Ko honɗun miijiɗon fii ko aroyta ?

KO DEFTERE ALLA NDEN WI’I KON

Alla fittoyay « kala gongol ka gite maɓɓe, hara hande kadi mayde waɗitataa, yoometaake, fesetaake, muuseendi waɗitataa. Ko fii haray sifa ɗin piiji arani fow feƴƴiino » (Feɲɲinannde 21:3, 4, VPFJ).

KO HONNO ƊUN NAFIRTA EN ?

Golle nafooɗe e ɓuttinayɗe ɓernde (Isaaya 65:21-23).

Nawnaare maa tampere wonoytaa (Isaaya 25:8 ; 33:24).

Ngurndan welo welo luttayɗan e ɓeynguure e siɓɓe e yiɓɓe (Zabuura 37:11, 29).

HIƊEN WAAWI HOOLAADE KO DEFTERE ALLA NDEN WI’I KON

Fii piiji ɗiɗi :

• Alla no waawi waɗude ko o fodi en kon. Deftere Alla nden wi’i, ko Yahuwah tun woni « Jom Bawgal », ko fii bawgal makko alaa hattudi (Feɲɲinannde 15:3). E bawgal makko, himo waawi waɗude ko o fodi en kon no aduna on moƴƴira. No Deftere Alla nden wi’iri non, « fow no waawanoo Alla » (Matta 19:26, VPFJ).

• Ko faale Alla fii waɗugol ko o fodi en. Yahuwah no « hawji » immintingol maayuɓe (Ayyuuba 14:14, 15).

  Deftere Alla nden holli kadi, annabi Iisaa ɲawduno nawnuɓe. Ko fii honɗun o waɗani ɗun ? Ɓayri himo faalano (Markuusa 1:40, 41). Annabi Iisaa waɗuno ko Alla yamiri mo kon fii wallugol faalaaɓe ballal (Yuuhanna 14:9).

  Hiɗen waawi hoolaade Yahuwah e annabi Iisaa no faalaa en wallude fii no heɓiren moƴƴere janngo. (Zabuura 72:12-14 ; 145:16 ; 2 Petruusu 3:9).