Toroɗen Alla fii heɓugol sulfu makko

Alla okkii tagaaɗo feere hertiinde : yewtugol mo e haalugol ko miijiɗen ka ɓernde men e nder toraare. Annabi Dawuuda torino : « An oo jentiiɗo torndeeji, kala neɗɗo ko e maa arata » (Zabuura 65:2 [65:3, VPFJ]). Kono ko honno tororten Alla fii no o heɗoroo en e o barkina en ?

TOROREE ALLA YANKINAARE E HAALON KO WONI KA ƁERNDE MON

Toragol Alla onon tun wallay on haalangol mo ko woni ka ɓernde mon e kala ko miijiɗon tigi tigi (Zabuura 62:8 [62:9, VPFJ]). Jom Bawgal on no yiɗi nanugol torndeeji iwruɗi e ɓernde laaɓunde.

TOREE ALLA E HOORE HUUTORGOL INNDE MAKKO NDEN

Fii kala Alla no noddiree sifaaji buy, kono ko innde wootere o mari. « Yahuwaha Alla [‘YHWH’, maandineere, VPFJ], [...] Ko ɗun woni innde an nden haa poomaa » (Eggudu ndun 3:15). Innde Yahuwah no ka nder Biindi seniiɗi ɗin ko yahata nde laabi 7 000. Annabaaɓe buy huutorno innde Alla nden ko ɓe torotonoo mo. Annabi Ibrahiima torino « Jom an [Yahuwah, NWT], mi torike ma, wota a tikku si mi wowlii kadi » (Fuɗɗoode nden 18:30, VPFJ). Enen kadi hiɗen haani huutorde innde Alla nden, Yahuwah, si hiɗen toraade mo.

TOREE ALLA KA HAALA MON

E nder kala haala ka huutorɗen fii toragol Alla, himo faama ko woni ka ɓernde men e ko miijiɗen. Daaluyee makko on no fellintinani en : « Ka haqiiqa mi faamii ɗun, fow no fota yeeso Alla. E nder leƴƴi ɗin fow, kala huluɗo mo, jokki peewal, o jaɓanay ontigi » (Kuuɗe sahaabaaɓe ɓen 10:34, 35).

Kono, fii heɓugol baraaji Alla ɗin, hiɗen haani waɗugol ko ɓuri toragol mo tun. E nder winndanɗe jokkituɗe ɗen, en taskoto ko haanuɗen waɗude.