Ko honno ngurndan fuɗɗori ?

« Ɓundu ngurndan » ko e Alla iwri (Zabuura 36:9 [36:10 VPFJ]). Hiɗon hoolii ɗun ? Woɓɓe no miijii hay gooto tagaali ngurndan. Si tawii ko non woniri, haray ko kawral ngurndan ardiri. Kono si tawii ko Yahuwah Alla tagi ngurndan, haray himo mari dalil moƴƴo fii tagugol ɗan, kaa ? E nder ndee toɓɓere, on annday ko Deftere Alla nden wi’i kon fii no ngurndan fuɗɗori e fii honɗun waawoton hoolaade ɗun.a

1. Ko honno tageefo ngon fuɗɗori ?

Deftere Alla nden wi’i : « Ka fuɗɗoode, Allaahu on tagi kammu ngun e leydi ndin » (Fuɗɗoode nden 1:1, VPFJ). Ganndiduɓe buy no fotti fii innugol tageefo ngon no mari fuɗɗoode. Ko honno Alla tagiri piiji ɗin fow ? O huutorno « bawgal makko firnungal » ngal, ɗun ko ruuhu seniiɗo makko on, fii tagugol piiji ɗin fow : e piide misal mojobe koode ɗen, koode ɗen e tagopeeje ɗen (Fuɗɗoode nden 1:2, VPFJ).

2. Ko fii honɗun Alla tagani leydi ndin ?

Yahuwah Alla « tagiraali leydi ndin fii meere, kono o tagiri ndi fii ka hoɗee » (Isaaya 45:18). O moƴƴiniri tagofeere men nden fii no yimɓe ɓen hoɗira e nder weltaare hoore mayre haa poomaa (janngee Isaaya 40:28 e 42:5). Antaaku wi’i : tagofeere wa leydi ndin alaa. Ko kayri tun anndaa ka ngurndan woodi.

3. Ko honɗun waɗi yimɓe no serti e kulle ?

Bawto ko Yahuwah Alla tagi leydi ndin, o tagi ngurndan e hoore mayri. O fuɗɗori hebbingol leydi ndin leɗɗe, geene e kulle. Ɓawto ɗun « Allaahu on tagi aaden wa nando makko » (janngee Fuɗɗoode nden 1:27, VPFJ). Ko fii honɗun neɗɗo serti e ko tagaa kon fow ? Ko fii hiɗen tagiraa wa nanndo Alla, ɗun no firi hiɗen waawi ɲemmbude sifaaji makko ɗin wano giggol makko ngol e peewal makko ngal. O tagidii en kadi e feere janngugol haalaaji, yiɗugol piiji fotuɗi e galli. Ko sertindini en e kulle ɗen ko ɓayri hiɗen waawi rewude Taguɗo en on.

LUGGINEE

Ndaaree dalilji holluɗi ngurndan ko ko eɓɓaa e fii honɗun hoolantoɗen ko Deftere Alla nden haali kon fii tageefo ngon. Ndaaree kadi ko sifaaji yimɓe ɓen jannata en fii Alla.

4. Piiji wuuruɗi ɗin ko ko eɓɓaa ?

Si goɗɗo moƴƴinii huunde e nder ɲemmbugol ko tagaa kon, o teddinte. Kono ko hommbo haanaa teddineede fii ko tagaa kon ? Fijinee VIDIO on e yewton fii lanndal jokkitungal ngal.

VIDIO : Hoolagol Alla (2:43)

• Ko honɗun yimɓe ɲemmɓi ka hoore leydi fii moƴƴingol piiji ?

Kala suudu ko goɗɗo eɓɓi e darni ndu. Kono ko hommbo eɓɓi e darni piiji ɗin fow ? Janngee Yahuudiyankeeɓe 3:4 e yewton fii ɗee lanndaale :

• Ko honɗun ŋalɗini on e kala ko woodi ?

• Hiɗon waawi hoolaade kala ko woni e nder winndere nden ko ko tagaa ? Fii honɗun ?

Hari hiɗon anndi ?

Fii ndaarugol winndanɗe e vidiooji fii ɗun yahee ka jw.org, ka taƴe « Tageefo ngon hari ko ko eɓɓaa ? » e « Miijooji fii no ngurndan fuɗɗori ».

« Ko fii kala suudu ko goɗɗo darni ɗun, kono ko kanko Alla darni kala huunde. »

5. Hiɗen waawi hoolaade ko Deftere Alla nden haali fii tageefo ngon

VIDIO : Kala ko woodi ko ko tagaa ? (Suutannde) (3:51)

• Deftere Alla nden no janni wonndema leydi ndin e ngurndan no tagaa e nder balɗe jeegoo ɗe leereeji 24 ?

• Hiɗon miijii ko Deftere Alla nden haali fii tageefo ngon no selli e no holnii ? Fii honɗun ?

Janngee Fuɗɗoode nden 1:1 (VPFJ) e yewton fii ngal lanndal :

• Annduɓe ɓen wi’i tageefo ngon no mari fuɗɗoode. Honno ko ɓe haali kon yaadiri e ko jannguɗon kon ka nder Deftere Alla ?

Woɓɓe goo no sikki Alla taguno huunde melenre fii no nde waylora e piiji wuuruɗi goo. Janngee Fuɗɗoode nden 1:21, 25, 27 (VPFJ) e yewton fii ɗee lanndaale :

• Deftere Alla nden jannii wonndema Alla taguno huunde melenre e onsay o acci nde waylii liƴƴi, kulle e yimɓe ? Kaa o taguno kala « noone » piiji wuuruɗib ?

6. Neɗɗo nanndaa e ko Alla tagi kon fow

Yahuwah Alla tagidii en e sifaaji sertuɗi e kulle. Janngee Fuɗɗoode nden 1:26 (VPFJ) e yewton fii ngal lanndal :

• Ɓayri hiɗen tagaa wa nanndo Alla e hiɗen mari bawgal yiɗugol e yurmingol, ko honɗun ɗun janni en fii no Alla sifori non ?

RAWNOODE

Ko Yahuwah Alla tagi piiji ɗin fow e kala noone ngurndan.

Ndartannde

• Ko honɗun Deftere Alla nden janni fii no tageefo ngon fuɗɗori ?

• Alla accuno huunde melenre nde o tagunoo fii no nde waylora piiji wuuruɗi goo, kaa o taguno ɗi fow ?

• Fii honɗun neɗɗo nanndaa e ko Alla tagi kon fow ?

TASKEE

Ndaaree mise e nder tageefo ngon holluɗe wonndema Eɓɓuɗo no woodi.

« Ko honɗun tageefo ngon jannata en ? » (Finee !, settaambur 2006)

Ndaaree no baabaajo siforanta paykun makko gorun ko Deftere Alla nden haali kon fii tageefo ngon.

« Ko Yahuwah Alla tagi piiji ɗin fow » (2:37)

Ndaaree si waylital no yaadi e ko Deftere Alla nden wi’i kon.

« Alla accuno huunde melenre nde o tagunoo fii no nde waylora e piiji wuuruɗi goo ? » (Winndannde ka jw.org)

Ndaaree si ƴi’e kiɗɗe ɗen e tasakuyee annduɓe ɓen no holli ngurndan ko ko tagaa maa si tawii ko nii ardiri.

Lanndaale jowi fii no ngurndan fuɗɗori (deftere sewunde)