TOƁƁERE 25
Ko honɗun Alla faalanaa en ?
Deftere Alla nden wi’i yimɓe ɓen ’wuuray haa seeɗa e ngurndan maɓɓe ɗan no heewi sonnjaaji’ (Ayyuuba 14:1). Ko ɗun tigi Alla faalanaa en ? Si tawii wonaa ɗun, ko honɗun woni eɓɓoore Alla nden fii men ? Ɗun laatoto ɲannde goo ? Ndaaren jaabaaji ɓuttinayɗi ɓernde ka nder Deftere Alla.
1. Ko sifa ngurndan honɗan Yahuwah Alla faalanaa en ?
Yahuwah Alla no faalanaa en ngurndan ɓurɗan moƴƴude. Ko o tagunoo baaba Aadama e neene Hawaa, o waɗuno ɓe e nder aljanna labaaɗo, ka tutateeri Adni. Ɓawto ɗun “ Allaahu on waɗi barki e maɓɓe, o daalani ɓe : « Heɓee ɓiɓɓe, ɗuuɗon, hebbinon aduna on, huɓindoɗon mo » ” (Fuɗɗoode nden 1:28, VPFJ). Yahuwah Alla no faalanoo yo ɓe heɓu ɓiɓɓe, ɓe waɗa leydi ndin fow aljanna e ɓe dankoo kulle ɗen. Faale makko on hari ko yo yimɓe ɓen fow heɓu cellal timmungal e ɓe wuura haa poomaa.
Hay si piiji ɗin woniraali hannde no Alla faaliranoo nona, faale makko on waylaaki (Isaaya 46:10, 11). Fahin Yahuwah Alla no faalaa yo yimɓe ɗoftiiɓe ɓen heɓu ngurndan timmuɗan haa poomaa (janngee Feɲɲinannde 21:3, 4).
2. Ko honno heɓirten ngurndan welɗan hannde ?
Yahuwah Alla tagidii en e feere fii ʻheɗagol daaluyee makko on e ɗoftagol mo’ fii no anndiren mo e no rewiren mo (janngee Luuka 11:28). Himo faalaa yo en wonu yiɓɓe makko hiɓɓuɓe, ʻjokken laawi makko ɗin fow’, e yiɗiren mo ʻɓernde men nden fow’ (Yaɲɲannde sariyaaji ɗin 10:12 ; Zabuura 25:14). Si en waɗii ɗun, en waaway heɓude weltaare timmunde hay si hiɗen wondi e sonnjaa. Rewugol Yahuwah Alla okkay en laawol moƴƴol fii ngurndan men ɗan ɓay en waaway wuurude no Alla faalira non.
LUGGINEE
Ndaaren no Yahuwah Alla tagiri leydi ndin e hoore giggol e ko Daaluyee makko on jannata en fii faandaare ngurndan.
3. Yahuwah Alla no faalaa yo tagaaɗo heɓu ngurndan moƴƴan
Fijinee VIDIO on e yewton fii lanndal jokkitungal ngal.
Fii honɗun Alla tagani leydi men labaandi ndin ?
Janngee Waajotooɗo on 3:11 e yewton fii ngal lanndal :
Ko honɗun oo aaya jannata on fii Yahuwah Alla ?
4. Faale Yahuwah Alla on waylaaki
Janngee Zabuura 37:11, 29 (VPFJ) e Isaaya 55:11 e yewton fii ngal lanndal :
Ko honno anndirɗen faale Yahuwah Alla on fii men waylaaki ?
Suudu bonundu no waawa watteede. Ko wano non kadi, leydi ndin ndi yimɓe ɓen ronki dankaade, Alla wattiroyta ndi fii yiɗuɓe mo ɓen.
5. Rewugol Yahuwah Alla okkay en laawol moƴƴol fii ngurndan men ɗan
Anndugol faandaare ngurndan okkay en weltaare. Fijinee VIDIO on e yewton fii lanndal jokkitungal ngal.
Ko honɗun e nafa Terumi heɓi ko o janngi fii faandaare ngurndan ?
Janngee Waajotooɗo on 12:13 e yewton fii ngal lanndal :
Si en miijitike fii kala huunde nde Yahuwah Alla waɗani en, ko honɗun enen kadi faaleteɗen waɗangol mo ?
NO GASA WOƁƁE NO LANNDOO : « Ko honɗun woni faandaare ngurndan ? »
Ko honno jaabortoɗon ?
RAWNOODE
Yahuwah Alla no faalaa yo en heɓu ngurndan welɗan ko timmi haa poomaa e hoore ndii leydi. Si en rewrii Alla ɓernde men nden fow, en heɓay ngurndan kelɗuɗan hay hannde.
Ndartannde
Ko Yahuwah Alla tagi baaba Aadama e neene Hawaa, ko honɗun o faalananoo ɓe ?
Ko honno anndirten faale Alla on fii tagaaɗo waylaaki ?
Ko honno heɓirton ngurndan kelɗuɗan ?
TASKEE
Ndaaree ko holli tutateeri Adni ndin wooduno.
« Tutateeri Adni ndin—Ko tinndi e taali ? » (Suudu Aynirdu ndun, 1 sanwiye 2011)
Ndaaree fii honɗun hiɗen waawi fellitude leydi ndin wooday haa poomaa.
Taskee ko Deftere Alla nden haali kon fii faandaare ngurndan.
Ndaaree honno gorko sikkunooɗo heɓii fow anndiri no woodi ko mankani mo e nder ngurndan makko ɗan.
a Toɓɓere jokkitunde nden sifanto en fii honɗun ɗun waɗiraali non.