NǓKPLƆNKPLƆN 05
Biblu: Wɛn Mawu Tɔn nú Mǐ
Jehovah na mǐ Biblu ɔ. Nǔnina ɖagbeɖagbe e mɛ wema 66 ɖè é ɖé wɛ. Amɔ̌, a sixu kanbyɔ hwiɖée ɖɔ: ‘Fitɛ Biblu ɔ ka gosin? Mɛ̌ ka nyí dǒwatɔ́ tɔn?’ Nú a na mɔ xósin nú nǔkanbyɔ enɛ lɛ hǔn, nǔ mǐ ni ɖɔ xó dó lee wɛn Mawu tɔn e ɖò Biblu mɛ é wá nú mǐ gbɔn é jí.
1. Gbɛtɔ́ lɛ wɛ wlán Biblu ɔ, bɔ aniwu mǐ ka nɔ ɖɔ ɖɔ Mawu wɛ nyí Dǒwatɔ́ tɔn?
Sunnu 40 mɔ̌ wɛ wlán Biblu ɔ ɖò xwè 1 600 mɔ̌ vlamɛ, sín 1513 J.H.M. tɔn jɛ 98 H.M. tɔn mɔ̌. Biblu-wlantɔ́ lɛ gbɔn vo nú yeɖée lɛ tawun có, nǔ e ye wlán lɛ é ka xò nǔ dó akpa ɖokpo ɔ mɛ. Nɛ̌ enɛ ka nyɔ́ bló gbɔn? Ðó Mawu wɛ nyí Dǒwatɔ́ Biblu ɔ tɔn. (Xà 1 Tɛsalonikinu lɛ 2:13.) Biblu-wlantɔ́ lɛ wlán linlin yeɖesunɔ tɔn lɛ ǎ. É nyɔ́ wà ɔ, “[gbigbɔ mímɛ́] wɛ nɔ sɔ́ dó ayi mɛ nú [ye], bɔ ye nɔ ɖɔ xó e Mawu ɖɔ ye ni ɖɔ é.”a (2 Piyɛ́ɛ 1:21) Mawu zán gbigbɔ mímɛ́ tɔn bo sɔ́ linlin tɔn lɛ dó ayi mɛ nú sunnu enɛ lɛ bɔ ye wlán.—2 Timɔtée 3:16.
2. Mɛ̌ mɛ̌ e ka sixu ɖu Biblu ɔ sín lè?
“Tò bǐ, akɔta bǐ, gbè bǐ kpodo togun bǐ kpo” sixu ɖu wɛnɖagbe e ɖò Biblu mɛ é sín lè. (Xà Nǔɖexlɛ́mɛ 14:6.) Mawu bló bɔ Biblu ɔ tíìn dó gbè gegě mɛ hugǎn wema ɖevo ɖebǔ. Ðibla nyí mɛ lɛ bǐ wɛ sixu xà Biblu ɔ. Nǔ sixu nyí mɔ̌, nú ye na bo ɖò fí ɖebǔ, alǒ nɔ dó gbè ɖebǔ ɔ nɛ.
3. Nɛ̌ Jehovah ka cyɔn alɔ Biblu ɔ jí gbɔn?
È wlán Biblu ɔ ɖó nǔ e ma nɔ dɔ́ji ǎ lɛ é jí, ɖi anyǔ kpo fɛ́n (papyrus) kpo. Amɔ̌, sunnu e yí wǎn nú Biblu ɔ lɛ é vɔ́ nǔ e ɖ’emɛ lɛ é wlán télélé kpo alɔ kpo. Acɛkpatɔ́ kpo sinsɛngán kpo ɖé lɛ tɛ́n kpɔ́n bo na sú Biblu ɔ sín kún dó có, mɛ ɖevo lɛ sɔ́ jlǒ dó sɔ́ gbɛ̀ yetɔn ɖó axɔ́ nu, bo cyɔn alɔ jǐ tɔn. Jehovah lɔn bonu mɛ ɖebǔ, alǒ nǔ ɖebǔ glɔ́n ali n’i bonu é na gɔn xó ɖɔ xá mǐ ǎ. Biblu ɖɔ: “Xó e Mawu mǐtɔn ɖɔ ɔ na nɔ ayǐ kaka sɔyi.”—Ezayíi 40:8.
BA DÒ NÚ NǓ D’EJI
Kplɔ́n nǔ ɖevo lɛ dó lee Mawu sɔ́ Biblu ɔ dó ayi mɛ nú sunnu ɖé lɛ bɔ ye wlán gbɔn é, lee é cyɔn alɔ jǐ tɔn gbɔn é, kpo lee é bló bɔ gbɛtɔ́ lɛ bǐ sixu ɖu lè tɔn gbɔn é kpo jí.
4. Biblu ɖesu ɖè Dǒwatɔ́ tɔn xlɛ́
Xò VIDEO ɔ. Enɛ gudo hǔn, xà 2 Timɔtée 3:16, bonu mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
Gbɛtɔ́ lɛ wɛ wlán Biblu ɔ, bɔ aniwu è ka nɔ ylɔ́ ɖɔ Xó Mawu tɔn?
Etɛ a ka lin dó enɛ wu?
Wěgbojinɔtɔ́ ɖé sixu wlán wema-sɛ́dó-mɛ ɖé, amɔ̌, mɛ e zɔ́n ɛ é tɔn wɛ nyí wɛn e ɖ’emɛ é. Mɔ̌ ɖokpo ɔ, gbɛtɔ́ lɛ wɛ wlán Biblu ɔ, amɔ̌, Mawu gɔ́n wɛ wɛn e ɖ’emɛ é gosin
5. Biblu xò gbeklánxámɛ zlɛ́
Nú Biblu ɔ Mawu gɔ́n wɛ é gosin ɔ, mǐ ɖó na ɖó nukún ɖɔ é na cyɔn alɔ jí. Ðò hwenuxó mɛ ɔ, mɛɖé lɛ tɛ́n kpɔ́n bo na sú Biblu ɔ sín kún dó. Sinsɛngán ɖé lɛ ba bonu mɛ lɛ ni nɔ xà Biblu ɔ ǎ. Amɔ̌, gbeklánxámɛ kpo kúdángblɔ́nnúmɛ kpo ɖò finɛ có, mɛ gegě ka sɔ́ gbɛ̀ yetɔn ɖó axɔ́ nu bo cyɔn alɔ Biblu ɔ jí. Nú a na kplɔ́n nǔ dó ye mɛ enɛ lɛ ɖokpo wu hǔn, xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
Tuùn e a tuùn ɖɔ è wà nǔ gegě dó cyɔn alɔ Biblu ɔ jí é ka sísɛ́ we bɔ a jló na xà à? Etɛwu?
Xà Ðɛhan 119:97, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
Etɛ ka sísɛ́ mɛ gegě bɔ ye sɔ́ gbɛ̀ yetɔn ɖó axɔ́ nu, bo lilɛ Biblu ɔ dó gbè ɖevo mɛ, bo lɛ́ má?
6. Wema ɖé nú gbɛtɔ́ lɛ bǐ
Biblu wɛ nyí wema e è lilɛ dó gbè ɖevo mɛ hugǎn, bo lɛ́ má hugǎn ɖò gbɛ̀ ɔ mɛ é. Xà Mɛsɛ́dó 10:34, 35, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
Etɛwu Mawu ka ba ɖɔ è ni lilɛ Xó emitɔn dó gbè gegě mɛ bo lɛ́ má sɔmɔ̌?
Etɛ ka kúnkplá Biblu ɔ bɔ a yí wǎn na?
Ðibla yì gbɛtɔ́ e ɖò gbɛ̀ ɔ mɛ lɛ é
100%
wɛ sixu xà Biblu ɔ dó gbè e
ye sè é ɖé mɛ
Gbè
3 000
jɛji mɛ wɛ é ko ɖè,
blebu tɔn alǒ akpáxwé tɔn ɖé
5 000 000 000
mɔ̌ wɛ è ko ɖetɔ́n,
enɛ hugǎn wema ɖevo ɖebǔ tɔn flaflá tɔn
MƐÐÉ LƐ ÐƆ: “Biblu ɔ, wema e gbɛtɔ́ lɛ wlán b’ɛ ka ko dóxó é ɖé kpowun wɛ.”
Etɛ a ka lin?
Kúnnuɖenú tɛ lɛ ka xlɛ́ ɖɔ Xó Mawu tɔn wɛ Biblu ɔ nyí?
ETƐ LƐ A KA KPLƆ́N?
Biblu ɔ, Xó Mawu tɔn wɛ, bɔ é bló bɔ gbɛtɔ́ e ɖò gbɛ̀ ɔ mɛ lɛ é bǐ sixu mɔ bo xà.
Vɔ̌gbɔnji
Nú è ɖɔ ɖɔ Mawu sɔ́ Biblu ɔ dó ayi mɛ nú gbɛtɔ́ lɛ bɔ ye wlán ɔ, etɛ ka nyí tinmɛ tɔn?
Etɛ ka jiwǔ nú we ɖò lee Biblu ɔ xò nǔ vovo lɛ zlɛ́ gbɔn é, lee è lilɛ dó gbè ɖevo mɛ sɔ é kpo lee è má sɔ é kpo mɛ?
Nɛ̌ nǔ ka cí nú we dó gǎn mɔ̌hun e Mawu dó bo na ɖɔ xó xá we é wu?
KÍJÉ
Xà tan Biblu ɔ tɔn: bɛ́sín alɔnuwema dodó lɛ jí kaka jɛ lilɛdógbeɖevomɛ égbé tɔn lɛ jí.
“Lee Biblu ɔ Wá nú Mǐ Gbɔn É” (Réveillez-vous! novembre 2007)
Kpɔ́n lee Biblu ɔ xò nǔ e na ko sú kún tɔn dó é atɔn zlɛ́ gbɔn é.
Kpɔ́n lee mɛ ɖevo lɛ sɔ́ gbɛ̀ yetɔn ɖó axɔ́ nu, bo lilɛ Biblu ɔ dó gbè ɖevo mɛ gbɔn é.
È vɔ́ Biblu ɔ wlán, bo lɛ́ lilɛ dó gbè ɖevo mɛ azɔn mɔ̌kpan. Etɛwu a ka sixu kúdeji ɖɔ è kún ɖyɔ wɛn Mawu tɔn ó?
“È Ðyɔ Nǔ E Ðò Biblu Mɛ lɛ É Alǒ Ye Bǐ Sɔgbe Ǎ Wɛ À?” (Xóta Ɛntɛnɛti jí tɔn)
a Lee è na tinmɛ gbɔn ɖò nǔkplɔnkplɔn 7gɔ́ ɔ mɛ é ɔ, gbigbɔ mímɛ́ ɔ, hlɔnhlɔn e Mawu nɔ sɔ́ dó wà nǔ na é wɛ.