Wěmafɔ lɛ́ flínflín

É ka ko vɛ́ wǔ nú we bónú a ná flín wěmafɔ e a yí wǎn ná é ɖé kpɔ́n a? É sixú nyí wěmafɔ e nɔ dó gbɔ nú we é, éé nɔ d’alɔ we bɔ a nɔ ɖí xwi xá linlin nyanya lɛ́ é alǒ, éé a jló ná má xá mɛɖé é ɖé. (Ðɛh. 119:11, 111) Kpɔ́n wěɖexámɛ e sixú d’alɔ we bɔ a ná nɔ flín wěmafɔ lɛ́ é ɖé lɛ́.

• Zǎn JW Library^®. Ényí a ɖo Biblu xa wɛ ɖo JW Library mɛ bo xa wěmafɔ e a ba ná flín é ɖé ɔ, a sixú hɛn ɖ’ayǐ (sauvegarder) bá dó sixú yá wǔ mɔ hweɖévonu.

• Zě wěmafɔ ɔ ɖó fí e a sixú mɔ ɖe é. Wlǎn wěmafɔ e a jló ná flín é dó wěma kpɛví ɖé jí, bo sɔ́ ɖó fí e a ná nɔ mɔ ɖe hwɛhwɛ é. Mɛɖé lɛ́ nɔ tɛ́ dó wěkpɛ́n yětɔn wú, mɛ ɖěvo lɛ́ ka nɔ tɛ́ dó sinfánú yětɔn sín hɔn wú. É ɖo mɔ̌ có, mɛ ɖěvo lɛ́ nɔ ɖe wěmafɔ ɔ sín fɔtóo bo nɔ sɔ́ ɖó alǒkan yětɔn, alǒ ɔdinatɛ́ɛ yětɔn sín nukúnmɛ.

• Zǎn wěma kléwún kléwún lɛ́. Wlǎn wěmafɔ ɔ dó akpá ɖokpó xwé, bo wlán nǔ e wěmafɔ ɔ ɖɔ é dó akpá ɖě ɔ xwé. Énɛ́ gúdo hǔn, kpɔ́n akpá e xwé a wlán wěmafɔ ɔ dó é bo tɛ́n kpɔ́n bo flín nǔ e wěmafɔ ɔ ɖɔ é, alǒ kpɔ́n nǔ e wěmafɔ ɔ ɖɔ é bo flín fí e è ɖɔ mɔ̌ ɖe ɖo Biblu ɔ mɛ é.