BIBLIOTHÈQUE EN LIGNE Watchtower
Watchtower
BIBLIOTHÈQUE EN LIGNE
Fula
  • BIBLE
  • PUBLICATIONS
  • RÉUNIONS
  • lff toɓere 8
  • Hiɗon waawi wonude giɗo Yahuwah Alla

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Hiɗon waawi wonude giɗo Yahuwah Alla
  • Heɓee ngurndan welɗan haa poomaa ! (jannde fii faamugol Deftere Alla nden)
  • Intertitres
  • Document similaire
  • LUGGINEE
  • RAWNOODE
  • TASKEE
  • Suɓee moƴƴa weldiɓɓe mon ɓen
    Heɓee ngurndan welɗan haa poomaa ! (jannde fii faamugol Deftere Alla nden)
Heɓee ngurndan welɗan haa poomaa ! (jannde fii faamugol Deftere Alla nden)
lff toɓere 8
Toɓɓere 08.Gorko no jooɗi e banwal e himo ndaarude kammu ngun.

TOƁƁERE 08

Hiɗon waawi wonude giɗo Yahuwah Alla

Édition imprimée
Édition imprimée
Édition imprimée

Yahuwah Alla no faalaa yo on anndu mo moƴƴa. Fii honɗun ? Ko fii himo tanƴinii si on ɓeydii anndugol sifaaji makko ɗin, no o waɗirta piiji non e faale makko on, on ɓurtay faaleede wonugol giɗo makko. E miijo mon, on waaway wonude giɗo Alla tigi tigi ? (Janngee Zabuura 25:14). Ko honno waawirton wonude giɗo makko ? Deftere Alla nden no jaabii ɗee lanndaale e hinde sifii fii honɗun wonugol giɗo Alla ko weldigal ɓurngal hittude.

1. Ko honɗun Yahuwah Alla faalaa yo on waɗu ?

« Ɓadee Alla, ɗun o ɓadoto on » (Yaaquuba 4:8). Ko honɗun oo aaya firi ? Yahuwah Alla no faalaa yo on wonu giɗo makko. No sattani woɓɓe wonugol giɗo Alla ɓayri ɓe yi’ataa mo. Kono e nder Daaluyee makko on, Yahuwah Alla no feɲɲinani en kala ko haanuɗen anndude fii makko fii no ɓadoren mo. E nder ko janngeten Deftere Alla nden kon, ɗun ko nelal makko ngal e men, weldigal men ngal e Yahuwah Alla ɓurtay tiiɗude, hay si en yi’ataa mo.

2. Fii honɗun Yahuwah Alla ko giɗo ɓurɗo kelɗude mo waawoton heɓude ?

Hay gooto yiɗaa on moƴƴa wa Yahuwah Alla. Himo faalaa yo on welto e toroɗon mo ballal e saa’i kala mo hatonjiniɗon. Hiɗon waawi ‘fawude anndeeji mon ɗin fow e hoore makko, ko fii o kippay fii mon’ (1 Petruusu 5:7). E saa’i kala Yahuwah Alla no hebilii tammbitagol yiɓɓe makko ɓen, multugol e heɗagol ɓe (janngee Zabuura 94:18, 19, VPFJ).

3. Ko honɗun Yahuwah Alla faalaa yo en waɗu fii wonugol giɗo makko ?

Yahuwah Alla no yiɗi yimɓe ɓen fow, kono « Joomiraaɗo on no weldi e feewuɓe ɓen » (Tindi 3:32, VPFJ). Fii wonugol giɗo Alla hiɗen haani wakkilaade waɗugol ko o yiɗi e wikkaade piiji ɗi o yiɗaa. Woɓɓe no miijii ɓe waawataa teddinde muk laawi Yahuwah Alla ɗin fii ko moƴƴi e ko boni. Kono Yahuwah Alla no moƴƴi ɓernde. O jaɓanay kala yiɗuɗo mo tigi tigi e kala wakkiliiɗo waɗugol piiji weltinayɗi mo (Zabuura 147:11, VPFJ ; Kuuɗe sahaabaaɓe ɓen 10:34, 35).

LUGGINEE

Anndee honno wonirton giɗo Yahuwah Alla e fii honɗun o wonanta on giɗo ɓurɗo kelɗude mo waawoton heɓude.

4. Annabi Ibraahiima hari ko giɗo Yahuwah Alla

Taariika annabi Ibraahiima on (noddaaɗo kadi Abraama) ka nder Deftere Alla no holli en ko honɗun firi wonugol giɗo Alla. Janngee Fuɗɗoode nden 12:1-4 (VPFJ) e yewton fii ɗee lanndaale :

  • Ko honɗun Yahuwah Alla daalani annabi Ibraahiima waɗugol ?

  • Ko honɗun Yahuwah Alla fodi mo ?

  • Ko honɗun annabi Ibraahiima waɗi fii teddingol yamirooje Yahuwah Alla ɗen ?

5. Ko Yahuwah Alla faaletee yo yiɓɓe makko ɓen waɗu

No haani ka tanƴinoren piiji goo yiɓɓe men.

  • Ko piiji honɗi faaleteɗon yo yiɓɓe mon ɓen waɗan on ?

Janngee 1 Yuuhanna 5:3 e yewton fii ngal lanndal :

  • Ko honɗun Yahuwah Alla faaletee yo yiɓɓe makko ɓen waɗu ?

Fii ɗoftagol Yahuwah Alla, haray hiɗen haani waylude jikkuuji men ɗin e sifaaji men goo. Janngee Isaaya 48:17, 18 e yewton fii ngal lanndal :

  • Fii honɗun Yahuwah Alla no faalaa yo yiɓɓe makko ɓen waylu jikkuuji maɓɓe ɗin ?

Darnoowo suudu no jonnude ɗimmoojo makko on kaske.

No giɗo men okkirta en waajuuji haanuɗi fii nafa men e fii danndugol en, ko wano non kadi Yahuwah Alla waɗiranta yiɓɓe makko ɓen.

6. Ko Yahuwah Alla waɗata fii wallugol yiɓɓe makko ɓen

Yahuwah Alla no walla yiɓɓe makko ɓen jittugol satteendeeji maɓɓe ɗin. Fijinee VIDIO on e yewton fii lanndal jokkitungal ngal.

VIDIO : Yahuwah Alla wallii lan moƴƴa (3:20)

  • Ko honno Yahuwah Alla walliri debbo on ka vidio jittugol miijooji makko sattuɗi ɗin ?

Janngee Isaaya 41:10, 13 e yewton fii ɗee lanndaale :

  • Ko honɗun Yahuwah Alla fodi waɗangol yiɓɓe makko ɓen fow ?

  • Hiɗon miijii Yahuwah Alla wonanay on giɗo moƴƴo ? Fii honɗun ?

Ko notaa : Weldiɓɓe no wallindirde. 1. Gorgo no wallude goɗɗo goo eggingol taabal njanal. 2. Debbo no yewtude debbo goo ko woni ka ɓernde makko. 3. Gorko no wallude gorko barmuɗo e koyngal fii seppugol.

Yiɓɓe mon hiɓɓiiɓe ɓen wallay on si hiɗon hatonjini e ballal maɓɓe. Yahuwah Alla wallay on kadi.

7. Fii wonugol giɗo Yahuwah Alla hiɗon haani yewtugol mo e jentagol mo

Si goreeɓe ɗiɗo no yewtida, ɗun tiiɗinay weldigal maɓɓe ngal. Janngee Zabuura 86:6, 11 e yewton fii ɗee lanndaale :

  • Ko honno yewtirten Yahuwah Alla ?

  • Ko honno Yahuwah Alla yewtirta en ?

Ko notaa : 1. Debbo no toraade Alla. E dow hoore makko nden, ndagawal no fewti dow. 2. Debbo no janngude Deftere Alla nden. E dow hoore makko nden, ndagawal no fewti ley.

Hiɗen yewta Yahuwah Alla e nder toragol mo. Himo yewta en rewrude Deftere makko nden.

WOƁƁE GOO NO WI’A: « En waawataa ɓadaade Alla. »

  • Ko aaya hommbo huutorton fii hollugol hiɗen waawi wonude giɗo Yahuwah Alla ?

RAWNOODE

Yahuwah Alla no faalaa yo on wonu giɗo makko e o wallay on wonugol ɗun.

Ndartannde

  • Ko honno Yahuwah Alla wallirta yiɓɓe makko ɓen ?

  • Fii honɗun Yahuwah Alla yamiri yiɓɓe makko ɓen waylugol jikkuuji maɓɓe ɗin ?

  • Hiɗon miijii Yahuwah Alla no tanƴinori yiɓɓe makko ɓen ko ɗuuɗi ? Fii honɗun ?

Faandaare

TASKEE

Ko honno wonugol giɗo Yahuwah Alla nafirta on ?

« Yahuwah : Alla mo haanuɗen anndude » (Suudu Aynirdu ndun, 15 feeburuyee 2003)

Anndee honno wonirton giɗo Alla.

« Ko honno mi waawirta wonude giɗo Alla ? » (Lanndaale sukaaɓe e jiwɓe : jaabaaji nafayɗi [senngo 2], simoore 35)

Ndaaree fii honɗun debbo goo no miijii no weldigal makko e Yahuwah Alla danndiri mo.

« Mi faalanooka maayude ! » (Suudu Aynirdu ndun n° 1 2017)

Nanee ko sukaaɓe e jiwɓe miijii fii Yahuwah Alla.

Ko honɗun firi wonugol giɗo Alla ? (1:46)

    Pular Saakital (2013-2024)
    Se déconnecter
    Se connecter
    • Fula
    • Partager
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Se connecter
    Partager