ jɛ linlin tɔn lɛ́ mɛ.—Nǔx. 20:5.
5. Yǐ gbe nú mɛ ɔ bo lɛ́ kpa ɛ hwenu e é nyɔ́ bló dó é. É sixú ɖi nǔ dó nǔjɔnǔ mɛ ɖɔ sinsɛn-núkplɔ́nmɛ émítɔn lɛ́ sɔgbe. Ba nǔ e jí mi mɛ we lɛ́ ɖó linlin ɖokpó ɔ dó é jɛ nukɔn hwɛ̌, bónú énɛ́ gúdo ɔ, a ná jɛ alɔ dó è jí dɛ̌dɛ̌ nú é ná mɔ nǔ jɛ nǔ e Biblu kplɔ́n mɛ lɛ́ é mɛ.