BIBLIOTHÈQUE EN LIGNE Watchtower
Watchtower
BIBLIOTHÈQUE EN LIGNE
Fula
  • BIBLE
  • PUBLICATIONS
  • RÉUNIONS
  • lff toɓere 48
  • Suɓee moƴƴa weldiɓɓe mon ɓen

Aucune vidéo n'est disponible pour cette sélection.

Il y a eu un problème lors du chargement de la vidéo.

  • Suɓee moƴƴa weldiɓɓe mon ɓen
  • Heɓee ngurndan welɗan haa poomaa ! (jannde fii faamugol Deftere Alla nden)
  • Intertitres
  • Document similaire
  • LUGGINEE
  • RAWNOODE
  • TASKEE
  • Hiɗon waawi wonude giɗo Yahuwah Alla
    Heɓee ngurndan welɗan haa poomaa ! (jannde fii faamugol Deftere Alla nden)
Heɓee ngurndan welɗan haa poomaa ! (jannde fii faamugol Deftere Alla nden)
lff toɓere 48
Toɓɓere 48. Weldiɓɓe nayo no ƴettitaade fotoo.

TOƁƁERE 48

Suɓee moƴƴa weldiɓɓe mon ɓen

Édition imprimée
Édition imprimée
Édition imprimée

Hiɗen yiɗi feƴƴingol saa’i moƴƴo e weldiɓɓe hiɓɓuɓe e si en heɓii satteende, hiɓe waawi en tiiɗinde. Kono Deftere Alla nden wi’i wonaa yimɓe ɓen fow woni weldiɓɓe moƴƴuɓe. Ko honno non suɓortoɗon weldiɓɓe moƴƴuɓe ? Ndaaree lanndaale jokkituɗe ɗen.

1. Ko honno weldiɓɓe ɓe suɓiɗon ɓen battinirta on ?

No feƴƴinirton saa’i e goɗɗo woo, ko non nanndirton e makko. Ɗun no waawi wonude ko moƴƴi maa ko boni. Ɗun ko goonga si hiɗon wondi e maɓɓe maa ka enternet. No Deftere Alla nden wi’iri non : « Wondugol e faamuɓe no okka faamu, kono wondugol e bonɓe [ɓee ɓe yiɗaa Yahuwah Alla] masinbinay » (Tindi 13:20, VPFJ). Weldiɓɓe mon yiɗuɓe Yahuwah Alla ɓen wallay on no wondiron e Yahuwah Alla e fewjon ko moƴƴi. Kono weldiɓɓe mon ɓe rewataa Yahuwah Alla ɓen woɗɗinday on e makko. Ko ɗun waɗi, Deftere Alla nden no wakkilina en suɓagol moƴƴa weldiɓɓe men ɓen ! Si weldiɓɓe men ɓen wonii yiɗuɓe Alla, ɗun nafay en e nafay ɓe kamɓe kadi. ‘En waaway wakkilindirde e tiiɗindirde’ (1 Tesalonii 5:11).

2. Fii honɗun weldiɓɓe ɓe suɓotoɗon ɓen hittani Yahuwah Alla ?

Yahuwah Alla no suɓoo moƴƴa weldiɓɓe makko ɓen. « Ko fii Joomiraaɗo on no weldi e feewuɓe ɓen » (Tindi 3:32, VPFJ). Ko honno Yahuwah Alla miijortoo si on suɓike weldiɓɓe ɓe yiɗaa mo ? O weltotaako fes ! (Janngee Yaaquuba 4:4). Kono, Yahuwah Alla weltoto e o suɓoto en wonugol yiɓɓe makko si en wikkike wondugol e yimɓe bonɓe e si en ɓaɗike yimɓe yiɗuɓe mo (Zabuura 15:​1-4, VPFJ).

LUGGINEE

Miijee fii honɗun no hitti suɓagol weldiɓɓe mon ɓen e no heɓirton weldiɓɓe moƴƴanɓe on.

3. Wattanee yila e wondiɓɓe bonɓe

Yimɓe ɓe yiɗaa Alla e sariyaaji makko ɗin ko wondiɓɓe bonɓe. Fijinee VIDIO on e yewton fii lanndal jokkitungal ngal.

VIDIO : Anndee no wikkorton wondiɓɓe bonɓe (6:​17)

  • Ko honno heɓirten wondiɓɓe bonɓe hara en anndaa ?

Janngee 1 Korenti 15:33 e yewton fii ɗee lanndaale :

  • E miijo mon, ko yimɓe homɓe wonata wondiɓɓe bonɓe ? Fii honɗun ?

Janngee Zabuura 119:63 (VPFJ) e yewton fii ngal lanndal :

  • Ko honɗun hollata on si goɗɗo wonay weldiiɗo moƴƴo ?

Booliwal poomuuje. Poomuure ɲollunde wootere no mooɓa cooƴi e no raaɓude luttuɗe ɗen.

Poomuure ɲollunde wootere bonnay luttuɗe ɗen fow. Ko honno wondiiɗo bonɗo waawirta on bonnude ?

4. Yimɓe sertuɓe e men no waawi wonude weldiɓɓe men moƴƴuɓe

Deftere Alla nden no yewti fii weldigal moƴƴal wonunoongal hakkunde annabi Daawuuda e Yonathan. Hari hiɓe serti fota e duuɓi. Oya hari ko o ngaynaako, oya hari ko o ɓiɗɗo lanɗo. Janngee 1 Samu’iila 18:1 e yewton fii ngal lanndal :

  • Fii honɗun weldiɓɓe men ɓen haanaa wonude goreeɓe men tun maa wuurirɓe wano men ?

Janngee Roomu 1:11, 12 e yewton fii ngal lanndal :

  • Ko honno yiɗuɓe Yahuwah Alla ɓen mo kala wakkilinirta oya ?

E nder oo vidio, ndaaree no suka heɓiri weldiɓɓe e nokkuure nde o miijanooki. Fijinee VIDIO on e yewton fii lanndaale jokkituɗe ɗen.

VIDIO : Heɓugol weldiɓɓe ka en miijaaki (5:​06)

  • E nder vidio on, fii honɗun mawɓe Akil ɓen hari no aani fii weldiɓɓe makko ɓen ka lekkol ?

  • Ko honɗun waɗi haa o ɗaɓɓani weldigal sukaaɓe goo ka lekkol makko ?

  • Ko honno o foolirnoo wulaa makko on ?

5. No heɓirton weldiɓɓe kelɗuɓe

Ndaaree no heɓirton weldiɓɓe kelɗuɓe e no wonirton giɗo kelɗuɗo. Fijinee VIDIO on.

VIDIO : Ko hommbo woni giɗo kelɗuɗo ? (4:​14)

Pirinti vidio on : « Ko hommbo woni giɗo kelɗuɗo ? ». Suka no wondi e yiɓɓe ɓe duuɓi e leƴƴi sertuɗi e dokke sertuɗe.

Janngee Tindi 18:24 e 27:17 (VPFJ), e yewton fii ɗee lanndaale :

  • Ko honno weldiɓɓe kelɗuɓe wallindirta ?

  • On heɓii sifa ɓen weldiɓɓe kelɗuɓe ? Si on heɓaali sifa ɓen, ko honno gerdirton haa heɓon ɓe ?

Janngee Filipii 2:4 e yewton fii ngal lanndal :

  • Fii heɓugol weldiɓɓe kelɗuɓe, hiɗon haani wonude giɗo kelɗuɗo. Ko honno gerdirton ɗun ?

Ko notaa : jiwo no ari hiwragol weldiɓɓe makko kelɗuɓe tato. 1. Himo yewtidude e goɗɗo e maɓɓe ka telefon. 2. Himo yewtidude e debbo mawɗo ka Fottirde. 3. Himo yahi fii hiwragol goɗɗo e maɓɓe heɓuɗo faatunde.

Fii heɓugol weldiɓɓe kelɗuɓe, hiɗon haani wonude weldiiɗo kelɗuɗo.

WOƁƁE GOO NO WI’A : « Heɓugol weldiɓɓe wonɓe woo no ɓuri anngal weldiɓɓe few. »

  • Ko honɗun onon miijiɗon ?

RAWNOODE

Si en suɓike moƴƴa weldiɓɓe men ɓen, en heɓay weltaare e en weltinay Yahuwah Alla.

Ndartannde

  • Fii honɗun weldiɓɓe ɓe suɓotoɗen ɓen no hittani Yahuwah Alla ?

  • Ko sifa weldiɓɓe homɓe haanuɗen wikkaade ?

  • Ko honno heɓirton weldiɓɓe kelɗuɓe ?

Faandaare

TASKEE

Ndaaree no weldiɓɓe kelɗuɓe wallirta en si en heɓii satteende.

« Wakkilee heɓon weldiɓɓe kelɗuɓe ado lannoode aduna on » (Suudu Aynirdu ndun, noofaambur 2019)

Miijitee fii ko waawuɗon waɗude fii heɓugol weldiɓɓe kelɗuɓe.

« Ko honno mi heɓirta weldiɓɓe kelɗuɓe ? » (Lanndaale sukaaɓe e jiwɓe : jaabaaji nafayɗi, [senngo 1], simoore 8)

Ko honɗun haanuɗaa anndude fii weldiɓɓe maa ɓen ka enternet ?

Si hiɗa mari wondiɓɓe ka enternet, reeno (4:​12)

E nder taariika on « Hari miɗo hatonjini moƴƴa e baaba » ndaaree fii honɗun gorko on seli weldiɓɓe makko ɓen e o suɓii woɓɓe goo.

« Deftere Alla nden no wayla ngurndan » (Suudu Aynirdu ndun, 1 awril 2012)

    Pular Saakital (2013-2024)
    Se déconnecter
    Se connecter
    • Fula
    • Partager
    • Préférences
    • Copyright © 2025 Watch Tower Bible and Tract Society of Pennsylvania
    • Conditions d’utilisation
    • Règles de confidentialité
    • Paramètres de confidentialité
    • JW.ORG
    • Se connecter
    Partager