Tampere lannoyay ?

KO DEFTERE ALLA NDEN WI’I KON

Alla fittoyay « kala gongol ka gite maɓɓe, hara hande kadi mayde waɗitataa, yoometaake, fesetaake, muuseendi waɗitataa » (Feɲɲinannde 21:3, 4, VPFJ).

KO HONNO ƊUN NAFIRTA EN ?

Hiɗen felliti wonaa Alla woni sabu tampere men (Yaaquuba 1:13).

Hino ɓuttini ɓernde men ɓayri hiɗen anndi Alla no anndi tampere men (Zakariyaa’u 2:8).

Hiɗen tanƴinii tampere lannoyay (Zabuura 37:9-11).

HIƊEN WAAWI HOOLAADE KO DEFTERE ALLA NDEN WI’I KON

Fii piiji ɗiɗi :

• Alla no aɲi tampere e bonki. Annditee yurmeende Yahuwah nden fewndo jamaa makko on tampinteno. Deftere Alla nden wi’i mettuno Alla ko jamaa makko on « wonanoo e tampineede kon » (Ɲaawooɓe ɓen 2:18).

  Alla no muusee ko goɗɗo tampinta ɗimmo mun. Wano ko Deftere Alla nden wi’i kon, Alla no aɲi « juuɗe waɗooje masiibo » (Tindi 6:16, 17 ).

• Alla no dankii mo kala. Mo kala no anndi muuseendi mun. Kono Yahuwah Alla no ɓuri en anndude muuseendi men ! (2 Fillande taariika 6:29, 30).

  E nder laamu Yahuwah Alla, o lannoyay tampere mo kala (Matta 6:9, 10). Kono fewndo ɗoo, himo wallinde ɓernde ɓee heɗotoo ɓe mo (Kuuɗe 17:27 ; 2 Korenti 1:3, 4).